13 ثانية حلوين جدا على عربية طن ونص :)

السلام عليكم ورحمة الله

من اول ماجبت العربية (الحمد لله) وانا كنت حاطط فى دماغى ان خد بالك العربية تقيلة مش حتسعفك فى التخطى وكدة ... خد بالك وخليك على اليمين ومتتخطاش حد

لحد ماقلت امبارح ... وانا مقلق نفسى لية ... مجرب وأشوف

وقد كان .... أول تجربة من 0 ل 100 والمفاجأة

13 ثانية على ال D ومش Steptronic

طب ما حلو اهو وكويس جدا

اما كان معايا الفيرنا كانت تقريبا فى 9.7 ثانية

يعنى فرق 3 ثوانى على نصف طن وزن مش كتير

العربية الكارينز وزنها 1470كيلو ويتعمل 13ثانية

والله كويسة ... بالذات اللى طلع فى دماغى الموضوع دة ... التجربة يعنى .. انى الاسبوع اللى فات كنت راجع من القاهرة الساعة 4 الفجر وسرحت شوية فقت على ان العداد على 170 من غير ما اكبس !

طب ماهى حلوة اهية وتسعف فى التخطى مالكم محسسنى انها عايزة 30 ثانية ولا دقيقة عشان تجرى !

أة الفيديو اهو :)

الحركة بدأت من الثانية التانية ولمست ال100 عند 14 او 13

Kia Carens (rondo) 1.6L 124hp Acceleration A/T - YouTube

العربية لسه فى التلين يا شهدى ...اهدى عليها

قلبى بيتقطع :b4_048:

لية يابو ليلى ما انا عديت ال 1000 كيلو خلاص .... وبعدين هو دة حرق ياااااااة يالا الحمد لله الله يرحم ايام الشباب بقى بس الواحد اظاهر كدة كبر و عجز

ما شاء الله ربنا يباركلك فيها

بس التسارع ف 12 ثانية مش 13

12 ثانية كماااان طب الحمد لله :)) امال انا حسبتها غلط بقى :))) كدة فضل ونعمة من ربنا الحمد لله

لاحظ ان ال rpm قرب على 6000 عند سرعة 100 كم !!!!!!!!!!!!
انا قرصت علي عربيتى فى التالت علشان تجيب ال 100 كم وصلت ل 5000 rpm
ووصلت لسرعة 160 على الخامس وما حصلتش 5500
انت كده بتقرص عليها

انا دايس بنزين وهى اللى بتنقل لوحدها وقاعد متفرج :-) :-)

ماشاء الله ربنا يباركلك فيها
اما لو كانو صممو عفشت السيراتو زى عفشت الكارينز كان الكلام اختلف

ربنا يباركلك فيها يا رب

ما تاخد الريو تجربهالي معاك كدا نفسي اعرف العربية دي امكانياتها ايه و اخرها كام

بسم الله ما شاء الله الموتور واضح ان الموتور حاضر لكن بردو في التقني السلامه :)

ما شاء الله ربنا يباركلك فيها و يديك خيرها و يكفيك شرها

اقتباس:

---

المشاركة الأصلية كتبت بواسطة memo823000

ماشاء الله ربنا يباركلك فيها
اما لو كانو صممو عفشت السيراتو زى عفشت الكارينز كان الكلام اختلف

---

الله يبارك فيك :)) معتقدش ان كان ينفع لأن عفشة الكارينز طرية جدا ومش حتتناسب مع رياضية السيراتو ...اعتقد كدة !

اقتباس:

---

المشاركة الأصلية كتبت بواسطة donzi

ربنا يباركلك فيها يا رب

ما تاخد الريو تجربهالي معاك كدا نفسي اعرف العربية دي امكانياتها ايه و اخرها كام

---

الله يبارك فيك يا دونزى ... شوفى الريو هى هى الاكسينت الجديدة فنفس الارقام من زيرو ل 100 فى 11 ثانية للموتور 1400 واقصى سرعة اعتقد تعدى ال 190 ..

اقتباس:

---

المشاركة الأصلية كتبت بواسطة medoakef

بسم الله ما شاء الله الموتور واضح ان الموتور حاضر لكن بردو في التقني السلامه :)

---

متشكر لحضرتك صوت الموتور واضح دى تذعلنى :((( اصل مش بحب الدوشة خالص وانا سايق :)

اقتباس:

---

المشاركة الأصلية كتبت بواسطة osama.m

ما شاء الله ربنا يباركلك فيها و يديك خيرها و يكفيك شرها

---

الله يبارك فى حضرتك ويرزقك بأفضل منها ومتشكر للدعوة الجميلة دى

ربنا يباركلك فيها ياشهدى بيه :)

وواحدة واحدة أصبر شوية :d

يامحمد انا بجرب بس ... :))) حاجة كدة بسيطة يعنى عشان متنمش و الموتور يبقى كسلان والجير بوكس يرطب :)))

ماشاء الله انا شايف كمان حاجة كويسة جدا
ان التسارع من 0 لـ 60 حوالي 5 ثواني ( من الثانية 2 الى 7 ) اعتقد دي حاجة كويسة ومن 60 الى 100 من 7 الى 14 يعني 7 ثواني يعني في المجمل تسارع كويس
يعني سحبها محترم
ماشاء الله ربنا يباركلك

اقتباس:

---

المشاركة الأصلية كتبت بواسطة محمد الجرجاوي

ماشاء الله انا شايف كمان حاجة كويسة جدا
ان التسارع من 0 لـ 60 حوالي 5 ثواني ( من الثانية 2 الى 7 ) اعتقد دي حاجة كويسة ومن 60 الى 100 من 7 الى 14 يعني 7 ثواني يعني في المجمل تسارع كويس
يعني سحبها محترم
ماشاء الله ربنا يباركلك

---

الحمد لله :)) انا وانا بتفرج على العربيات قبل ما اشترى كل الكلام اللى سمعتة = العربية تقيييييييييييلة جدا على الموتور دى يعنى تمشى بيها على قدك و واحدة واحدة كدة .... واحد تانى قاللى انة على مطلع بالتكييف العربية بتكرر منة و مش راضية تمشى !!!!

طبعا كان كل الكلام دة عشان يقنعونى بالالنترا الجديدة !

مش مفولها ليه بس يا شهدى ؟؟؟؟؟؟ مبروك على العربية و يباركلك فيها

ماشاء الله زي الفل

صباح الخير ياباشا

دلوقتي العربيه بتنقل علي 6 rpm كده تبقي قارص عليها جدا ولو في التليين فعلا يبقي حرام عليك ( وحتي لو كاسر الالف القرص مايبقاش كده ) دانا لو بانقل علي 6 rpm هاجيب ال 100 كيلو دي وانا علي التاني او اول التالت يعني مش هاكمل 5 ثواني

خد بالك علشان تحافظ علي الموتور

شكرا جزيلا على النصائح والردود وربنا يبارك فيكم واحد واحد :)) ويرزقكم بما تحلمون بة:

توضيح:

الفيديو لا يعبر عن أسلوب او تشجيع للحرق و القيادة الرياضية

الفيديو فقط بيان وتوضيح لامكانيات السيارة عشان الملاك يعرفوا امكانيات السيارة اللى تحت رجلهم

وبرضوا لصرف الشك عن المشترين الجدد المتخوفيين من حجم السيارة الكبير ووزنها الضخم على الموتور ال 1600 سى سى

وشكرا لتفهمكم

شكراً يا دكتور ... أنا كنت سمعت من ناس معاها عربيات أوتوماتيك انك ممكن تخللى الفتيس ينقل الغيارعلى سرعات معينة !!!!!
ما أعرفش ازاى دى ... وقلت يمكن حضرتك عملت الحركة دى

أستاذى العزيز خالد عميد الكارنزوية :)))

هو المقصود انك بتخدع الفتيس بدوستك على البنزين

مثال:

انا ماشى ع الهادى على 40 مثلا والفتيس مدى الغيار الرابع والار بى ام على 1.5

حبيت تتخطى عربية بسرعة قتقلت رجلك شوية الفتيس حيسقط غيار واحد فقط ويسحب على التالت ... تقلت رجلك شويتين حيسقط للتانى .... حرقت يعنى كبست للاخر ولمست ابرة الكيك داون فى اخر الدواسة .. كدة انت بتجبر الفتيس يروح لاقل غيار ممكن على السرعة اللى انت عليها عشان يحرق لحد الريد زوون وهكذا

فرضا حضرتك عديت العائق ومش محتاج الحرق دة ... بترفع رجلك من على البنزين وتدوس تانى براحة او نص نص لو براحة الفتيس حيدى اعلى غيار ويريح الموتور لو نص نص حيدى غيار يكون الار بى ام على 3 ونص مثلا ويسحب بشويش لحد 4 او 5

فيمكن دة المقصود بية اذاى تخلى الفتيس ينقل على العالى او الهادى ذى ما انت عايز

ربنا يباركلك فيها

الف مبروك يا دكتــــــــــــــــــــــ ـــــــور احمد
عايز لفة بقى يامعلم

اقتباس:

---

المشاركة الأصلية كتبت بواسطة a333

ربنا يباركلك فيها

---

ويبارك فيك ويرزقك بما تحلم ان شاء الله

اقتباس:

---

المشاركة الأصلية كتبت بواسطة eng f3lix

الف مبروك يا دكتــــــــــــــــــــــ ـــــــور احمد
عايز لفة بقى يامعلم

---

الله يبارك فييك :)) يالا بينا

ربنا يديك خيرها ويكفيك شرها.

الف مبروك يا شهدى,و ربنا يباركلك فيها و يكفيك شرها .
و انا مبسوط جدا جدا انك انضمات لعائلة كيا ,خصوصا بعد المناقشه و المقارنه اللى كانت بين الفيات لينا و السيراتو .فاكرها.
و تانى حاجه :عشان عارف انك دماغك حلوه بسم الله ما شاء الله فى التعديلات و كمان اسعار متميزه ,و بما ان موتور الكارينز و السيراتو واحد ,فاسمحلى اعمل كوبى بيست لاى تعديل هتعمله فى الموتور .هههههههههههه
اوعى تزعل منى ,انا بعزك و الله .و متنساش تدبح ليها حاجه ,و ربنا يحفظك من العين .
و السلام ختام

اقتباس:

---

المشاركة الأصلية كتبت بواسطة a_elbosaty

ربنا يديك خيرها ويكفيك شرها.

---

متشكر على الدعوة الحلوة دى :)

اقتباس:

---

المشاركة الأصلية كتبت بواسطة moha4tec

الف مبروك يا شهدى,و ربنا يباركلك فيها و يكفيك شرها .
و انا مبسوط جدا جدا انك انضمات لعائلة كيا ,خصوصا بعد المناقشه و المقارنه اللى كانت بين الفيات لينا و السيراتو .فاكرها.
و تانى حاجه :عشان عارف انك دماغك حلوه بسم الله ما شاء الله فى التعديلات و كمان اسعار متميزه ,و بما ان موتور الكارينز و السيراتو واحد ,فاسمحلى اعمل كوبى بيست لاى تعديل هتعمله فى الموتور .هههههههههههه
اوعى تزعل منى ,انا بعزك و الله .و متنساش تدبح ليها حاجه ,و ربنا يحفظك من العين .
و السلام ختام

---

الله يبارك فييك انا اللى اسعد لأنى انضميت لأشيك قسم واشيك عربيات واحلى ناس :))

لسة شوية على مانعدل والحاجات دى مش دلوقتى ... بس تصدق حاجة

فى اثناء ابحارى فى الجوجل لقيت ان الموتور مش واحد

عزم الكارينز بيطلع قبل عزم السيراتو عشان تقيلة وعايزة عزم لكن السيراتو عزمها بيطلع متأخر عنها عشان تفتح فى السرعات

شكرا على الفيديو, ومبروك على العربية ربنا يباركلك فيها iSA

أزمنة التسارع من 0-100 لا تعبر عن قدرة العربية على التخطى!

المهم أرقام التسارع من 80-120 ومن 120-160... هو ده الـovertaking

لو على الـtop-gear أو أعلى غيار (من غير كيككات وتسقيط)... يبقى اسمها Acceleration in Gears
لو على أفضل غيار (تسقيط وحرق عشان تحقق أفضل زمن)... يبقى اسمها Overtaking Factors

أنا بس بقولك عشان ماتجيش تاخد غرزة ولا تتخطى عربية وتلاقيها ماتكملش معاك :eek: لا قدر الله
ربنا يستر طريقنا جميعا

تمام 0-100 في 12.5 او 13 ث طب وبعد ال 100 120 او 140 او 160 في اد ايه ؟؟؟؟؟؟

هى دلوقتى الموتور اتفتح وبقت فى 11 ثانية واقصى حاجة جبتها 190 والطريق قفل
التجميع بعد ال 170 بطئ الصراحة بس من 100 ل 170 جميل ومعقول

من 0-170 فى حوالى 32ثانية

اقتباس:

---

المشاركة الأصلية كتبت بواسطة ashouhdy

هى دلوقتى الموتور اتفتح وبقت فى 11 ثانية واقصى حاجة جبتها 190 والطريق قفل
التجميع بعد ال 170 بطئ الصراحة بس من 100 ل 170 جميل ومعقول

من 0-170 فى حوالى 32ثانية

---

+111111111111
الله ينور و هى كده متقلش عن السيراتو فى الجرى .و نفس الموتور .يبقى لازم تبقى نفس النتيجه .
الله ينور عليك

شكلك كدة رجعت للشد و الجري يا دوك
الللي فيه طبع :-)