لمبه البطاريه في a 516

**hamadaghfar** · 14-09-2011 10:51 PM

اللاخوه الزملاء السلام عليكم
النهارده و انا بدور العربيه لقيت لمبه البطاريه منورة لكن العربيه دارت علي طول و فضلت اللمبه منورة انا حجزت في التوكيل يوم الاحد ١٨/11
الرجاء من الاخوة الزملاء النصيحه وما اعمل وهل في مشكله لو مشيت بالعربيه كده وجزاكم الله خيرا

**hemaa_82** · 15-09-2011 08:29 AM

شربون الدينامو .....

التوكيل هيغيرهولك كله علي الضمان .....ان شاء الله

متمشيش كتير و اوعي تمشي مشوار طويل لان انت ماشي علي البطارية بس من غير ما الدينامو يشحنها ... لو فضيت العربية هتبقي زي لعب العيال الصغيرة من غير حجارة ولا نور ولا ازاز ولا سنتر ولا الهوا
لو تعرف تركنها لحد معاد التوكيل يكون احسن ....

الشربون لو هتعمله برة فهو في ابو بلاش ... 20 ولا 30 بلبل لو الصنايعي مغلواتي ...

السؤال بقي .... العربية من امتي و عاملة كام الف كيلو .....

انا قطع مني بعد سنة و كانت عاملة 17 الف كيلو .... و مشتريها 9 - 2009 .... انت نظامك ايه

**hamadaghfar** · 15-09-2011 05:14 PM

شكرا لرد حضرتك

العربيه عامله 11000 و هي موديل 2010 بس النهارده كانت اللمبه بتطفي شويه و تشتغل تاني انا ان شاء الله رايح يو الاحد وهبقي ابلغك باللي حصل

في حاجه تاني لما بلم الطاره للاخر يميين او شمال بسمع صوت عالي في واحد قاللي في مشكله في مكنه البور ده صحيح و لا ابلغ التوكيل

شكرا مرة تانيه علي ذوقك

**hugan** · 15-09-2011 11:07 PM

صوت طلمبه الباور
ودا شيء طبيعي ما فيهوش قلق

**egypt0777** · 16-09-2011 12:15 PM

المشاركة الأصلية كتبت بواسطة hamadaghfar

في حاجه تاني لما بلم الطاره للاخر يميين او شمال بسمع صوت عالي في واحد قاللي في مشكله في مكنه البور ده صحيح و لا ابلغ التوكيل

ده طبيعى فى كل العربيات بس اوعى تحمل زيادة على الطرمبة عشان متضربش

و خالى بالك من بتوع التوكيل وانت رايح تعمل الدينوا لان حيقلك ده الطبيعى و ان ده اوبشن جديد نزلوه فى العربية عشان تبقى عارف ان الدينوا شغال

**hamadaghfar** · 19-09-2011 01:22 AM

الحمد الله روحت التوكيل امبارح السبت الساعه 8.00 صباحا كنت رابع عربيه المهم قابلت المهندس محمد كامل راجل محترم قاللي نغير فلتر البنزين و الهواء و البوجيهات و نربط العافشه قلت له ماشي لكن انا عندي لمبه البطاريه منوره والاكره الداخليه للباب اليمين لا تعمل قاللي ماشي كتب كل حاجه و اعطي امر الشغل
الساعه 13.00 نادوا علية ادفع في الخزينه 405 l.e و بعد ذلك راحت العربيه المغسله وقابلت المهندس محمد مره تانيه و قاللي انه غير الدينامو كله بالكامل في الضمان من غير فلوس و جميع الفلاتر القديمه في الشنطه فشكرته جدا علي مجهوده
عند الرجوع لاقيت السحب بقي احسن و التكيييف كان شغال قبل ما استلم العربيه لقيت الحمد الله لمبه البطاريه مطفيه و العربيه زي الفل
ملحوظه الاكره تمنها 30 و المصنعيه 35 و 7 كلبسات ب 6.5 يعني الاكره بقت ب 71.5 بس مش كتير ده

و المصنعيه 153 قبل اي حاجه و فلتر البنزين 27 جنيه و الهواء 45 جنيه البو جيهات 60 جنيه و الضرايب حوالي 35 جنيه