مؤشر الحرارة ..خلوا بالكم
اليوم صباحا وعند الوصول الى العمل فؤجئت بارتفاع مؤشر الحراره
الحمد لله انى بصيت عليه - ورجاء من الجميع متابعته باستمرار للاهميه --
نزلت لقيت مروحة الرداتير مش شغاله
شيلت السلكتين من الترموستات ووصلتهم مباشره - لقيت المروحه سبه بتتحرك وتركن
وازقها بايدى تمشي بشويش شويه وتقف
بصيت على الفيوز سليم
رحت لكهربائي السيارات
ولقينا المشكله فى الشربون بتاع موتور المروحه
والبليه تقيله ( الرومان البلى )
وجبت البليه اليابانى ب15 جنيه -- وكان فى صينى ب5 جنيه
وعلى فكره رقمها كان 726 روسي واللى جبتها كانت 802 يابانى
والشربون ملقيتش نفس المقاس
فجاب اتنين من عنده وصنفرهم علشان يشيل الزياده ويظبهم وركبهم
شكلهم وطريقه تركيبهم مش عاجبانى لكن ما باليد حيله
بس فى النهايه الحمد لله المروحه شغاله كويس وسريعه
المصنعيه -- انا زبونه -- 20 جنيه