الموضوع: ألى ربات المنازل ،، سؤال في الجيلي !! :))))))

المفروض انك بتحط الجيلاتين القوالب اللي انت جبته لغايه ما يطريفي الماء( الهدف من النقع للقوالب الناشفه زياده الليونه علشان تساعد في عمليه السيوله) وبعدين تصفيه من الميه وتحطه الجيلاتين بس بعد ما بقي طري في طبق تاني وعلي البخار تخليه يدوب مع الزيت العطري وتعبيه في القوالب وحيجمد ويبقي عامل زي الجيلي كولا لو اتحط في الشمس حيطري بس مش حيسيح
لكن لو حطيت عليه ماء ساعه عمليه التسخين فانت كده بتزود سيولته طبيعي لما يبرد حيجمد بس اول ما يتعرض للحراره حينفصل الماء عن الجيلاتين ويسيح
...............

لا الجيلاتين البودره ما ينفعش في الحاله اللي حضرتك عايزها خالص الجيلاتين البودره ده للجيلي العادي وعمره مهما خففت الميه ما حيبق ماسك نفسه
انت تروح لمحلات العطاره او الافضل لمحلات اللي بتبيع حاجات الحلويات (وموجود في السوبر ماركت زي سعودي ومترو حتلاقيه جنب الجيلي البودره العادي) واطلب الجيلاتين الجامد بيبقي شرائح ناشفه وشفافه مايله للون الاصفر وبيبقي ناشفه قوي ...هيا دي اللي حتعملك جيلي جامد وكل ما ماتحطش ميه كل ما حيبقي جامد قوي
والبودره بقي حطه علي اي عصير فاكهه وكله احسن لانه لا يصلح غير للاكل