ملاحظات على الإلنترا و الفيلوستر

بالصدفة كنت في التوكيل مع احد اصدقائي بيستلم فيرنا و شفت الفيلوستر اوتو (مش هاي لاين)

الجنط شكله مش حلو زي الملون بتاع الهاي لاين
وضعية الجلوس فيها تحفة تحفة تحفة .. وضعية رياضية منخفضة تحسسك انك راكب حاجة سوبر كار
كل حاجة ايدك بتلمسها فيها احساس كويس بالجودة و الزراير في الكونسول و الدركسيون ملمسهم محترم و ليس بجودة اي كلام
الباب تقيل و صوت قفلته مش زي موديلات هيونداي القديمة
المساحة الأمامية كويسة جدا
الرؤية من داخل العربية صعبة اوي و المراية مش جايبة حاجة من السنتي في سنتي اللي ورا :(
الكنبة الخلفية توقعت انها تكون اصغر من كدا بس شايفها كويسة بالنسبة لحجم العربية

بالنسبة للإلنترا (اللي كانت موجودة كانت موانيوال بطاسات و ليس جنط سبور)
العربية واسعة و الرؤية مش كويسة برضه نظراً لأابعاد العربية بس احسن من الفيلوستر اكيد و هتتحسن بالتعود اعتقد
الكرسي مريح و الكنبة واسعة
الباب تقيل و الصاج احسن من موديلات هيونداي اللي قبل كدا بكتير!
الكونسول الأوسط و زراير الدركسيون شكلهم حلو و ملمسهم كويس بيفكرني بالكروز لكن....

الدركسيون فيه كرفات كتير اوي و تقفيل مش حلو و دا باين في الجزء اليمين من الدركسيون كنت حاسس بفرق بين جلد الدركسيون (مكان ما بتدوس عشان الكلكس) و بين باقي الدركسيون و الغريب اني شفت نفس العيب في كذا و احدة إلانترا .. مش عارف ازاي مخدوش بالهم من حاجة زي دي (كتر الكرفات وحش في رأيي)
اللون البيج مع الأسود مش عاطفي بالنسبة لي (لو كان سيلفر او رمادي كان افضل كتير)

دي خلاصة اللي شفته و قلت اشوف رأيكم :))