.:هل تتوقع نجاح أوبل فيكترا 2007 لو تم تجميعها فى مصر ؟! وليه ..؟َ

اعتقد ان الطريق اصبح مفروش بالورود لمنصور لتجميع الفكترا 2007-2008 واعادة نجاح الفكترا المجمعة محليا ....[http://www.bgtravel.com/Photos/Thumb...ectra-2000.jpg

اعلنت اوبل عن ايقاف انتاج السيارة تحت اسم فكترا وغيرت الاسم الى انسينيا اللى ظهرت رسميا من اسابيع
قليلة .. http://pictures.topspeed.com/IMG/cro...nia_1-2_8w.jpg
وواضح ان السيارة حتكون أغلى من الفكترا الحالية .. طيب انا شايف والله ان منصور لو جمع
العربية فى مصر حتكون فكرة ذهبية ... خاصة انه ممكن يجمع الفكترا ويكون سعرها منافس لليابانى وفى نفس الوقت لو نزل الانسينيا الجديدة حيكون سعرها منافس للباسات مثلا ..
-
ايه رأيكوا وليه ؟!؟!
http://image.automotive.com/f/miscel...nt-leftjpg.jpg

شوف يا باشا..
هو الاكيد انه مش هينزل الانسينيا دلوقتي خالص..
قدامه علي الاقل سنة.. علي ما يخلص الاستوك اللي موجود حاليا..و اللي متفق عليه ييجي من برة..
وخاصة مش بقالها كتير نازلة اوتوماتيك.. يعني معملتش المبيعات المتوقعه ليها..
يعني كمان موضوع سنة ده فيه شك كيبر كمان..

والله لو جمعها هنا في مصر بس بسعر كويس..
وده معناه انها تنزل لسعر منافس يعني تبقي في حدود سعر الاسترا الحالي..
و سعر الاسترا الحالي ينزل شوية بقي مش يعلي زي ماهو بيخصل..
انا شايف العربية دي مظلومة بسعرها العالي شوية ده..
اصل اكيد يعني الابيزا اقل منها 200 سي سي بس و اوتوماتيك و كاملة.. و اهي برضه فولكس..
و تتباع ب 107 الف و دي اعلي منها بحوالي 45 الف جنيه..
لو ده حصل و الاسترا سعرها نزل شوية هتبقي ليها فرصة كويسة جدا..

و فوق كل ده هو منصور مش منزل الكورسا الجديدة خالص.. بس لو نزلها للأسف هيمكون سعرها عالي قوي..
لأنها برة تبدأ من مواتير 1200 بس مش عارف اخرها كام.. و فيها كل حاجة.. تقريبا نفس كماليات الاسترا حتي الفتيس الايزي ترونيك..


انا شايف ان سياسة التوكيلات عندنا هنا في مصر محتاجة تتغير شويتين..
يتعلموا شوية من توكيلات العربيات في السعودية ولا الامارات..

تجميع الفيكترا مش قرار منصور ده قرار جنيرال موتورز
وبعدين الخط بتاعه شغال شيفروليه حاليا

موضوع الأسعار ده الحكومة السبب فيه بسبب الجمارك و ضريبة المبيعات

تصدق انا جبت من المانيا شوية لمض للتابلوه حسبوا 40% جمارك

والوكيل برضه عايز يكسب - فى الأخر الناس اللى بتدفع
زى ما الحكومة عايزه تخللى البنزين بالسعر العالمى يخلوا العربيات بالسعر العالمى وفرق السعر احط بيه بنزين 10 سنين :)

من الأخر مافيش حاجة ممكن تتوقعها فى البلد دى

اقتباس:

---

المشاركة الأصلية كتبت بواسطة Ahmad Allawy

شوف يا باشا..هو الاكيد انه مش هينزل الانسينيا دلوقتي خالص..
قدامه علي الاقل سنة.. علي ما يخلص الاستوك اللي موجود حاليا..و اللي متفق عليه ييجي من برة..
وخاصة مش بقالها كتير نازلة اوتوماتيك.. يعني معملتش المبيعات المتوقعه ليها..
يعني كمان موضوع سنة ده فيه شك كيبر كمان..///ممكن يكون على ٢٠١٠ ///

