تغيير زجاج الباب الخلفى لسيارة تيدا !!ضرورى

السلام عليكم .. معلش يا جماعة هتعبكم معايا بس فى سؤال بسيط :: من حوالى ساعة كنت ماشى ووقفت اتكلم فى الموبايل على جنب لقيت فجأة واحد جه وقام كاسر الزجاج بتاع الباب الخلفى الأيمن للتيدا فقمت جارى بصراحة وموقفتش !!! والحمد لله جت سليمة فى الزجاج بس ...
دلوقتى لو حبيت اغيره لازم اروح التوكيل ولا ممكن اغيره بره ؟؟؟ وهو بكام فى التوكيل او بره ؟؟
بس ضرورى لأنى كان المفروض اسافر بيها بكرة بس على كده مش هقدر ..
علما بأن السيارة تيدا هاتشباك 2011 وهى لسه فى الضمان ... وشكرا

حضرتك شوف نمره مصنع دكتور جريش

القسم الخاص بالتركيبات

وما انصحش بصراحه تعمله ف التوكيل

لان ال تمنه ف التوكيل 1000 جنيه
تمنه فى دكتور جريش 300 جنيه


اتصل بدكتور جريش واسالهم على الزجاج دا متوافر ولا لا

ولازم تروحلهم من بدرى جدا
علشان بيكون فى زحمه ودور طويل
وهكذا


تحياتى لك