عربيتي لانوس 2001 غياراتها كلها تمام مفيش مشاكل ما عدا المارشدير يا تري اية سبب خشونة الغيار الخلفي
عرض للطباعة
عربيتي لانوس 2001 غياراتها كلها تمام مفيش مشاكل ما عدا المارشدير يا تري اية سبب خشونة الغيار الخلفي
ألمرشدير فى اللانوس رخم بطبيعتة
MMamdouh
أولا زى ماالأستاذ محمد ممدوح قالك المرشيدير رخم بطبيعتة فى اللانوس يعنى تحاول تفصل بالدبرياج كويس وتكون العربية فى حالة السكون وتاخد الغيار يعنى مش بسرعة ....
ثانيا من الحاجات إلى ممكن تفيد شوية فى الموضوع دة لو بقالك فترة ماغيرتش زيت الفتيس ....من الضرورى أنه يتغير ....يعنى هتروح للميكانيكى هيفك كارتيرة الزيت ويفضى الزيت القديم ...وتاخد معاك 2 ك زيت شل 90 ....وتحط الزيت الجديد بياخد حوالى كيلو ونصف .....هينعم معاك الغيارات شوية وأنا عملت كدة وفعلا فرقت شوية ...والموضوع مش صعب
بص بالاضافة انو رخم و تغير زيت الفتيس جرب انك تدوس دبرياج مرتين قبل م تنقل للمارشدير ( يعنى انت مثلا بتدوس دبرياج مرة واحدة و تنقل) جرب تدوس دبرياج و تشيل رجلك و تدوس تانى ممكن تيجى معاك بفايدة :)
أولا سعر كيلو الزيت تقريبا 19 جنية ( زيت شل 90) لون العبوة أحمر يعنى إجمالى 40 جنية ...
كمان هتحتاج جيوان كرتيرة الزيت بحوالى 10 جنية ...وسيلكون .....دة لو الجيوان القديم طلع متقطع بس أنت مش هتخسر حاجة لو غيرتة ..
ثانيا أنا ماغيرتش الزيت بنفسى بصراحة كنت بعمل أكتر من حاجة للعربية وغيرتة بالمرة ....لأكن الموضوع سهل جدا جدا جدا ........
كرتيرة الزيت موجوده أسفل الفتيس تحت بس طبعا لازم تكون العربية فى مجرا أو هتنام تحتها ...ولو نمت تحت العربية على أيديك الشمال هتلاقى كرتيرة الزيت أسفل الفتيس مباشرتا لونها أسود مربوطة تقريبا ب10مسامير ....طريقة التغيير
1- هتكون العربية سخنة لكن مش قوى كمان علشان الزيت يتصفى بسرعة من الفتيس
2- هتفك المسامير بمفتاح أو لقمة 13 مسمار ...مسمار ( ملاحظة تكون محضر حوض أو طبق بلاستيك أو اى بديل أسفل الكارتيرة وأنت بتفك وهيبتدى الزيت يتسرب منها واحدة واحدة لحد ماتحل الكارتيرة خالص وتطلعها برة
3- تغسل الكارتيرة ببنزين كويس جدا وتسيبها تنشف وبعدين تركب عليها الجيوان والسيليكون بسيط وتركبها
4-تعيد خطوات الفك تانى تركيب مسمار ....مسمار
5- هتحل ساعة الزيت بيسموها بلقمة 17 ..وموجودة من فوق فى الفتيس بأتجاة صدر العربية يعنى فين فلتر البنزين تحته بأتجاة الفتيس هتلاقيها هتحلها
5- خرطوم رفيع وقمع بلاستيك وتبتدى تزود من المكان دة شوية بشوية لحد مايبتدى الزيت يخرج من الفتحة دى كدة يبقى الفتيس أتملا وتقريبا الفتيس هياخد 1.5 كيلو تقريبا وترجع تربط الساعة مكانها وأنتهى الموضوع.....