العربية بتجيب زيت من كل حتة !!!

**amoor89** · 14-09-2011 06:32 PM

السلام عليكم ورحمة الله وبركاته
أولا انا عضو جديد صحيح مليش مشاركات فى المنتدى لكن متابع القسم باستمرار وان شاء الله يبقى ليا نشاط فى القسم معاكو
عموما انا طالب من حضراتكم شوية نصايح
المشكلة تتلخص فى الأتى
من يومين كنا انا الوالد فى مشوار بالعربية وعلى طريق مايعلم بيه الا ربنا كله مكسر ومبهدل ومطبات المهم ان كان فى بالوعة فى الطريق لكن عالية والطريق اتجاهين فللاسف الوالد ما عرفش يتفاداها وخدها فى نص العربية طبعا حسينا بخبطة وجعتلى قلبى نزلنا بصينا على العربية من تحت مفيش لازيت ولا اى حاجة وروحنا وركنا العربية وكله تمام
نزلت امبارح الصبح ادور العربية عشان اروح شغلى قلت ابص عليها من تحت ولقيت كمية زيت غريبة الشكل على المكنة من تحت والفتيس قولت اقيس الزيت لقيته مظبوط المهم اخدت العربية ورحت الشغل ورجعت وربنا سترها ومفيش حاجة حصلت روحت النهاردة للميكانيكى اللى بتعامل معاه بص على العربية قلى اغسلها الاول وبعد كده نقيم الموقف وقد كان بص عليها تانى قالى اللى هيحصل كالاتى المكنة والفتيس هيتحلوا وهنغير كل الاويل سيلات والجونات اللى فى المكنه والفتيس والكارتيرة تقريبا (مش عارف يقصد ايه لانى معندش خبرة بصراحة )
فمش عارف دلوقتى اعمل ايه انا نفسى ابقى فاهم قبل ما يشتغل عشان ما يتعملش عليا شغل

تانى استفسار معلش طولت عليكم
بالنسبة للعفشة عندى المساعدين الاتنين قدام هتغيروا مع المقصات الامامية وحاجة كمان بس مش عارف اسمها هى على حسب ما شوفت انه العمود اللى متركب فيه الكبالن لانه بيخبط من تحت مع المطبات
الحاجات دى تتكلف كام
واسف جدا على الاطالة
تحياتى

**حماده المصري** · 15-09-2011 07:15 AM

المكنه والفتيس يتحللوا يبقى انت بيتحور عليك في الغالب

تحت مفيش غير جوانين جوان كرتيره فتيس وتقريبا جوان كرتيره زيت متور

المكنه مفيهاش جوانات تحت عشان تضرب

المساعدين والمقصات على حسب النوع في مقص ب 100 وفيه 125 والمساعدين برضو انواع وميعدوش 250 الجوز الامامي الا المونرو اغلى

**safatefo** · 15-09-2011 11:59 AM

ساباشا مكنة اهية وفتيس اية اللى ناوى يحلهم انتا دخلت فى نيزك ولا اية
المهم ربنا سترها معاكم الحمد لله بالنسبة للعفشة انا مليش فيها
بالنسبة لموضوع الزيت السيارة فيها اربع اماكن للزيت
1- زيت باكم واكيد عارفة وماكنة بالماستر العمومى وومكن متابعتة بالنظر والمعاينة
2- زيت الباور وممكن ملاحظتة عن طريق مراقبة قربة زيت الباور لة بينقص ولا حاجة
3 زيت الفتيس دة لية كارتيرة من تحت وطبعا جوان وهنا الشغل كلة ممكن تكون الخبطة خبطن الكارتيرة بتاعت الفتيس من تحت وبدأت تسيل زيت فتيس ومع حركة السيارة والهواء الزيت بتنطر على كل حتة بالماتور م تحت ويتهيئلك ان الماتور منشع زيت
4- زيت الماتور ودة فى حالتين الاولى زى الفتيس بالظبط وحوار الكرتيرة او اولسيل الكرنك (لمتابعة الموضوع دة انا لسة كاتب فية )
وبس ياسيدى ماتور اية بقى اللى ناوى يحلة (ربنا يسامحة)
اتمنى تشوف الموضوع دة وتقولنا عملت اية وبالتوفيق ولمذيد من الاستفسارات
احنا باذن الله معاك

**MMamdouh** · 15-09-2011 12:05 PM

اغسل العربية من تحت كويس و اطلع بيها مشوار محترم و بعد كدة دور على مكان تسريب الزيت و عالجة

MMamdouh

**tarek_2005** · 15-09-2011 02:18 PM

خلاصة الكلام غيير الميكانيكي دا علشان دا غير امين وشكلك كدا خبرة قليلة جداً غيير الميكانيكي وروح لواحد يتقي الله

**MMamdouh** · 16-09-2011 03:05 PM

هو فعلا العربية لو دايرة وواقفة مكانها دة بيقلل من عمر السير او بمعنى اصح دة استهلاك للسير انت مش هتقدر تحسبة... بس فى المقابل اصلا الصير المفروض يتغير عند 90 الف كيلو و احنا بنغيرة بدرى عند 40 فا الموضوع مش محتاج تغيير بدرى عن كدة

اعتقد المصنعية كويسة لان تسقيط الفتيس لوحدة بيخش فى 120 الى 150 جنية و انت كمان فكيت طقم دبرياج و فلام... و تغيير طقم الكاتينة برضة فى الحدود دى يعنى بنتكلم فى اجمالى ما بين 240 الى 300 جنية

MMamdouh

**tarek_2005** · 17-09-2011 11:33 AM

المشاركة الأصلية كتبت بواسطة mmamdouh

هو فعلا العربية لو دايرة وواقفة مكانها دة بيقلل من عمر السير او بمعنى اصح دة استهلاك للسير انت مش هتقدر تحسبة... بس فى المقابل اصلا [gdwl][bor=#ff0000]الصير[/bor][/gdwl] المفروض يتغير عند 90 الف كيلو و احنا بنغيرة بدرى عند 40 فا الموضوع مش محتاج تغيير بدرى عن كدة

اعتقد المصنعية كويسة لان تسقيط الفتيس لوحدة بيخش فى 120 الى 150 جنية و انت كمان فكيت طقم دبرياج و فلام... و تغيير طقم الكاتينة برضة فى الحدود دى يعنى بنتكلم فى اجمالى ما بين 240 الى 300 جنية

mmamdouh

قفشتك يا كبير (( السير ))

-

الموضوع: العربية بتجيب زيت من كل حتة !!!

LinkBack

أدوات الموضوع

عرض

-

-

-

-

المواضيع المتشابهه

المكنة بتجيب زيت

العربية بتجيب زيت من تحت عندها نزيف داخلى .

العربية بتجيب ماية اول ماتقف انجدونى

البيتلز بتجيب زيت من تحت ؟؟؟؟؟؟

سؤال فني - العربية بتجيب زيت من العجلة اليمين الامامي

الكلمات الدلالية لهذا الموضوع

المفضلات

المفضلات

ضوابط المشاركة