-
استشاره فنيه بسيطه
عربيتي بروتون برسونا 2010 ال cd الي فيها بلوبنكت ماركه محترمه جدا راكب في العربيه سماعتين في الابواب الاماميه وسماعتين ورا خالص يعني الصوت معقول وكويس بي انا كنت مستهيف السي دي لغايه ماركبت عربيه واحد صاحبي مركب ورا سماعتين بيضاوي سوني علي ما افتكر 3250 وات
المهم انا بعد استشاره الدكتور بيسو باشا ان شاء الله هجيب سماعتين بايونير 500 او 550 الفيتنامي بس محتار اجيب جي ام ولا زيرو باور ولا اكوليزر
مع العلم اني مستقبلا مش هزود حاجه خالص يعني اخري السماعتين دول كمان لو هجيب الجي ام الكينوود اللي قالي عليه بيسو هيكون الصوت عالي يعني بيز تريبل وميد رينج كله عالي
السي دي مافهوش غير بيز وتريبل بس
ولا اجيب الزيرو باور
هوا ايه الفرق بين الزيرو باور والاكوليزر
في انتظار الخبراء
-
مش فااااااااااهم اى حاجة انت عاايز تجييب ايه
بوص هرد على اللى انا فهمته السماعات اولا 500 وات فيتنامى
لو هتجبلهم جى ام يبقى سونى 350 وات تو تشانل او كينود 350 ووات بردو تو تشانل
الزيرو بااور تحكمات الاكولازر تاكسياات :d :d d: الزيرو بااوور تقسيمات صوت وتجسيم واخرااج صوووت نقى وجميل بس
-
-
عاوز اضيف استفسار مهم جدا بعد اذن صاحب الموضوع
هل الوات بتاع الجي ام لازم يكون اقل من الوات بتاع السماعات اللي هيشغلها?
بمعني جي ام 350 يشغل سماعات 500 وات مينفعش العكس عشان السماعات متضربش هل الكلام ده مظبوط
-
بص يا باشا القدرة الفعلية للسماعات بتبقى مكتوب عليها power rms و عمرك ما هتلاقى جى ام اضعف من السماعت بس انت بتحاول تظبط القدرة مع بعضها يعنى الجى ام ال350 اكيد هيطلع power rms اعلى من بتاع السماعات يبقى انت بتركب الجى ام بتاعك و توطى الجين شوية علشان السماعات مش تبوظ هو دة كل الموضوع يا بوب
و يا رب اكون قدرت اشرحلك و اكون و صلتلك المعلومة
-
تمام يا استاذ مودي تسلم
حاجة اخيرة عاوز اعرفها ايه الفرق بين جي ام 2تشانيل و 4 تشانيل
-
التو يشغل حاجة واحدة يعنى صب بازوكا طقم سماعات
ال4 تشانل يشغل حاجتين لقمين طقميين سماعات سماعات وبازوكا كده
-
حبيبي يا بيسو دايما مكملين بعض يا حبي
-
قشطة ياجاااااااارى من زماان :d :d d:
-
بيسو وميدو
خدوني علي قد عقلي
الي افهمه ان الجي ام بيكبر الصوت يعني بيز وتريبل وميد عالي
والزيرو باور بيقسم الصوت
طيب ان شاء الله انا هجيب بايونير 500 وات اجيبلهم جي ام ولا زرو باور
وهل ينفع اجيب السماعات والزيرو باور بس
يعني الزيرو باور هيقومهم ولا هحتاج اجيب جي ام كمان لان انا مش بحب الصوت العالي بحب تالصوت المتقسم
اخيرا وبكل بساطه
بايونير 500 + جي ام سوني 350 او جي ام كينود350
ولا بايونير 500+ زيرو باور +_جي ام
ولا بايونير 500 + زيرو باور بس
واسعار الزيرو باور ايه وماركه ايه معلش انا تعبتكم بس مينفعش يبقي قدامي ناس زيكم وما استفدش منكم استغلال بقي مش كل يوم الواحد بيلاقي ناس زيكم
-
جى ام وسماعات بس لو الكاسيت نضييف مش هتحتااج حاجة وبعدين الزيرو بااور مش هيبينلك اوى فى السماعات هيبنلك لو ركبت صبياااية وكده هيفييدك بس كده هيبقى فلووس وخلاص ومش هيفرق معاك الفرق الوهمى اوى ده بيتجاااب زاى اكسسوارات العدة يعنى لو عدة كبيرة فهمتنى
-
فهمت يا كبير
طيب اخر سؤال
وصلات ال ار سي ليه
مش الجي ام بياخد كهربا مباشر وارضي وكهربا كونتاك
وبعدين انا هركبه في الشنطه وهاخدله من السماعات الي ورا والخرج بتاعه هدخله علي البايو يبقي مش هحتاج ار سي
-
كمان عايز موديل الجي ام ولا اروح للراجل اقوله عاوز جي ام كينود 350 وات وخلاص
وسوني ولا كينود
-
وياريت صوره للجي ام السوني
والكينوود واوعدك مش هفتح بقي بكلمه تاني الا لما اركب واقلك الدنيا عامله ايه
-
انتوا فين يا شبااااااااااااااااااااااا ااااااااااااااااااب
-
بص يا باشا لما توصل بوصلت الأر سى اية اكيد انضف و بالنسبة للكهرباء انت بتاخد فردة من الكهرباء و التانية بتاعت الريموت ودى موجودة فى الكاسيت علشان الجى ام يشتغل و يفصل مع الكاسيت و الأرضى هتاخدة من اى مسمار فى جسم العربية يكون قريب من الشنطة ( زى بتاع الكنبة مثلا ) بس دة كل الحوار و الأر سى اية هتكون احسن من وصلة الهاى باور اللى انت عاوز تعملها
يارب اكون قدرة اوصلك المعلومة اللى تايهه منك
-
والي كاسيت الفبريكه عنده مفهوش وصله ار سي يعمل ايه ؟؟
-
فيه حاجة اسمها توصيلة بلدى بتتوصل على خارج الكاسيت من الفيشة بس انا راى بقى احسنلك تجبلك زيرو بااور ويبقى تعااملك مع الزيرو بااور ده راى الشخصى
-
تمام و دة احسن علشان تسمع اداء يرضيك من العدة اللى هتعملها
-
يعني كده هاخد خرج السي دي علي الزيرو باور ومن الزيرو باور للجي ام
طيب تنصحني بايه في الزيرو باور
-
كلاريون 7 بااند 3 ار سى ايه تحكم صبب
ممكن باايونير طبعا
بس بس مش تجييب اقل من 3 ار سى ايه و7 بااند ؟؟؟ 12 بااند تبقى عاالمى ههههههههه
-
بيسو يعني الزيرو باور ده في حدود كام
وكده خرج السي دي هيدخل علي الزيرو باور صح كده
وخرج الزيرو باور ال ار سي هيدخل علي الجي ام صح كده ولا ايه
-
بالظبط كده والزيرو بااااورب450 كلاريون 7 بااند 3 ار سى ايه تحكم صب
Content Relevant URLs by
vBSEO 3.6.0 PL2