والله لو جمعها هنا في مصر بس بسعر كويس..
وده معناه انها تنزل لسعر منافس يعني تبقي في حدود سعر الاسترا الحالي..
و سعر الاسترا الحالي ينزل شوية بقي مش يعلي زي ماهو بيخصل..
انا شايف العربية دي مظلومة بسعرها العالي شوية ده..
اصل اكيد يعني الابيزا اقل منها 200 سي سي بس و اوتوماتيك و كاملة.. و اهي برضه فولكس..
و تتباع ب 107 الف و دي اعلي منها بحوالي 45 الف جنيه..

///بس دي متأفلة في أسبانيا، طبعاً على أعلي مستوى بس طول عمر الالماني في مصر بكون أغلى من أي حاجة تانية، حتى لو كنت خارجة من مجموعة ألماني. وعلى ماعتقد إن الابيزا في مستوى الكورسا + السعة اللترية المنخفضة ///
لو ده حصل و الاسترا سعرها نزل شوية هتبقي ليها فرصة كويسة جدا..

و فوق كل ده هو منصور مش منزل الكورسا الجديدة خالص.. بس لو نزلها للأسف هيمكون سعرها عالي قوي..
لأنها برة تبدأ من مواتير 1200 بس مش عارف اخرها كام.. و فيها كل حاجة.. تقريبا نفس كماليات الاسترا حتي الفتيس الايزي ترونيك..// ممكن ساعتها يلغي الاسترا اللي ١٣٥ ويحط مكانها الكورسا الجديدة بس أكيد الحلو ميكملشي في مصر، وحيشيل شويت حاجات. ///


انا شايف ان سياسة التوكيلات عندنا هنا في مصر محتاجة تتغير شويتين..
يتعلموا شوية من توكيلات العربيات في السعودية ولا الامارات..

---

i'm agree with your point of view ya ahmed but i add some points.

يا رييت ده انا اكون اول واحد يركب الكورسا الجديدة

انا ركبتها في معرض الاهراااااام

خرااااااااااااااااااااااا اااااااااااااافة

عربيه محترمه واكيد هتنجع بس السعر عليه عامل كبير

الي اعرفه انهم اساسا موش قادرين علي الصيانه هيقدرو علي التجميع
الاوبل عربيه تكنولوجيا عاليه جدا

هو فعلا السعر هو اللي هيحدد سوق العربية دي..
لكن لو نزلت بسعر مناسب.. و كل الاوبشنز اللي فيها برة..
هاجيبها بدون تردد طبعا..
عربية تحفة بكل المقاييس..
و خاصة مقياس توفير البنزين في الوقت الحالي.. :)

ليه بس يا باشا مش قادرين علي الصيانة.. الامور مستقرة و في ناس بتعمل صيانة برة التوكيل كمان و زي الفل.. مفيش مشاكل..
واللي عايز اقولهولك ان اي عربية جديدة بتنزل مهما كانت التكنولوجي.. الناس بتاخد عليها تدريب جامد جدا..و في ناس بتطلع تاخد تدريبات في المانيا كمان.. عشان يبقوا معاهم الخبرة الكافية.. و كمان بيبقي معاهم كتالوجات و مانيوالز. فيها كل حاجة و بيبقوا مدربين انهم يشتغلوا علي الكتالوجات دي..
اكيد الموضوع مش سهل للدرجة..

الي حصل ان زميلي كان راح يشتري فعلا وابل الجديده لكن في ناس نصحتوه ان بلاش لان العربيه التكنولوجيا بتاعتها عاليه اوي و الناس في التوكيل موش قادرين علي استيعاب اعطلها

اقتباس:

---

المشاركة الأصلية كتبت بواسطة waleed24ag

الي حصل ان زميلي كان راح يشتري فعلا وابل الجديده لكن في ناس نصحتوه ان بلاش لان العربيه التكنولوجيا بتاعتها عاليه اوي و الناس في التوكيل موش قادرين علي استيعاب اعطلها

