ملحوظه صغيره فعلا الغساله الاريستون مافيش اروع منها بس لو حصلها حاجه وكيلها بي تك ....انا وواحده صحبتي وصلنا اننا نكلم حمايه المستهلك...علشان يصلحوها ...مبيعرفوش فيها نهائي
ولتاني مره ابعد عن اي حاجه وكيلها بي تك
عرض للطباعة
ملحوظه صغيره فعلا الغساله الاريستون مافيش اروع منها بس لو حصلها حاجه وكيلها بي تك ....انا وواحده صحبتي وصلنا اننا نكلم حمايه المستهلك...علشان يصلحوها ...مبيعرفوش فيها نهائي
ولتاني مره ابعد عن اي حاجه وكيلها بي تك
اوليميبك عامله عرض كويس جدا
غساله وتلاجه وبوتجاز وميكروويف ومكنسه
ب 7000 تقريبا
وفي اكتر من كده
يعني زي ما تنقي من العروض
الغسالة يونيفرسال او توشيبا فوق اتوماتيك
بجد الفوق اتومايك افضل الف مرة من الفول الاتوماتيك اللي بابها امامي
البوتوجاز كريازي الموديل القديم افضل من الجديد واغلى شوية وهاته استنلس 5 شعلة لو مطبخك كبير
التلاجة بردو كريازي ممتازة هات على الاقل ال 14 قدم وطبعا لو امكانياتك المادية تسمح بالنوفروست يبقى افضل بس حتى العادية جميلة
السخان انا عندي اوليمبك كهربا من سنين وماشاء الله كويس جدا
تليفزيون ممش عارفة عشان تليفزيوناتي كانوا من برة
الاسعار بقى مش فاكرة حاجة
التليفزيون احنا كنا جايبينه من 9 شهور ب 6000 ، اكيد دلوقتى هيكون اقل
الغسالة الايديال كان عندنا واحدة قديمة اللى هى كانت 18 برنامج دى ، ووديناها الساحل و شغالة هناك زى الفل برضو ، و جبنا الجديدة هنا و شغالة زى الفل برضو
لو حضرتك مش مطمن لايديال ممكن ال جى حاجتهم حلوة جدا برضو
والله والله مش عارف اقولكوا اييه استفدت جدااااا من تعليقاتكم وادعولى ربنا يسهلى واخلص حاجاتى بسرعة وجزاكم الله كل خير.
المقارنه "الشخصيه " بين تلاجه توشسيبا وكريازي :
الكريازي من جوا اوسع شويه لكن ليها حالات يعنى تلاقيها عند ناس شغاله زي الساعه وعند ناس مكرهاهم فى عيشاهم (انت وحظك)
التوشسيبا ممتازه فى كل شيئ عدا الوسع الداخلى مش واسعه اوي لكن بالنسبه لحضرتك الموضوع ده مش هيفرق معاك كتير لانك لسه عريس جديد يعنى فردين بس مش عيله كبيره
وفى منها 14 تلات ابواب ممتازه جدا
البوتجاز : فى آخر 10 سنين جبنا اتنين يونيفرسال فرق كبيييير جدا بين الى جبناه من 10 سنين والى جبناه من 3 سنين التقفيل والجوده قلت كتير جدا عن الاول
عشان كده حاول انك تتفرج على انواع تانيه الاول وتتأكد من جودتها وانتشارها لسهوله صيانتها ولو ملقتش يبقى هات يونيفرسال وامرك لله
السخان : حاول تجيبه "غاز" بصراحه السخان الغاز ده اختراع راااااائع فاتورة الكهربا اننخفضت بسببه 90 جنيه شهريا كان بيستهلكهم المأسوف على شبابه السخان الكهربا
سمعت ان الاوليمبك افضل من اليونيفرسال احنا عندنا يونيفرسال بعد سنه بدأ يخرف جه بتاع الصيانه غير فيه جلده كده ومن ساعتها بقاله سنتين شغال زي الساعه