الموضوع: ثبتونى و خدو العربيه علشان حبيت اعمل خير فى يوم ليله القدر

لا حول و لا قوة إلا بالله العلي العظيم

الحمد لله أنك بخير ...... و ربنا يعوضك خير

المشاركة الأصلية كتبت بواسطة shaddadfalcon1

فكرتوني لما شقتي اتسرقت وسبحان الله كل حاجه كانت متسهله للحرامي لان مكنش في حد بايت في الشقه وانا ووالدي ووالدتي كنا مع اختي اللي بتولد في المستشفي وتقريبا الحرامي كان مراقب الدنيا كويس ومراتي واختي كانو بايتين لوحدهم في اوضه والحمد لله انهم كانو قافلين علي نفسهم وكانت مراتي سايبه مفتاج الشقه في الصاله وابويا رجع الساعه 12 بالليل وحط الفلوس اللي معاه علي الكومودينو وانا فلوس الجمعيه كنت حاططها تحت المرتبه ودهب مراتي اللي دايما في شقة الأسكندريه كانت جايباه معاها والكاميرا برده وكل حاجه كانت مسهله بطريقه غريبه لدرجة ان البشوات كانو ماسكين المخده وحاطينها جوه شنطة السفر وراميين الهدوم اللي فيها علي الأرض يعني كنت حاسس انهم خلصو وشربولهم كباية شاي وقعدو بره في الصاله قسمو الحاجه ومشيو
طبعا مش قادر اقولك الشقه كانت عامله ازاي

كل ده بقي لما رحت اعمل المحضر بقولهم الشقه مفتوحه بالمفتاح وتقريبا الحرامي عارف اننا مش هناك لقيته مش راضي يعمل المحضر وبيقولي انتو اللي هتجيبو الحرامي وده منكم وكلام فاضي وفي الاخر راح عمل معاينه وبعديها ولا الهوا ولا عمل اي حاجه
بعدها باسبوع مسكنا الحرامي في شقة تانيه وطلع عليه جريمة قتل لمراته وهو في القسم ضرب المخبر كمان وقلنا خلاص ربنا فرجها من عنده وفي الأخر الباشا خد 6 شهور ومعرفوش يجيبو منه اسامي الناس اللي كانت معاه اللي كنا عارفين اساميهم لانهم كانو بيندهو علي بعض وارقام تليفوناتهم كانت علي تلفيونه يعني لو كنا تبع واسطه ولا حاجه كان زمانهم جايبين عيلتهم كله يعني مفيش بعد كده ظلم
الحرامي واسماء الناس اللي معاه وارقام تليفوتاهم ومعملوش حاجه

لا حول و لا قوة إلا بالله ..............

لا حول و لا قوة الا بالله .... احمد ربنا انك سليم ..... و من الان فصاعدا لا توقف فى المناطق الغير مأهولة مهما كانت الظروف.......

ربنا معاك و يصبرك انت فعلاً انسان محترم ..ربنا يسترها

لا حول ولا قوة الا بالله
ربنا يعوض عليك ان شاء الله