الله يخليك يا ابو مهاب
انا محسبتش الاستهلاك بالضبط قبل كده لكنه تقريبا من 15 الي 16 كم لكل لتر مش اقل من كده باي حال من الاحوال مع ملاحظة ان شغلي اغلبه بيبقي بالليل يعني مش في وقت الذروة لو احد الاخوة شغله بالنهار ممكن يعطيك صورة اوضح لاستهلاك
اما بخصوص قطع الغيار فالحمد الله لم احتاج حتي الان و لكن الاسعار مش غالية زي ما الناس فاكرة هي مش رخيصة زي الشاهين و الدايو لكنها مثل التيوتا و المتسوبيشي
مثلا هذة بعض الاسعار في التوكيل
* فلتر بنزين: 186
* فلتر هواء: 110
* فانوس أمامى: 900
* فانوس خلفى: القطعة اللى بتركب فى الرفرف 400 و اللى بتركب فى الشنطة 300
* شبكة أمامية: 220
اكصدام أمامى: 1000
اكصدام خلفى: 1020
طقم بوجيهات: 130 (الطقم 8 شمعات مش 4)
سير دينامو (فى سير واحد فى الموتور للتكييف و الدينامو): 175
عربية جميلة و التقفيل التايلاندي ممتاز متفرقوش عن الياباني و الدركسيون بتاعها وهميييي و الراحة و النعومة و الانسيابية بتاعتها خطيرة و بالنسبة لاستهلاك البنزين في ال 1300 سي سي انا قريت انه 7.1 لتر \100 ك على الطرق السريعة و اكتر حاجة بسيطة قوي داخل المدينة..
استهلاك البنزين علي الطرق السريعه بمتوسط سرعه 120 الي 140 حوالي 280 كم في الصفيحه اي حوالي 14 كم للتر
بالنسبه للثبات كان يعيب السيتي مشكله الثبات لكن لموديلات ما قبل 2005 الشكل القديم لكن مع الشكل الجديد تم علاج المشكله في موديلات 1500 سي سي و 1300 سي سي
العربيه معايا من يناير 2007 و عامل 60 الف كم و الحمد لله رب العالمين ادائها مشجع للغايه
اعتقد انها الافضل في فئتها
ممكن أعرف إيه الكماليات اللى ممكن أركبها فى الهوندا سيتى ومنين أشتريها
أقصد
سبويلر وجنوط
وايه مقاس الجنوط السبور المناسبه للسيتى ومتسببش مشاكل
ممكن يا تقول لنا الهوندا سيتى 2008 - 1300 سى سى فول أوبشن - أوتوماتيك .. بكام !؟
والـــ .. مانيوال - فول أوبشن .. بكام !؟
وشكرا للصبح.... :)
أنا ها رد على حضرتك:
الهوندا سيتى 1300 سى سى فول أوبشن - أوتوماتيك = 94000 جنيه ( زودوها الفين جنيه )
والمانيوال - فول أوبشن = 85000 جنيه
مفيش فرق بين الاتنين غير الجير فقط
الكلام ده من توكيل هوندا رأساً....
و أى خدمة
شكرا جدا جدا يا زعيم على الرد ...:)
( سؤال تانى معلش : يعنى اية مفيش فرق بينهم غير ف الجير فقط.!؟ )
معلش لو كان السؤال فيه غلاسة :fool:
:) وممكن بس أعرف اية الكماليات اللى ف الأوتوماتيك والمانيوال بما إن الأتنين نفس الكماليات !؟ :)
وشكرا تانى للمرة المليون يا زعيم ( أو يا برنس..هههههه ) :)