الموضوع: العربية مبتسحبش

طبعا مشكورين علي مروركم الجميل ده يا جماعة وعلي اهتمامكم بالموضوع
بالنسبة لموديل العربية هي موديل ٢٠٠١ وعاملة ٩٨٠٠٠ كيلو وده لانها كانت مرفوعه في وقت لمدة ٣ سنين
وبالنسبة للصيانات وطقم السرفيس اللي انا بعملهولها في مواعيده الكاتينة وباقي السيور كل ٤٠٠٠٠ كيلو واحيانا بغير ٣٠٠٠٠ او ٣٥٠٠٠ واي فلتر بيتحط في العربية بيبقي gm وبالنسبة للبوجيهات سواء شمعة او ٢ او ٣ هي كل اللي بغيرها ngk واي قطعة غيار في العربية برضوا بتبقي جي ام او كوري لكن مش اي حاجة تانية ... انا عندي محل قطع غيار كمان كوري وياباني في المعادي لو حد محتاج اي حاجة .... بس المشكلة دلوقتي انا عامل كل حاجة صح في العربية و مش عارف مشكلة السحب بتاعها ده هاتتحل ازاي............ وشكرا علي اهتمامكم جدا جدا جدا

لا صوت العربيه كويس وطقم الدبرياج كله زي الفل كلو تمام بس يا جماعه اللي انا اعرفه ان اللانوس اساسا سحبها ضعيف مش كويس اوي يعني بس مش للدرجة دي يعني انا كمان لو مشغل التكيف العربية مبتمشيش اساسا تقيلة بطريقه غريبة جدا وبرضه دي حاجة مش طبيعية فيها

طب يا باشا بعد ازنك ممكن اعرف هاتفرق ايه ال ١ شمعة من ال ٣ شمعة بالرغم ان ال ٣ شمعة بتخلي العربية قوة السحب بتاعتها افضل بكتيير من ال ١ شمعة ؟؟

مشكووووووور