موتور الساجا جاب بساتيم وشنبر ولازم يتغير فى الضمان فلو سمحتوا محتاج رقم المهندس امر
ياجماعه انا من كام يوم كده الموتور لما كنت اجى ادور العربية الصبح يظهر فى صوت عامل تكتكه كده زى موتور الديزل ... المهم ودتها التوكيل قالولى سبها فى التوكيل وهانقولك بكره العيب ايه .. انا خبرتى فى المواتير والمكانيكا زيرو ... اتصلت بيهم اعرف العيب ايه قالى ان العيب ده عيب فى الباستيم وهما هايفتحوا الموتور وهايجيبوا خراط وهايصلحوا العيب وهايعملوا للموتور عمره .... عمره !!! انا جايب عربية موديل 2010 وفى الضمان عشان اسمع عليها كلها بسمعها على العربيات موديل السبيعينات ... فقلت معاه عشان انا مش فاهم اوى وحكيت لصحبى صحبى قالى انت مجنون يعنى ايه يفتحوا الموتور وهايخرطوا ليك الشنبر ويغيروا بساتيم ويعملوا عمره ده كده عمر الموتور بقى فى الضياع خليته هو يكلم المهندس فالهمندس قالوا اصل ده هو اللى قرص على الموتور فصحبى قالوا ده لو قرص عليه من هنا لسنة الجاية مش هايعمل العيب ده .. المهم فى الاخر المهندس قاله اه اصل هو عيب صناعه كده مش بيحصل غير واحد فى الالف ... فقوله خلاص يبقى نغير الموتور كله ... قال ان الموتور عشان يجى من ماليزيا عايز شهرين مش عارف ليه يعنى هو يجى على جمل ولا ايه . وقال ان هما هايعملوا حل العمره ده مؤقت على الموتور يجى .. فانا مش عارف ومش واثق على فعلا هاينفذوا كلامهم وهايجبوا الموتور ولا بعد شهرين افضل يقوللى بعدها بشهر كمان لحد اما يبقى راحت عليا ؟؟؟؟؟؟؟ .... انا عايز اعرف رقم المهندس امر عشان اكلمه ضرورى ى ى ى....