الماتريكس من اكتر السيارات الى تنفع تاكسى فى مصر ... واسعة .. عالية عن الارض ... الدخول والخروج منها سهل ... بتستحمل .... سعرها كويس .... شكلها حلو
الماتريكس من اكتر السيارات الى تنفع تاكسى فى مصر ... واسعة .. عالية عن الارض ... الدخول والخروج منها سهل ... بتستحمل .... سعرها كويس .... شكلها حلو
انا هقول علي العربيات اللي شفتها تاكسي (أجره القاهره-أجره جيزه)
وهي
1- تويوتا كرولا 2006
2- ميتسوبيشي بوما 2008 مصري
4- هيونداي ماتريكس (الشكل الجديد) 2008
5- دايو نوبيرا 2007
6- أفيو 2008 - 2007
7- لانوس 2006-2007-2008
8- فيرنا 2005 - 2006 - 2007 -2008
9- هيونداي النترا (الشكل القديم) 2003
والعربيات دي مع ناس اعرفها لأنهم بيركنوا في جراج جنبنا متخصص تاكسيات جديده فقط
فيرنا
و الفيرنا حالياً هنا بقت تاكسي كتير مع وجود لانوس و لانسر ( مش عارف ليه تاكسي لانسر يعنى ) و نيو اكسنت
وفى اسكندرية فى
فيرنا
لانوس
ماتركس
اسبيرنزا
جيلى
النترا
وكلهم شغلين تمام
ياجماعه لوفى عربيه زى البيجو ال 504 فى اى نوع من الجديد تكون هى التاكسى رقم واحد فى مصر غير كده كل العربيات مفيش حاجه تستحمل وتخدم زى البيجو 504 مع كامل احترامى لبعض الانواع الموجوده فى استطلاع الراى
البيجو ال 504 كانت ممتازة مع بعض المشاكل البسيطة
لكن إحنا بنقول كانت
خلاص راح زمن ال 504 ال 2000 CC
نحن الآن في زمن إرتفاع أسعار البنزين
آخرنا 1600 CC عشان نلاحق على البنزين
وطبعاً صاحب التاكسي مهم تكون عربيته موفره
وأنا شايف إن أغلب السيارات الموجودة في الإستفتاء قادرة على أن تحل محل ال 504
ولكن بالفكر الإقتصادي الجديد
وطبعاً المرسيدس ال 200 والبيجو ال 504 كانوا مناسبين جداً من عشر سنوات
لكن الآن يعتبروا لو إفترضنا إن موجود منهم زيرو يعتبروا سيارات فارهة ليست إقتصادية
مالها الشاهين الحمد للة عربية جميلة جدا وانا مع اللى بيقول الشاهين تبقى تاكسى لانها قطع غيار رخصية واستهلاك بنزين قليل هى اينعم مش مريحة اوى بس جميلة جدا والموتور بتاعها 1400 جبار تخميس وشد بيعمل كل حاجة فى دماغك والمكنة ما بتقولش لا
عشان حقيقه الشاهين كشكل ملهاش لازمه و محدش يزعل مني يعني احنا داخلين علي ٢٠٠٩ و دي لسه مربعه مافيهاش ولا دوران يديها شكل شويه و يخلي في فرق بين وشها من ظهرها مش فاهم ليه الشركه ماتعدلش شويه في الشكل و أكيد يا أخ بلال عشان كده ممنوعه في شرم الشيخ وعندهم حق بس هيا كعربيه من أكتر العربيات اللي تستحمل طرق مصر و مره تانيه محدش من ملاكها أو اللي بيحبها يزعل مني.
فين اللانوس فى الاستطلاع !!!!!!
انسب عربية ممكن تكون تاكسي فى القاهرة ..
نظرا لرخص تمنها مقارنه بالاختيارات فى الاستطلاع وكمان فيها كل الكماليات والاحتياجات اللى الواحد بياحتجها ..
( ازاز كهرباء _ تكييف _ باور .. الخ ) وبعدها الفيرنا ..
لكن اعتقد ان الشاهين تكييفها مش هيبقي زى اللانوس خصوصا ان التكييف ده هيبقي عامل اساسي فى خلال العامين القادمين والناس مش هتركب تاكسي غير لما يشغل التكييف ( طبعا فى الصيف:shine[1]: )
عموما انا صوت للفيرنا ...
أنا مرة ركبت مع واحد كان لسه شاري لادا 2107 و مكملتش 1000 كيلو, فقلت له انت ليه جبت لادا لما فيه عربيات تانية كتير أحسن زي الفيرنا و فارق سعرها مش كبير, فرد عليا:
- لو أنا اشتريت فيرنا و واحد رزع الباب, ممكن مرة في مرة ميستحملش و يحصل له حاجة. انما اللادا ميفرقش معاها.
- لو أنا كسرت الفانوس في الفيرنا هضطر أشتري واحد جديد. انما اللادا أحط عليها ؟؟؟؟ بلدي (مش فاكر اسمها) ب5 جنيه و خلاص.
- الفيرنا محدش عارف هتعمل ايه بعد 10 سنين, انما اللادا متجربة. و اللي نعرفه أحسن من اللي منعرفهوش.
- لو العربية عطلت مني في وسط السكة, أقدر أوديها عند أي ميكانيكي يتصرف فيها.
- لو أنا ماشي بفيرنا محدش هيشاور لي عشان هيفتكروا اني هاخد زيادة عن الأجرة العادية.
اللادا ممكن تتظبط. لو مفيهاش باور تقدر تركبه. لو السماعات مش عاجباك تقدر تغيرها. لو الشكل الخارجي مضايقك ممكن لو غيرت الجنوط و عملت تعديلات بسيطة تانية تبقى كويسة.
دي طبعا وجهة نظره. أنا وجهة نظري اللي احتفظت بيها و مقلتهاش عشان منتخانقش مع بعض و معقدهوش من العربية:
- الراجل بيقول لي انه جابها ب50 ألف جنيه و كسر. لو هو كان في دولة أوروبية كان ممكن يشحتها.
- في برنامج توب جير, العربية من نظر جيريمي كلاركسون مبقتش قابلة للاستعمال الآدمي الا بعد ما اتصرف عليها ما يوازي 100 ألف جنيه استرليني.
- اللادا 2107 هي يمكن أسوأ عربية طلع لها موديل 2009.
- الغفشة ناشفة جدا لدرجة انك تحس انك راكب جرار أو عربية كارو.
- العربية مفيهاش أي ذوق في الصالون الداخلي, و الصالون كمان ضيق جدا. انت رجلك لازقة في التابلوه أو الكنبة اللي قدامك كانك راكب مشروع.
بس الخلاصة ان اللادا هي اللي هتفضل موجودة عندنا في الاسكندرية لفترة طويلة قدام لأسباب اقتصادية, و لأن الزبون معندوش استعداد يصرف أكتر من اللي بيديه لسواق اللادا. لو عنده استعداد فهو قدامه تاكسي العاصمة.
أعتقد ان سبب انتشارها هو نفس انتشار الكلاشينكوف الروسي. رغم انه تصميمه قديم و هو سيء جدا في التصويب بالمقارنة بالأسلحة الحالية, الا ان هو مبيحتجش أي نوع من الصيانة غير الأساسية جدا, و نادر ما بيعطل حتى مع سوء الاستخدام.