---

كل العربيات الجديدة ماشية على نفس السيسم
تعالى كده نشوف ايه التكنولجيا الجديدة
كل العربيات من سنة 2000 ماشية على ستانداردد OBD2 وبعد كده CANBUS
كل الجديد فى الأوبل اللى هو مايعتبرش جديد - Smart Key
Suspension ومش فى الموديلات اللى نازلة مصؤ
هو بس المكانيكية فعلا بيخافوا منها
بس عادى دلوقتى عادى جدا تلاقى مركز صيانة صاحبه كان شغال فى التوكيل و لسه على علاقة بمهندسين فى التوكيل عشان يمدوه بالمعلومات الجديدة

من الأخر دى أوبل مش بى إم فئة سابعة

للاسف لو هنتكلم على التوكيلات فى مصر عموما فاكلة ماشى بالبركة وفهلوة العامل المصرى لا فى حاجة اسمها كتالوجات ولا الكلام الفاضى دة ولا بيعترفو بيها , مادام جيت عند الفك والتركيب هتشوف اللى عمرك ماشوفتة فى حياتك ولا هتشوفة فى اى مكان محترم برة للأسف العامل المصرى فاكر نفسى ازكى من اللى عمل الحاجة دى ولازم يشتغل بدماغة هو ولما تكلمة يحسسك انة اييييية زويل قاعد ادامك...انا بحكم شغلى باشوف العجب مع العلم انة مجال مفيهوش فتى ولا فهلوة وانت بتتكلم على اعلى تكنولوجيا ممكن تشوفها مش عربيات ايان كان نوعها اية.
فى عربيات اتقفلت فى مصر مطلعش فيها مشاكل ؟؟!!! ودة اية احنا اخرنا بتجيلنا العربية فى كراتين واحنا بنركبها شغل ميكانو يعنى لا بنصنع ولا حاجة والحمد للة اننا مش بنصنع واللا كنا هنشوف مسرحيات وبلاوى.
وعلى فكرة مهندسين التوكيل مش عباقرة ولا حاجة اغلبهم حافظ مش فاهم -طبعا مش كلهم فيهم اللى فاهمين وفاهمين كويس اوى بس كام واحد؟؟!! - لو اتكلمت معاة فى حتة فنية وزنقت علية شوية ممكن ميعرفش يرد عليك
انا حصللى موقفين فى توكيل اوبل بما ان احنا هنا فى اوبل:
الاول: فى منصور اللى فى رابعة عربية استراالكروت الصفرا بتاعتها طالعة (الحساس اللى عند حزام الامان علشان لو الشاسية مخبوط) مفيش حد عارف دة اية ولا بتاع اية سواء فنيين او مهندسين تقريبا كان التوكيل كلة بيتفرج عليها ومستغربين مع العلم انا جيبلهم اوبل مش نوع تانى وبقولهم اية دة..واحد بيشرحلهم الموضوع بيقولولوا ايية دة!!هو دة موجود فى الاوبل اصلا!!! معرفهاش غير فنى فى اتوماستر بعد ما توكيل رابعة كلة وقف امامها
التانى: مهندس فى اوتوماستر مش عارف العربية الفيكترا الكامة الواحدة (الموتور العادى) كاربراتير وللا انجيكشن؟!!!!!!!! لو افترضنا انة ميعرفش اية معنا كود المحرك واللى تقدر تعرف منة ماهو شغال هناك وكل يوم بدل العربية 10 مفتوحين امامة

طبعا الحاجات دى مش هتلاقيها فى اوبل بس انت لو روحت اى توكيل لأى ماركة هتلاقى بلاوى

اقتباس:

---

المشاركة الأصلية كتبت بواسطة NoNaMe

(الحساس اللى عند حزام الامان علشان لو الشاسية مخبوط)

---

مش شرط علي فكرة يكون الشاسيه مخبوط..
انا عربيتي اشتريتها و كان فيها واحد طالع و الشاسيه بتاعها زي الفل.. و كشفت عليه في التوكيل و قالولي الشاسيه تمام..
ماتلمسش.. فبريكة تماما..
ما علينا..
هو الظاهر انك انت حظك طلع مع اكتر من مثال سيء بس..
انا والحمد لله لما سألت عليها في التوكيل البتاعة دي قالولي عليها و كمان مكانش مهندس كان فني..
و قالي علي البيستون بتاعها كمان.. و قالي مش هتلاقيه جديد و ممكن استيراد و ممكن ميكونش شغال وانت متعرفش..

