الموضوع: زيارة لمتحف القلعة الحربي

بسم الله الرحمن الرحيم

السلام عليكم ورحمة الله وبركاته

الموضوع ده عبارة عن تقرير عن زيارة لمتحف القلعة الحربية

عشان بصراحة انا عمري ما زرت المتحف في حياتي قبل كده فأخدت احمد اخويا وقمنا بزيارة للمتحف الحربي بصراحة وهوة من اجمل ما شاهدت من المتاحف الحربية في العالم وكبير جدا فعلا ..

الزيارة بدأت تقريبا في تمام الساعة 9 !!
المدخل للمتحف
من على صلاح سالم في اتجاه السيدة عائشة ها تلاقيها على يمينك مباشرة ..
تكلفة الزيارة حوالي 2 جنيه للفرد !!
اه والله 2 جنيه فقط !!
ومفيش اي حاجة تانية ها تندفع جوة ابدا بجد !!
همة 2 جنيه فقط لا غير !!
مجرد ما دخلت المتحف ها تلاقي جوة حوالي 3 متاحف
المتحف الحربي
مسجد محمد علي
مسجد سلطان كده مش فاكر اسمه
متحف العربات الملكية
متحف الشرطة

اكبرهم المتحف الحربي ما يزيد عن 87 غرفة !! كل غرفة فيها ما لا يقل عن 45 معروضة فنية او تحفة !!
يعني المتحف الحربي لوحده عشان تغطيه محتاج مش اقل من يومين بجد !!
دي مجموعة من الصور اللي انا صورتها ومع كل صورة ليها الشرح للمكان والموقع وعلى فكرة انا عندي اكتر من 400 صورة !! بس الصورة بيبقى حجمها كبير جدا وانا مصغرها بيطلع عيني عشان احافظ على جودتها بصراحة ..

مدخل متحف الشرطة اللي كان مغلق يومها لأعمال الترميمات


احمد اخويا من داخل متحف مسجد محمد علي اللي انبهرت بشكل زخارفه حقيقة واتوهمت بيه لأكثر من 4 - 5 ساعات


معدات حربية كثيرة جدا










طيب شوية كلمات بقى ..

اانا فيه صورة حاططها بأبعاد تصلح خلفية للكمبيوتر وهي الكلمة اللي مرسومة بالشجر كلمة الله ..
المتحف الحربي فيه غرف كتير واحلى حاجة انه كل غرفة ليها اختصاص ..
زي غرفة الصاعقة
غرفة المخبرات
غرفة السفن
الغرفة الجوية
غرفة المشاه
كل غرفة فيها اللبس الرسمي والإنجزات واهم الرؤساء للقطاعات وصور حصرية جدا ونادرة جدا جدا جدا
انا وجدت هناك مخطوطات للثورة اللي كاتبها عبد الناصر بإيدو ..
ها تلاقي تحف حربية من ايام الفراعنة كمان وانواع للرماح والسهام والنبال وصلاح الدين يعني المتحف شامل من كله ..
ها تجد دبابات حقيقية وطائرات شاركت في حرب اكتوبر المجيدة تغنيك عن زيارة البانوراما اللي في صلاح سالم ..
الأجانب هناك كتير جدا الحقيقة وده شئ اسعدني قوي انهم كانوا بيسألوني ايه اللي مكتوب على كل حاجة معروضة هناك ..
الغرف كتير جدا نصيحة روح من بدري عشان مهما قعدت هناك مش ها تلحق تخلصوا كله !!
انا رحت من 9 وماشي من هناك الساعة 5 والنسا بتزق فيا بتقولي خلاص عاايزين نقفل ..
اي استفسار تاني انا تحت امر حضراتكم ..

للأسف ممنوع الدخول جوة بالعربية ولكن فعلا المطلع غبي غبي غبي غبي ومعمول مدق يعني زحلقة السنين !!
ولكن الأغرب انه كان فيه ناس بتدخل بعربياتها !! عادي جدا .. ولك يكون حجته معايا ست كبيرة معايا كده يعني ..