طيب هوة فيه اقتراح بس من غير ضرب ونبي :d
متجرب تغير مسكنك وتسكن في الهرم :d :d
او في القرية الذكية لأني عشان ادحك عليك واقولك حلول ها تبقى كلها مسكنات مش اكتر :d
عرض للطباعة
طيب هوة فيه اقتراح بس من غير ضرب ونبي :d
متجرب تغير مسكنك وتسكن في الهرم :d :d
او في القرية الذكية لأني عشان ادحك عليك واقولك حلول ها تبقى كلها مسكنات مش اكتر :d
بص يا باشا .. أنا نفس الوضع برضه .. فعلا لما بتطلع 4 بالدقيقة بتفرق كتير.
هقولك على هدية:
فى الوضع العادى .. كده كده هتقف فى الزحمة .. لكن لو فى حادثة على المحور لا قدر الله .. و ده بيحصل كتير .. ربنا ما يوريك .. تخيل انك فى ماسورة 15 كيلو تقريبا (المحور) بدون ولا مخرج .. الحل فى الوضع ده انك تستخدم موقع أو برنامج "بيقوللك" Bey2ollak.com .. و تعرف حالة الطريق اللى هتمشى عليه قبل ما تتحرك .. أنا أدمنته لدرجة انى لازم قبل ماخد المحور أو الدائرى أشوف الأول الدنيا فيها ايه و أتحرك على الأساس ده.
كل دول شغلهم فى القرية وعمرى ما قابلت واحد فيكم
الله يمسيك بالخير يا احمد كمال
زى ما الاعضاء قالوا 4
بالظبط تخلع
ومدمت تشتغل 8 ساعات
تعالى بدرى وامشى بدرى
يعنى لو تقدر تبقى هناك 7 يبقى كويس
الشركه عندنا كانو بيفكرو فى كده بس الحمد لله الفكره اتلغت ... بس لما بيكون فى حاجه فى القريه الذكيه بيكون يوم ملون ..
من خبرتى المتواضعه و اللى اعرفه من اصحابى امشى 3 45 و خد محور ... نصيحتى انك ممكن لو كل يوم هتمشى بدرى نص ساعه و مش هتكمل ال 8 ساعات ... تيجى فى يوم تستنى ساعتين بحيث انك تعمل ال 40 ساعه بتوع الاسبوع ... و بكده تلاقى الدنيا سلكت بالليل و انت ماشى برضه ...
الصحراوى للرمايه و من هناك الدائرى من المريوطيه فكره مش بطاله بس ساعات برضه دائرى المعادى بيكون زحمه
حبيبى وصديقى فى الانسانية المعذبة انا كل يوم من مدينة نصر لبعد القرية انا فى اخر القرية ورا توكيل كيا من 2008
قولى انت فين فى مدينة نصر وانا اقولك طريق ممتاز ان شاء الله يريحك كتير عن كوبرى اكتوبر لان شكلك كدة جديد لان كوبرى اكتوبر اول اختيار بالنسبالنا فى الاول وبعد ما تاخد خبرة بيبقى اخر اختيار
احب اقولك انت مشوفتش الي احنا شوفناه دا انت محضوظ ان في طريق حازم حسن ووصله المريوطيه دا احنا شوفنا ايام سوده
التوسعه بتاعت الدائري هتخلص شهر اكتوبر فهانت خلاص بس اعمل حسابك في شهرين تأخير يعني برضوا هانت خلاص :)
طب لما كلكو فى مدينة نصر .. ما تلمو بعض و تروحو بعربيه واحده كل يوم؟
حضرتك ممكن تكمل لميدان الرماية و بعدين تدخل شارع ابو الهول(المنصورية) و تطلع من هناك على الدائرى(بتاع المعادى)