عرض للطباعة
عربيتي لانوس 2001 مفيش مشاكل في تدوير العربية الصبح وهي باردة خالص بتدور من اول تدويرة للمفتاح اما لما بتكون العربية سخنة بعد مشوار طويل مثلا مش بتدور من اول مرة بعد مرة او مرتين او اعلق ايدي علي المفتاح شوية لحد لما تدور
انا كنت فاكر دة عيب مارش او بطارية لكن قريت موضوع في المنتدي غير فكرتي خالص وحولها ناحية الرشاشات زى ما قريت
يا تري دة عيب اية وهل لو رشاشات يبقي لازم تتغير ولا ممكن تتنضف بس؟؟
وشكرا جزيلا
أولا مشكلة المارش دى لو أنت سامع صوت المارش زى ماهو ولفاته سريعه يعنى مش بيعمل تكه ومايكملش لفات يبقى المشكلة مش من المارش ..اقتباس:
المشاركة الأصلية كتبت بواسطة zizotito85
ثانيا عيب الرشاشات وتأخيرها فى الدواره ممكن يظهر معاك فى أى وقت وكمان الصبح لكن لية أعراض تانية لازم تكون لاحظتها .....أولا لو العربية أتأخرت فى الدواره أول ماتدور هتبقى زى ماتكون متلتة وفية برجلة ومش مظبوطة وبعدين شوية وتظبط .....فية دخنة وريحه عادم من الشكمان .....وأخيرا إستهلاك البنزين بيكون عالى ...هل عندك الأعراض دى
وياريت تراجع البوجيهات وسلوكها أولا ...
ممكن تكون البوبينه
المشكلة بتظهر اي وقت في اليوم بشرط تكون العربية سخنة بعد مشوار ولا تظهر ابدا والعربية باردةاقتباس:
المشاركة الأصلية كتبت بواسطة semsem_saad
بالنسبة لاستهلاك البنزين في المعقول حوالين 200 كيلو في الصفيحة تزيد خارج البلد وتقل جوة البلد
بالنسبة للريحة والعادم لا يوجد
باشكرك علي الرد بس ياريت تقولي مكانها فين وايه وظيفتها؟؟اقتباس:
المشاركة الأصلية كتبت بواسطة bleeder
المشكلة دى كانت عندى .... وطلع المشكلة من البطارية
البوبينه هاتلاقيها فى الجانب الايمن من الماكينة فوق .... اللى خارج منها سلوك البوجيهات
أولا أحب أضيف لو البطارية فيها مشكلة هتبان معاك وخصوصا الصبح ولو شغلت الأنوار والعربية مش دايرة والكلاس مثلا هتلاقى فية ضعف عام فى كهربة العربية ....وبعدين لو بتدور المارش كويس ( سريع اللفات يبقى مافيش مشكلة ) وممكن كمان تقيسها بسهولة عند أى كهربائى وشحن الدينامو بالمرةاقتباس:
المشاركة الأصلية كتبت بواسطة vantroy
ثانيا ممكن تكون المشكلة فعلا من البوبينه زى ماقال الأخ vantroy ومكانها هتعرفة لأن خارج منها سلوك البوجيهات ودول أعلى صاجة الفرن فى مقدمة الموتور ونقدر نحكم على البوبينة بالتجربة أزارى
- هتدور العربية وتجيب حاجة عازلة تمسك بيها سلك البوجيهات من أسفل أعلى الجزء المعدنى فية
- هتشيل السلك من البوجيه والعربية دايره هيحصل برجة فى الموتور (هيرعش ) بس تخلى مقدمة السلك الجزء الألمونيوم قريب من رأس البوجية بحوالى 3 سم هتلاقى فية شرارة طالعة من الرأس المعدن دى للبوجية وواضحة جدا ...لازم تكون قوية وهتسمع صوت ( تكتكه جامدة ) هتركب السلك تانى عادى العربية هترجع تظبط ومافيش برجلة
- هتعيد الخطوة دى على الثلاث بوجيهات مع مرعاة وجود نفس المسافة لما تحل السلك بينة وبين البوجيه فى وقت تجربة الشرارة .....
