تجميع معلومات عن الاستيكر الكاربون والمط والرش المط
بسم الله الرحمن الرحيم
اولا انا عايز اقول ان دى اول مشاركة ليا معكم فى المنتدى الرائع ده و ان شاء الله مش الاخيرة...ف عايز اقول انى استفدت حاجات كتييير جدا من هنا...ولسة كمان مخلصتش كل حاجة فشكرا لكل واحد ساعد حد بمعلومة حتى لو كانت صغيرة وشكرا للقائمين على المنتدى و لكل العضاء:tumb:
كفاية بقى فقرة الشكر والاهداء دى بتاعت القناة التانية هههههههههه:grinder:
وانا بقلب كتيير فى المنتدى لقيت ناس كتير بتسأل عن موضوع الاستيكر الكربون و المط والتجليد والكلام ده كله....طبعا انا لقيت مواضيع كتيير و كلام كتيير بس بصراحة فى الاخر اتلخبطت وبقيت مش فاهم حاجة...هوا طبعا انا عجبانى الفكرة و نفسى اعملها بس بقيت مش عارف ايى الفرق بين الانواع دى والخامات كمان فقلت نعمل موضوع بحيث كل واحد عنده خبرة او معرفة فى الحوار ده يشارك معانا و فى نفس الوقت تبقى تجميعة كويسة ويبقى موضوع واحد فيه كل المعلومات اللى نحتاجها
فا ياريت يا جماعة اللى عنده معلومة عن الموضوع ده يكتبها هنا وله جزيل الشكر:tumb:
بالمناسبة انا عربيتى تويوتا كورولا نبيتى....بفكر الزق الاستيكر الكاربون بس مش عارف الزقه لونه نبيتى ولا اسود ويبقى فيها مشاكل مع المرور؟؟؟و ياريت لو تعرفوا احسن مكان اعملها فيه والاسعار المعقولة فى حدود كام يبقى الف الف شكر ليكم...........
انا كمان بفكر نجمع لينكات المواضيع اللى الناس اتكلمت فيها عن الموضوع ده بحيث تبقى كل حاجة فى مكان واحد
انا عارف انى طولت فى الكلام معلش بقى اعذرونى و ياريت تقبلونى معاكم ان شاء الله:tumb: