عايز اشتري بطارية ومش عارف الافضل لعربيتي

السلام عليكم انا عربيتي لسة شاريها من شهر وعايز اشتري بطارية جديدة تكون جافة ومش عارف احسن انواع البطاريات الجافة ايه ؟ وكمان انا لاقيت البطارية القديمة 70 امبير وحد شاف العربية وقال انها كبيرة وان العربية محتاجة بطارية 55 امبير انا عربيتي سيينا 2001 ومش عارف اعمل ايه وايه البطارية المناسبة للعربية علشان لا يتأثر الدينامو ؟والبطارية القديمة لسة في الضمان هي ديليكو بس مش عارف مراكز الخدمة او الصيانة مكانها فين لو حد ممكن يفيدني في الموضوع ده للاهمية. ارجو من اصحاب الخبرة الرد علي ومعلش انا طولت عليكم انا لسة ماليش خبرة في السيارات

الموضوع مش مستاهل مراكز صيانة او غيره .. حضرتك روح لاى بائع بطاريات واشترى بطارية جافة نوعها فارتا المانى 55 امبير ومتنساش تاخد منه الضمان بتاعها وعليه تاريخ الشراء وختم المحل واتاكد انها متغلفة كويس وهو اللى يركبها قدامك بمعرفته