مش موضوعنا بس يعني في ناس كتير قوي فاهمة.. وانا عن نفسي والحمد لله اللي شوفتهم فاهمين اكتر من اللي بيفتي بصراحة..

انا مش قولت كلة مش فاهم بس اللى فاهم دة كام واحد من الكل؟؟
فى منهم حافظ الحاجة اللى قدامة زى ماهيا لو جتلوا يمين ولا شمال هيعطل

بس علي فكرة في برضه امثلة قدامي.. بس اكيد نسبة قليلة..
من كتر ما اتعود انه يمشي علي نظام معين.. حتي في اللبس و النضافة و الكتالوج و التقفيل
وكل حاجة.. بيبقي ده خلاص طبيعي عنده.. و بيتطبع علي كده..

بص ياحمد انا مهندس ميكانيكا وشغال فى مجال الطيران مهندس طيران يعنى...عايز تكنولوجيا اعلى من الموجودة فى الطيران؟؟!!! والطيارة بيبقى جاى معاها manuals شارح فيها الصانع كل حاجة لحد اصغر مسمار موجود على الطيارة بطريقة فكة وتركيبة والخطوات اللازمة مش سايبلك حاجة انك ممكن تفتكس فيها استحالة..تعالى بقا شوف الفنى المصرى وهو واقف بيفك قطعة او يركبها وصباح الافتكاسات والفهلوة اللى بيعملوها!!!!!

هههههههههههههههههه
اكيد طبعا.. الله يكون في عونك يا باشا عليهم..
لازم تبقي عينك في وسط راسم معاهم و تدقق وراهم علي كل مسمار طبعا..

واجدع سلام و تحية لمهندسين الطيران.. يعني الفضاء الفسيح.. :) و السما الواسعة..

هو حيجمع الشكل بتاع موديل 2002 و لا ايه
؟؟؟؟؟؟؟؟؟؟؟؟؟؟؟؟؟؟؟
لان هي ديه الصورة
لو كده حيكتسح
خصوصا انه حصل قبل كده على احسن مصنع ينتج اوبل فكترا على مستوى العالم

اقتباس:

---

المشاركة الأصلية كتبت بواسطة Ahmad Allawy

هههههههههههههههههه
اكيد طبعا.. الله يكون في عونك يا باشا عليهم..
لازم تبقي عينك في وسط راسم معاهم و تدقق وراهم علي كل مسمار طبعا..

واجدع سلام و تحية لمهندسين الطيران.. يعني الفضاء الفسيح.. :) و السما الواسعة..

---

loool ربنا يخليك ياباشا :) اذا كان دة اللى بيحصل فى الطيارة اللى شايلة ارواح ناس تخيل بقى العربيات :):):)
انا شايفك كاتب مهندس احمد..انت مهندس اية؟ ومحمد كمان؟.

انا مهندس كومبيوتر القاهرة 2005
و محمد كومبيوتر برضه بس مش فاكر فين و دفعه كام..
وسعاتك بقي؟؟


اه بالمناسبة.. محمد محتار برضه كومبيوتر القاهرة 2007

انا ميكانيكا باور 2007

طالما قولت باور و طيران..
يبقي انا بارجح انك تكون المطرية..
صح ولا تهيؤات..؟؟
انت جيبت في دماغي فكرة حلوة... هاعمل موضوع للحاجات دي..
ابقي تابعه بقي علي منتدي اوبل برة..
اوك؟
نكمل هناك عشان نبقي كلنا عارفين بعض بالاسم و التفاصيل..

loool وترجيحك مظبوط :):) بس هيا اية هندسة المطرية trade mark فى باور وطيران ولا اية :):):)

طبعا يا باشا.. باور..ماركة مسجلة المطرية.. بس طيران بصراحة مش متأكد..
اكيد احسن ميكانيكا باور في مصر..

أوبل فيكترا الألمانية تعيش أخر شهور لها فى مصر .....
--------
فى انتظار البديل انسينيا