رقم العضوية : 12086
تاريخ التسجيل : 02Jun2008
المشاركات : 34
النوع : ذكر
الاقامة : Cairo
السيارة: Mitsubishi Lancer 2007
السيارة[2]: Renault Megane 2006
الحالة :
صباح الفل على احلى اعضاء
نخش في المفيد على طول، احب انقل تجربتى الشخصية في تغيير كاوتش باب الميجان 2 يمكن حد يحتاجها أويستفيد منها:
في الفترة اللى فاتت قمت بتغيير كباس التكييف (الكمبريسور) وحسيت بفرق رهيب فى اداء التكييف ومرة كدة نزلت مع بعض اصحابي وكنت لابس شورت فحسيت بهوا سخن في رجلي وداخل لجوة :) جايلي من ناحية الباب من تحت كدة فوقفت وفتحت الباب و لقيت كاوتشة الباب اللي بتركب حوالين القوايم ( مش اللي في الباب نفسه) متاكله وبعد شوية فحص كدة اكتشفت ان الهوا فعلا بيدخل من خلال التاَكل ده (برغم صغر حجمه).بس بصراحة انا نفضت
وبعد كام يوم كدة نزلت وكانت الدنيا حر وحسيت ان اداء التكييف مش اد كدة ف روحت معدي على بتاع التكييف وسألته وقلتله على موضوع الكاوتشة ده فقاللي ان هى السبب ( طبعا الحر الشديد هو السبب الرئيسي بس تاَكل الكاوتشة عامل مساعد ) ونصحنى بضرورة تغيرها عشان كدة ممكن الكباس يتأثر.
وبالفعل دورت ودعبست وكانت النتيجة كالتالي:
- ثمن الكاوتشة استيراد من 75 ل 100 جنيه ( وهى الأفضل عشان بتبقى حتة واحدة زى الاصلي)
- في اختلاف في الطول بين كاوتشة الباب الامامي والباب الخلفي وبين كاوتش السيدان والهاتش باك ( جربت أكتر من 5 كاوتشات لحد ما وصلت للطول الصح ده غير 2 كمان بس ماعجبتنيش حالتهم)
- لاقيت ورشتين بيبيعوا الكاوتش ده جديد بس طبعا بيقيسو طول كاوتش باب العربية وبيقطعوا على أدو بالظبط وكاوتشة الباب الواحد بالتركيب بتتكلف 140 جنيه
انا بصراحة ركبت اثنين استيراد الواحدة ب 75 جنيه و 5 ج تركيب وبصراحة حاسس بفرق في تكييف العربية وكمان عزل الصوت.
رقم العضوية : 12086
تاريخ التسجيل : 02Jun2008
المشاركات : 34
النوع : ذكر
الاقامة : Cairo
السيارة: Mitsubishi Lancer 2007
السيارة[2]: Renault Megane 2006
الحالة :
السادة الإدارة: برجاء الغاء هذا الموضوع حيث اننى العضو MoHamdy وقد قمت بانشاء الموضوع بعد دخولي بالخطأ باسم مستخدم وكلمة سر خاصة بصديق لي وسأقوم بإضافة نفس الموضوع بإسمي
المفضلات