السلام عليكم اولا وبشكر فعلا العضو HOSSAM99 الساعدنى جدا لما عملت الموضوع بتاع الفوجات ودة لينك الموضوع
http://www.nilemotors.net/Nile/242639-a.html

وبشكر حبيبى ahmed_mido1889 عشان تعب معايا جدا فى القاهرة ونزلنا مع بعض نجيب الفوجات و دراع النور وودانى لكهربائي فعلا شاطر جدا وتم الحمد لله تركيب الفوجات والنتيجة مرضية جدا الحمد لله

اولا الاسعار

فوجين بالضفيرة بالمفتاح بتاعهم ب 375 ج مع ان سعرهم هم هم فى اسكندرية ب250 ج وبعد كلام كتير مع البياع اخدناهم ب280

اشتريت دراع نور جديد فابريكة البينزل فى العربية الالنترا الهاى لاين عمل 160 ج

تم تغييير لمبات الفوج من 27 وات للمبات 55 وات وسعرهم 80 ج

تم التركيب عند كهربائي دماغ انا الاول قولت مجنون بس بصراحة شغل فوق الممتاز وبصراحة محدش يصدق انهم متركبين برة التوكيل

تم تركيب دويلات بلمبات تابلوه ونورهم حكاية بصؤاحة ودول الركبهم الكهربائى انا اشتريت لمبتين تابلوه بدون كعب ب5 ج والعملية زى الفل

اسيبكم مع الصور بقى

شكل الفوجات على العربية


ودة نورهم بالليل







ودة دراع النور الجديد بدل ما اركب زرار فوجات فى التابلوه


ودة منظر العواكس بعد تركيب الدويلات واللمبات










لسة بقى تركيب الدى فى دى وكاميرا الركن بس المشكلة فى الاسعار لان فى شارع دمشق ب3500 وفى اسكندرية ب2400 ج ومش عارف ضمانهم ايه لكن ناوى ان شاء الله اجيب حاجة معقوله متكونش سعرها عالى اوى