يا جماعه انا محتاج رأيكم بجد

**samhmakram** · 14-09-2011 11:27 AM

عربيتى هيونداى فيرنا 2006 - 1500 سى سى - المشكله ان العربيه لما تكون الدنيا زحمه وواقفه شويه صوت البنزين بيعلى لوحده من غير ما ادوس على البنزين - روحت لميكانيكى قالى الرشاشات عايز تتنضف - واشترى اسبراى ورشها -وقلى لازم نغير البوجيهات وغيرناها - بس المشكله ظهرت تانى بعد يومين - انا جد محتار جدا - محتاج نصيحه مش عارف اروح لمين ؟؟؟

**samhmakram** · 14-09-2011 02:49 PM

ياه كل ده ردود

لا تبخلوا أرجوكوم

**smsm_cato** · 14-09-2011 03:14 PM

ممكن يكون الوير الخاص بدواس البنزين او السوستة بتاعتة جرب لما تقف دوس على الدواسة دوسة خفيفة جدا بسرعة يعنى اكنك بتلطها بس مرة او اثنين لو هدى الصوت يبقى انت عرف المشكلة فين وهى اكيد هتبقى فى المجموعة بتاعة الدواسة وملهاش علاقة بالرشاشات انا عندى كاربيتير وحصل معايا كده ولاحظت ان العربية بتهدى لما ادوس دوسة خفيفة بسرعة يدوب المسها ولما بصيت على السوستة بتاعة الوير لقيتها ضعفت بدلتها بسوستة اقوى والمشكله اتحلت مع انى كنت فاكر الاول ان المشكله ممكن تكون فى الكاربيتير

**gazzar91** · 14-09-2011 08:33 PM

شاكك في Idle control valve برضه + شك زميلي اللي رد قبلي

و الله أعلم
في رعاية الله

**samhmakram** · 15-09-2011 05:39 PM

أشكركم جدا من اجل الردود
انا جربت موضوع دواسه البنزين بس طلعت سليمه - وملهاش علاقه بموضوع زياده البنزين بدون ما أدوس على الدواسه
وسؤالى للاخ Gazzar - اكشف على Idle Control Valve فين فى العربيه - وهل ينفع اعملها بنفسى ولا لازم أروح لميكانيكى - وتنصحنى أروح لمين لو روحت - شكرا