الموضوع: عايز أشترى مازدا 3 ومحتاج شوية معلومات عنها ومحتاج مساعدة الوحوش

فين الردود يا رجالة؟؟؟؟؟
عايز ابقى مزداوى

اهلا بيك فى مازدا اولا
المشكله الرئيسيه فى مازدا لحد الان قطع الغيار المكلفه بس انا رأى ان انتا كان معاك ميجان و الميجان فرنساوى المعروف عنه ان قطع الغيار مولعه اكتر من المازدا
ثانيا الفتيس ممتاز انا عندى 2010 و هوا هوا نفس الفتيس من 2008 فا دا يعنى ان الجير بوكس ما حدش اشتكى منه لان لحد دولوقتى ما تغيرش
و بالنسبه لصيانه 100000 فا مش حقدر افيدك عشان انا ليسه ماغيرتش
و حتشترى مازدا 2010 ولا 2009
؟؟؟؟؟؟؟

ألف شكر على ردك يا محمد باشا
انا بسأل على الصيانات الدورية....هل كل 10000 كم......وكل الفلاتر والبوجيهات بتتغير....ولا ايه.؟؟؟
انا بسأل على ال 10000 مش ال 100000 .....:)
انا معايا 75000 ...تفتكر ممكن يجيبوا 2008 ولا 2007
انا محتار جدا على فكرة....وقلقان خالص......مش عارف أجيب الانترا ولا مازدا.....انا حابب المازدا..بس مش عايز أجيب المازدا وأقع فى مشاكل انا مش قدها......انا مش عاجبنى كتر الحساسات اللى فى الميجان.........انا عايز عربية ما تعطلش وتقف من غير ما تتحرك..وطبعا لازم الواحد يكون محافظ على صياناتها
لكن مايطلعليش حساس سرعة يوقفلى العربية فى مكانها ومعرفش أحركها
فا انا عايز عربية تكون ماتقلش رفاهية عن الميجان....وتكون محترمة......وحتة قطع الغيار.....مش مشكلة الأسعار...بس ما تتغيرش كل فترة قريبة.....مشوار الميكانيكى عامل زى مشوار الحلاقين....الواحد بيبقى رايح قرفان........فا يا بخت من زار ....وغار :)
ومستنى الرد

متابع الاراء لتواجد نفس الفكرة فى دماغى, الفكرة ليا صديق معاه مازدا 3, و بيعمل الصيانات عند مركز مشهور فى المعادى و متخصص مازدا, اسمه مش فى بالى دلوقتى لاكن اتذكر اسمه كتير هنا فى منتدى المازدا, المهم صديقى بيقولى الصيانة الدورية بتكلفو من 1000 الى 2000 ج كل مرة, و بصراحة انا استغليت الرقم (هوا معلوماتو بسيطة يعنى مش عارف هوا بيدفع الرقم فى ايه, يودى العربية و يدفع و ياخدها و خلاص), فيا ريت لو حد يعرفنا اسعار الصيانات الدورية و ايه تفاصيلها.
حاجة تانية العربية انا اعرف انها اربع سرعات اوتو, فده معناه ال rpm بيكون كام على 100, و كام على سرعات عالية مثل ال 160 أو 180 مثلا. (انا فى الالنترا 2005 5 سرعات اوتو على 100 بيكون 2500 او اقل و على 160 يا دوبك بيكون 4000 او اقل حاجة بسيطة و 180 او 185 بيكون 4500 تقريبا)

المشاركة الأصلية كتبت بواسطة TOOLA

متابع الاراء لتواجد نفس الفكرة فى دماغى, الفكرة ليا صديق معاه مازدا 3, و بيعمل الصيانات عند مركز مشهور فى المعادى و متخصص مازدا, اسمه مش فى بالى دلوقتى لاكن اتذكر اسمه كتير هنا فى منتدى المازدا, المهم صديقى بيقولى الصيانة الدورية بتكلفو من 1000 الى 2000 ج كل مرة, و بصراحة انا استغليت الرقم (هوا معلوماتو بسيطة يعنى مش عارف هوا بيدفع الرقم فى ايه, يودى العربية و يدفع و ياخدها و خلاص), فيا ريت لو حد يعرفنا اسعار الصيانات الدورية و ايه تفاصيلها.
حاجة تانية العربية انا اعرف انها اربع سرعات اوتو, فده معناه ال rpm بيكون كام على 100, و كام على سرعات عالية مثل ال 160 أو 180 مثلا. (انا فى الالنترا 2005 5 سرعات اوتو على 100 بيكون 2500 او اقل و على 160 يا دوبك بيكون 4000 او اقل حاجة بسيطة و 180 او 185 بيكون 4500 تقريبا)

بص ياباشا المركز المشهور اسمه سمارت كار و ده معظم الناس بترحلوا لانه فى المعقول و شغله كويس و بالنسبه لتكلفه الصيانه فامش شرط تبقى 2000 او 1000 لا عادى الصيانات البسيطه الفردى بتبقى تكلفه تغير الزيت و الفلتر و مصنعيه تربيط عفشه و بالنسبه ل rpm انا الصراحه مش متابعه بس افتكر انى كونت عند 200 و كان ال rpm 4.5 تقريبا و متقلاقش صوت العربيه مش عالى الا اذا انت دوست جامد او عملت كيك داون و مبروك مقدام ان شاء الله

المشاركة الأصلية كتبت بواسطة levelpower

بص ياباشا المركز المشهور اسمه سمارت كار و ده معظم الناس بترحلوا لانه فى المعقول و شغله كويس و بالنسبه لتكلفه الصيانه فامش شرط تبقى 2000 او 1000 لا عادى الصيانات البسيطه الفردى بتبقى تكلفه تغير الزيت و الفلتر و مصنعيه تربيط عفشه و بالنسبه ل rpm انا الصراحه مش متابعه بس افتكر انى كونت عند 200 و كان ال rpm 4.5 تقريبا و متقلاقش صوت العربيه مش عالى الا اذا انت دوست جامد او عملت كيك داون و مبروك مقدام ان شاء الله

يا باشا شكرا جدا على الرد السريع, و ربنا يعمل الفيه الخير, هيا الفكرة لسه مختمرتش فى دماغى بسبب الكسل فى عملية البيع و الشراء, و خصوصا الشرااااء, ربنا ما يوريك الأنا شوفتو و انا بشترى, عموما خير ان شاء الله.