ولو الكهرباء ( الشرارة )إلى خارجة للأربع بوجيهات زى بعض ومش ضعيفة يبقى مافيش مشكلة فى البوبينة والعيب عيبة تانى ممكن يكون أى أحتمال زى ماقولنا
دى مشكلة رشاشات
لو كانت مشكلة بطارية او مارش مكانتش العربية تدور عادى الصبح
عايز تتاكد... لما تيجى تدور و العربية سخنة و متوقع انها تغيب... دور و انت كابس دواسة البنزين للاخر,,, لو دارت اسرع من المتوقع يبقى دى رشاشات بدون شك
الرشاشات اللى فيها مشكلة تسييل لازم تتغير لان مش بينفع معاها تغيير
MMamdouh
بس مش المفروض يا أستاذ محمد ان موضوع دواسة البنزين أثناء الدوارة ده مش بيأثر لأن على حسب معلوماتى المتواضعة ان الدايو انجكشن مش كاربرتيراقتباس:
المشاركة الأصلية كتبت بواسطة mmamdouh
تحياتى
هو بيفرق فى حالة التسييل فقط لان تسييل الرشاشات بيسبب زيادة كبيرة فى كمية البنزين اللى فى منافولد السحب و دى نفس حالة العربيات الكربراتير لما تبقى شرقانة لان تعريف الشرقان هو زيادة كمية البنزين عن الهواء فى منافولد السحب
كل الفرق ان فى العربيات الكربراتير انت ممكن تخلليها تشرق بانك تكارك بنزين كتير و هى مش دايرة... فى الانجكشن مستحيل تقدر تعمل كدة بنفسك الا ان حالة الشرقان ممكن تحصل لو الرشاشات بتسيل
MMamdouh
طيب يا ريت يا باشمهندس تشرحلنا سبب تاخير الدوارة في العربية وهي سخنة ولية مش بتتاخر وهي باردة واية علاقة الرشاشات بهذا الامراقتباس:
المشاركة الأصلية كتبت بواسطة mmamdouh
اقصد يعني اية اللي بيحصل ميخليهاش تدور وهي سخنة والعكس
واسف علي الاطالة
هو فى الحالتين الرشاشات بتسيل و تملا المنافولد... بس لما تسيب العربية مبطلة مدة طويلة بيبقى فيه وقت كبير عشان البنزين يتبخر و يختفى اثارة و بالتالى العربية مش بتغيب فى الدوارة... لكن لو بطلت و دورت بعد نص ساعة هيكون البنزين لسة موجود و يسبب غياب الدوارة
MMamdouh
كأن العربية شرقانة و بتطلع هباباقتباس:
المشاركة الأصلية كتبت بواسطة mmamdouh
و الله أعلم
في رعاية الله
بس يا باشمهندس مفيش من اعراض تلف الرشاشات غير العيب ده؟
يعني مثلا ممكن يكون في اية تاني من اعراض ممكن الاحظها ؟؟
البوجيهات هتلاقيها مهببة و سودة بعد فترة استخدام قليلة... 5000 كيلو مثلا
برجلة فى السلانسية
ريحة العادم فيها بنزين غير كامل الاحتراق (بنزين نى) بس دة لو معندكش علبة بيئة
MMamdouh
هل بيكون في مشاكل في السحب مثلا او استهلاك زيادة في البنزين؟اقتباس:
المشاركة الأصلية كتبت بواسطة mmamdouh
وياريت لو عند حضرتك صورة للرشاشات وفكرة عملهم اية
السحب بيبقى اقل نتيجة عدم انتظام كمية البنزين اللى بتروح للبساتم اضافة الى تكون ترسبات فى ةقت قصير على البوجيهات
و بيبقى فيه اسهلاك ذائد لسببين اولهم عدم كفائة البوجيهات فى حرق البنزين نتيجة الترسبات اللى بتتكون اضافة الى فقد كمية من البنزين كل ما تبطل العربية نتيجة عدم احكام الرشاشات
MMamdouh
الله ينور يا باشا على التوضيح الوافياقتباس:
المشاركة الأصلية كتبت بواسطة mmamdouh
بس انا لو متعايش مع الوضع كده ومش ماثر علي كتير ينفع ناجل تغييرها لحد لما الميزانية تسمح
ممكن... طالما قادر تتعايش مع الاداء و الاستهلاك فى الوقت الحالى و ضامن المارش بتاعك
MMamdouh