غيرت زيت شل 5000 للالنترا 2012 وكانت المفاجاءة

**Lion_Heart** · 14-09-2011 09:41 PM

اكيد معاك الكتالوج بص عليه و اتاكد من حكاية الزيت دى و لو فى زيادة ممكن تروح لحد بيغير زيوت يسحب الزيادة بماكينة زى السرنجة
و فعلا حط زيت تخليقى شل الترا هيحافظ على موتورك اكتر و هيكون اوفر لانه بيعمل 10000كم
وخللى بالك الشل الاصفر 3000 كم بس مش 5000

**El Prince** · 14-09-2011 10:12 PM

ما دمت غيرت الفيلتر حتى لو حطيت الجركن كله لا تقلق بس ماتكبسش على الموتور قوى و كده كده هاتغير الزيت كله فى صيانة الخمستلاف
و بعد أول مره شيل أصفر حط الترا أو اى نوع تخليقى بالكامل أفضل للعربية أول 3 سنين
و الف مبروك و ربنا يديك خيرها و يكفيك شرها

**aymanshebl** · 15-09-2011 06:39 AM

المشاركة الأصلية كتبت بواسطة propagaanda

يا رااااااااااااجل و هي دي المفاجأة ... ده انت خضيتني على العربية !!

أولا اتأكد ان العربية مش واقفة على مطلع أو منزل و انت بتقيس الزيت ....
ثانيا انا حطيت 3.75 برضو و في نفس العربية
بص ........لمعلوماتك طالما العربية مظبوطة و البوجيهات مش مرشحة و مفيش دخنة يبقى الدنيا تمام و بعدين أكيد مش هتحط في العربية أقل من 3.75 لتر....
ده البيكانتو بتاخدهم ياراجل d:
في ناس بتحط ال 4 كلهم بالفلتر و مش بيحصل حاجة .... انا مرة أعرف واحد عنده أوبترا حط 3.5 كيلو و بتاع الزيت نسي انه مفضاش الزيت القديم و مشي بيها يوم و فيها 8 كيلو و تاني يوم اكتشف من ترشيح البوجيهات و الدخنة و فضى الزيت و محصلش حاجة و و تقوللي مفاجأة .......... انت بس خايف عالعربية و انا عاذرك ربنا يحميهالك
تقبل مروري و تحياتي

و ليه اخى الكريم توصل العربية انها ترشح و تجيب زيت و دخنة . الاخ صاحب الموضوع نزل الزيت الزيادة اامن و احسن و بالتوفيق

**ahmedfd** · 15-09-2011 03:38 PM

يا جماعة الزيت الزيادة مش صح.. علامة الزيت لازم تكون بين ال Min و الـ Max على مقياس الزيت.
ممكن بكل بساطة تسحب الزيت الزيادة في أي محطة بالشفط بس تاخد بالك إن القياس و العربية دايرة أو تكون لسة طافي الموتور بيكون مش دقيق و لازم تستنى خمس أو عشر دقائق.

**egyptiandiver** · 16-09-2011 12:33 AM

ولا يهمك

**sound** · 16-09-2011 05:38 AM

شوف يا سيدى اولا لا تقلق الموضوع ده حصل معايا واستخدمت 4لتر زيت مع تغيير الفلتر ,
ولما جيت اشوف مقاس الزيت لقيته معدى علامة المقاس .الغريبه انى قولتلهم فى التوكيل كده زياده وكان ردهم لأ كله تمام.
وبعدين تأكدت عمليا من ان الصح ان العربيه بتاخد 3.5 لتر زيت وده مع تغيير الفلتر.
ونصيحه استخدم زيت شل الترا ال10000 كم لانه زيت تخليقى مش زيت معدنى وبيحافظ على الموتور ولو استخدامك للعربيه فيه شد وحرق على الغيارات يفضل تغير الزيت ما بين 8000الى 9000كم مع غيار فلتر الزيت وبحد اقصى 6 شهور اذا لم تكمل مسافة ال10000كلم.
اما بالنسبه ليك حاول انك تشيل الزياده فى الزيت لتخفيف الضغط , بواسطة سرنجه وبلاش تفك طبة الزيت لانك مش حتعرف تعاير الزياده وتتحكم فيها.
كما يفضل تغيير فلتر الهواء او على الاقل تنظيفه مع غيار زيت الموتور , حتى لا تتراكم ذرات الاتربه على الجدار الداخلى لاجزاء المحرك وتؤدى لزيادة احتكاك الاجزاء الداخليه للمحرك مما يقلل من العمر الافتراضى له.

**freeman207** · 16-09-2011 01:18 PM

المشاركة الأصلية كتبت بواسطة ashraf_ibrahim

....l helix ultra
5/40
زيت تخليقي كامل من انتاج شل
بصورة عامة الزيوت التخليقية افضل للمواتير الحديثة
synthetic oil technology
انا جربت الشل الترا
وجربت كاسترول ايدج والاخير رائع جدا
واعتقد اني هجرب ليكوي مولي قريبا ان شاء الله :d

شكرا ليك ياباشا هو الكاسترول ايدج ده اجيبه منين وبكام وبيتغير كل اد ايه؟

**freeman207** · 16-09-2011 01:20 PM

المشاركة الأصلية كتبت بواسطة sound

شوف يا سيدى اولا لا تقلق الموضوع ده حصل معايا واستخدمت 4لتر زيت مع تغيير الفلتر ,
ولما جيت اشوف مقاس الزيت لقيته معدى علامة المقاس .الغريبه انى قولتلهم فى التوكيل كده زياده وكان ردهم لأ كله تمام.
وبعدين تأكدت عمليا من ان الصح ان العربيه بتاخد 3.5 لتر زيت وده مع تغيير الفلتر.
ونصيحه استخدم زيت شل الترا ال10000 كم لانه زيت تخليقى مش زيت معدنى وبيحافظ على الموتور ولو استخدامك للعربيه فيه شد وحرق على الغيارات يفضل تغير الزيت ما بين 8000الى 9000كم مع غيار فلتر الزيت وبحد اقصى 6 شهور اذا لم تكمل مسافة ال10000كلم.
اما بالنسبه ليك حاول انك تشيل الزياده فى الزيت لتخفيف الضغط , بواسطة سرنجه وبلاش تفك طبة الزيت لانك مش حتعرف تعاير الزياده وتتحكم فيها.
كما يفضل تغيير فلتر الهواء او على الاقل تنظيفه مع غيار زيت الموتور , حتى لا تتراكم ذرات الاتربه على الجدار الداخلى لاجزاء المحرك وتؤدى لزيادة احتكاك الاجزاء الداخليه للمحرك مما يقلل من العمر الافتراضى له.

تمام كلامك بس التوكيل بياكد ان الالنترا 2012 بتاخد 3.75 بالفلتر انا هتهبل خلاص