تنصحني بشراء بولو 2000 أم أبيزا 2000

في البدايه تحيه لأعضاء المنتدي الكرام و المشرفين المحترمين

:tumb:

بدور علي عربيه سعرها من 38000 حتي 43000 قدامي الأتنين دول و خبرتي مش أوي , نصائحكم و تعليماتكم القيمه بقي.
مع العلم:
التكييف أساسي
الأمان أساسي
قله الأعطال أساسي وتوفر قطع الغيار هام (معنديش قدره ألف علي صنايعيه و محلات)
بسافر 3-4 مرات في الشهر سفريات بسيطه 120 كم
الشكل: مهم


و الشكر مقدما لمن يساهم في الموضوع.. و في مقارنتين تانيين برده واحده بين فورد مونديو 1999 و سبيرانزا 2007 وواحده بين تريوس 2000 و فيتارا 1999

معلش يظهر أني هاتقل عليكم :Zb_sor1[1]: بس أنتوا قدها وأجدع كمان.
:bye2:

في أنتظار ردودكم

انتا اخترت تقارن مبين عربيتين نفس بعض فى كل حاجة معادا الشكل الخاريجى:tumb:
البولو والابيزا نفس الموتور ونفس العفشة ونفس قطع الغيار يمكن كمان نفس الاكصدامات

بص يا باشا
انا كنت عامل موضوع بالمقارنه ديه من فتره وبعد بحث واستشارات كتيره فضلت اكتر من 6 اشهر
رسيت فى الاخر ان ولا البلو ولا الابيزا
عشان ظهر فى الصوره هاتشباك كليو موديل 2001 الفرنساوى
قوللى ليه؟ انا كنت بدور على حاجه اوروبى هاتشباك فول سيقتى يعنى ايرباج وفرامل abs ,abd
ملقتش غير بولو وابيزا موديلات 2001 وخد بالك موديل 2001 احسن من 2000 فى الشكل
المهم ان هذه الموديلات ليس بها اى فول سيقتى ,,,وبعد ما استقريت على البولو وتغاضت عن السيفتى ظهر فى الصوره مع واحد صديقى مشفتهوش من 4 سنين بالصدفه كليو هاتشباك موديل 2001 الفرنساوى
فيها كل شىء 2 اير باج فرامل abs , abd دركسيون مالتى فانكشن وفرنساوى اصلى موتور 1200 سى او 1400 سى مش زى البولو والابيزا 1000 سى,,
قطع غيار منتشره فى كل حته بس 1200 سى ارخص من 1400
المشكله ان اللى يمتلك هذه السياره مش بيفرط فيها بسهوله لو لاقيتها كبرها تعمل 40الف
من باب العلم بالشىء الكليو هاتش باك نزلت مصر عام 2001و2002 شحنه واحده للجيش والمخابرات وقطاع البترول وكل الشحنه اللى جت فرنساوى ولم تباع فى المعارض او حتى عند التوكيل للجمهور
بالنسبه للورش الكليو وقطع الغيار هتلاقيها فى صقر قريش
انا عرف ان عملتلك بلبله وربنا يكرمك بالصالح

اقتباس:

---

انتا اخترت تقارن مبين عربيتين نفس بعض فى كل حاجة معادا الشكل الخاريجى:tumb:
البولو والابيزا نفس الموتور ونفس العفشة ونفس قطع الغيار يمكن كمان نفس الاكصدامات

---

و الله يا فندم دي معلومه جديده بالنسبه لي ... أولا أشكرك لمرورك و ردك ... ثانيا الموتور بتاعهم فولكس ولا أيه؟
ثالثا أنا بصراحه بحاول استفيد من معلوماتكم عن العربيات دي و هل هي مناسبه لما أحتاجه أم لا؟
تحياتي لحضرتك

اقتباس:

---

ص يا باشا
انا كنت عامل موضوع بالمقارنه ديه من فتره وبعد بحث واستشارات كتيره فضلت اكتر من 6 اشهر
رسيت فى الاخر ان ولا البلو ولا الابيزا
عشان ظهر فى الصوره هاتشباك كليو موديل 2001 الفرنساوى
قوللى ليه؟ انا كنت بدور على حاجه اوروبى هاتشباك فول سيقتى يعنى ايرباج وفرامل abs ,abd
ملقتش غير بولو وابيزا موديلات 2001 وخد بالك موديل 2001 احسن من 2000 فى الشكل
المهم ان هذه الموديلات ليس بها اى فول سيقتى ,,,وبعد ما استقريت على البولو وتغاضت عن السيفتى ظهر فى الصوره مع واحد صديقى مشفتهوش من 4 سنين بالصدفه كليو هاتشباك موديل 2001 الفرنساوى
فيها كل شىء 2 اير باج فرامل abs , abd دركسيون مالتى فانكشن وفرنساوى اصلى موتور 1200 سى او 1400 سى مش زى البولو والابيزا 1000 سى,,
قطع غيار منتشره فى كل حته بس 1200 سى ارخص من 1400
المشكله ان اللى يمتلك هذه السياره مش بيفرط فيها بسهوله لو لاقيتها كبرها تعمل 40الف
من باب العلم بالشىء الكليو هاتش باك نزلت مصر عام 2001و2002 شحنه واحده للجيش والمخابرات وقطاع البترول وكل الشحنه اللى جت فرنساوى ولم تباع فى المعارض او حتى عند التوكيل للجمهور
بالنسبه للورش الكليو وقطع الغيار هتلاقيها فى صقر قريش
انا عرف ان عملتلك بلبله وربنا يكرمك بالصالح

---

أشكرك يا فندم لردك . بس أنا هلاقي فين الكليو الهاتشباك بقي .. أنا بصراحه عمري ما شفت واحده .. ولو لقيتها هالف علي قطع غيارها لف السنين .. ده غير مشاكل الرينو المعتاده.
تحياتي

الابيزا و البولو واحد معادا الصاج و الفوانيس بس الابيزا بتتباع اسرع من البولو
و من ناحية الموتور هو موتور فولكس

اقتباس:

---

المشاركة الأصلية كتبت بواسطة ahmed1mohd

أشكرك يا فندم لردك . بس أنا هلاقي فين الكليو الهاتشباك بقي .. أنا بصراحه عمري ما شفت واحده .. ولو لقيتها هالف علي قطع غيارها لف السنين .. ده غير مشاكل الرينو المعتاده.
تحياتي

---

(ولو لقيتها هالف علي قطع غيارها لف السنين .. ده غير مشاكل الرينو المعتاده.)
انت ممكن تقول الكلام ده من 5 سنين فاتو
اولا عربيه زى ديه اللى بيمتلكها مش بيفرط فيها عشان قله مشاكلها يبقى ايه هى المشاكل الرينو المعتاده او اى رينو اللى تقصده ؟؟!!! خد بالك ان فى رينو تركى وفى رينو فرنساوى وده بقى اللى بتكلم عليه فى الكليو هاتش باك وعشان كده رشحتهالك
قطع غيارها موجوده عند البقال (روح صقر قريش او الحرفيين هتلاقى ورش ومحلات قطع غيار مغرقه الدنيا)

اقتباس:

---

المشاركة الأصلية كتبت بواسطة ahmed1mohd

و الله يا فندم دي معلومه جديده بالنسبه لي ... أولا أشكرك لمرورك و ردك ... ثانيا الموتور بتاعهم فولكس ولا أيه؟
ثالثا أنا بصراحه بحاول استفيد من معلوماتكم عن العربيات دي و هل هي مناسبه لما أحتاجه أم لا؟
تحياتي لحضرتك

---

الموتور والعفشة فولكس
من ناحية الامان فالعربيتين مستوى الامان فيهم عالى بس التكييف فيهم ضعيف والسحب وحش بالذات مع التكييف

[marq="error"]بولو أو أبيزا أو فابيا أو كليو هاتشباك (لو لقيناها)[/marq]

بص يا باشا بالنسبة للا ختيارات دي فانا بصراحة مركبتش البولو ولا الابيزا بس انا معاية فابيا 2002 وبالنسبة للناس اللي بتقول يعيبها قطع الغيار فالكلام ده صح الي حد ما بس مش معني كده انك مش بتلاقي حاجتها او بتدوخ عليها هو السبب في الموضوع ده ان العربية نزل منها موديلات كتير 1000 و 1200 و 1400 و 1900 و 2000 سي سي وكل واحده فيها اختلافات
يعني انا معاية ال1000 سي سي والحمدلله عمري معوزت حاجة وملقتهاش في قطع الغيار ومش بروح اكتر من مكانين يعني مش بلف كتير
وبالنسبة للشكل فهي جميلة جدا وشبابي جدا ( ده رأي طبعا )
الثبات تقدر تقول فوق الممتاز انا كنت بمشي بيها 140 واخد الدورانات علي 120 ولا اكن في حاجة
السحب معقول جدا بالنسبة ل1000 سي سي بس طبعا لازم تفتح الموتور وشوية تظبيطات كده من بوجيهات ان جي كيه وتظبيط فلاتر والدنيا دي حتلاقيها طلقة
العربية وسعة من جوة انا بركب فيها 5 افراد مرتاحين
الشنطة معقولة بس مش كبيرة اوي
الصالون والتابلوة من جوة شيك جدا
طبعا الحاجات اللي بقلهالك دي كلها عن تجربة شخصية وفي الاول والاخر شوف انت مرتاح لايه وربنا يوفقك