الحمد لله قدر الله وما شاء فعل وش السلندر ضرب (كريستاله 98)
الحمد لله ربنا اراد وما شاء فعل موتور عربيتى لانسر 98 (كاربتير 1300سى سى كود الموتور 4g13 المكنه اللى غطاها فضى) سخن اوى حرق الجوان ووش السلندر فقع
وجبت جوان جديد يابانى ب75 جنيه
بس فيه حاجتين
1 - الخراط قاللى انه خرط 0.35 مللى من وش السلندر فمش حاينفع اركب الجوان اللى جبته ولازم اعمل واحد عموله بسمك اكبر من ماده اسمها جنجريه تقريبا هل الكلام ده صح ولا ايه؟
والميكانيكى قاللى ممكن اخد راق من الراقين بتوع الجوان القديم ويحط على بلوك السلندر ماده مش عارف اسمها ايه ويحط الراق القديم بعد كده يحط طبقه تانيه من نفس الماده بعد كده الجوان الجديد هل الكلام ده صح ولا خطر؟
2 - الخراط برضه قاللى انه الاربع صبابات بتوع الشكمان من الحراره العاليه رحلوا شويه فهيستعدلهم بالمكنه هل الكلام ده غلط ولا اجيب غيرهم احسن؟
ياريت اى واحد خبير بالموضوع ده يفيدنى بالمعلومه
وجزاكم الله كل خير
