غيرت زيت شل 5000 للالنترا 2012 وكانت المفاجاءة
حطيت 3.75 لتر بالفلتر زى مكل الناس قالت وجدت ان المقياس بيقول ان فى زيت زيادة مش عارف اعمل ايه بجد؟؟؟؟؟؟؟؟؟؟؟؟؟؟؟؟؟؟؟
حتى انا سالت البشمهندس هانى ورد وقال 3.75 لتر بالفلتر
حد يساعدنى ضرورى
عرض للطباعة
غيرت زيت شل 5000 للالنترا 2012 وكانت المفاجاءة
حطيت 3.75 لتر بالفلتر زى مكل الناس قالت وجدت ان المقياس بيقول ان فى زيت زيادة مش عارف اعمل ايه بجد؟؟؟؟؟؟؟؟؟؟؟؟؟؟؟؟؟؟؟
حتى انا سالت البشمهندس هانى ورد وقال 3.75 لتر بالفلتر
حد يساعدنى ضرورى
يا رااااااااااااجل و هي دي المفاجأة ... ده انت خضيتني على العربية !!
أولا اتأكد ان العربية مش واقفة على مطلع أو منزل و انت بتقيس الزيت ....
ثانيا انا حطيت 3.75 برضو و في نفس العربية
بص ........لمعلوماتك طالما العربية مظبوطة و البوجيهات مش مرشحة و مفيش دخنة يبقى الدنيا تمام و بعدين أكيد مش هتحط في العربية أقل من 3.75 لتر....
ده البيكانتو بتاخدهم ياراجل d:
في ناس بتحط ال 4 كلهم بالفلتر و مش بيحصل حاجة .... انا مرة أعرف واحد عنده أوبترا حط 3.5 كيلو و بتاع الزيت نسي انه مفضاش الزيت القديم و مشي بيها يوم و فيها 8 كيلو و تاني يوم اكتشف من ترشيح البوجيهات و الدخنة و فضى الزيت و محصلش حاجة و و تقوللي مفاجأة .......... انت بس خايف عالعربية و انا عاذرك ربنا يحميهالك
تقبل مروري و تحياتي
لقياس الزيت بصورة صحيحة
شغل العربية لمدة 10 دقائق حتى يسخن الموتور فعليا
ومن ثم اطفء المحرك وانتظر مقدار 3 دقائق
من ثم خذ قياس الزيت -دا هيديك قياس الزيت السليم يا صديقي!
مانت عارف يادكتور احنا صيادلة زى بعض والقرش الايام دى مبيجيش بسهولة وبعدين انا من ساعة مجبتها وانا واخد عين تمام موبايلى اتسرق منى وانا قاعد فيها من على الكرسى اللى جمبى وعيان واخد دور برد شديد ووالدى والتى عيانين برضه!!!!!!!!! والحمد لله وبجدا شكرا انك جاوبتنى
متقلقش حتى الزيادة اللى انت بتقول عليها دى هاتكون طفيفة ومش مؤثرة
بس انا كان ليا تعليق متهيألى ان الزيوت التخليقية (الشل الترا) هايكون افضل لعربيتك ماشاء اللة العربية جديدة والموتور بشوكة والمواتير الجديدة دى بتكون حالتها 100 % ودى الزيوت التخليقية افضل لها من جميع النواحى حتى الشركات المنتجة للزيوت بتوصى بالزيوت التخليقية للمواتير الجديدة لحد اول 3 سنوات من عمر الموتور
لا ألف مليون سلامة عليك و عالأسرة الكريمة يا دكترة
هي العربية محسودة من يوم ما نزلت مصر بس متقلقش ... كل ماتشوف حد باصصلها سورة الفلق في سرك طوالي و ان شاء الله خير
بس اطمن عالعربية و ربنا يحميهالك و يكفيك شرها بس ابقى خللي بالك من الشباك اللي جنبك لو عايز تفتحه افتح حتة صغيرة يدوب تدخل هواء بس مش حاجة تانية !
و انصحك للحفاظ على نضافة الانتريور و الصالون اقفل القزاز و شغل التكييف و لو البنزين قارفك شغل ال إيكو مووود
....l helix ultra
5/40
زيت تخليقي كامل من انتاج شل
بصورة عامة الزيوت التخليقية افضل للمواتير الحديثة
Synthetic oil technology
انا جربت الشل الترا
وجربت كاسترول ايدج والاخير رائع جدا
واعتقد اني هجرب ليكوي مولي قريبا ان شاء الله :D
اكيد معاك الكتالوج بص عليه و اتاكد من حكاية الزيت دى و لو فى زيادة ممكن تروح لحد بيغير زيوت يسحب الزيادة بماكينة زى السرنجة
و فعلا حط زيت تخليقى شل الترا هيحافظ على موتورك اكتر و هيكون اوفر لانه بيعمل 10000كم
وخللى بالك الشل الاصفر 3000 كم بس مش 5000
ما دمت غيرت الفيلتر حتى لو حطيت الجركن كله لا تقلق بس ماتكبسش على الموتور قوى و كده كده هاتغير الزيت كله فى صيانة الخمستلاف
و بعد أول مره شيل أصفر حط الترا أو اى نوع تخليقى بالكامل أفضل للعربية أول 3 سنين
و الف مبروك و ربنا يديك خيرها و يكفيك شرها
يا جماعة الزيت الزيادة مش صح.. علامة الزيت لازم تكون بين ال Min و الـ Max على مقياس الزيت.
ممكن بكل بساطة تسحب الزيت الزيادة في أي محطة بالشفط بس تاخد بالك إن القياس و العربية دايرة أو تكون لسة طافي الموتور بيكون مش دقيق و لازم تستنى خمس أو عشر دقائق.
ولا يهمك
شوف يا سيدى اولا لا تقلق الموضوع ده حصل معايا واستخدمت 4لتر زيت مع تغيير الفلتر ,
ولما جيت اشوف مقاس الزيت لقيته معدى علامة المقاس .الغريبه انى قولتلهم فى التوكيل كده زياده وكان ردهم لأ كله تمام.
وبعدين تأكدت عمليا من ان الصح ان العربيه بتاخد 3.5 لتر زيت وده مع تغيير الفلتر.
ونصيحه استخدم زيت شل الترا ال10000 كم لانه زيت تخليقى مش زيت معدنى وبيحافظ على الموتور ولو استخدامك للعربيه فيه شد وحرق على الغيارات يفضل تغير الزيت ما بين 8000الى 9000كم مع غيار فلتر الزيت وبحد اقصى 6 شهور اذا لم تكمل مسافة ال10000كلم.
اما بالنسبه ليك حاول انك تشيل الزياده فى الزيت لتخفيف الضغط , بواسطة سرنجه وبلاش تفك طبة الزيت لانك مش حتعرف تعاير الزياده وتتحكم فيها.
كما يفضل تغيير فلتر الهواء او على الاقل تنظيفه مع غيار زيت الموتور , حتى لا تتراكم ذرات الاتربه على الجدار الداخلى لاجزاء المحرك وتؤدى لزيادة احتكاك الاجزاء الداخليه للمحرك مما يقلل من العمر الافتراضى له.