عندي شباك المطبخ والحمام مفتوحين على منور والمنور ده مليااااااااان فران باحجام مختلفة وانا خايف يهجمو علينا العملية مش ناقصة قرف
بيحاول يدخلو بكل الطرق لكن فشلو لحد ما أكلو ريش الشفاط اللي بره ودخلو منها بس الحمد لله الشفاط عليه شبكه من قدام
اكلو الخيط اللي بيتشد وقطعوه وبيكلو دلوقتي في الشبكة اللي قدام
بحث عن النت اشوفلهم داهية تاخدهم لقيت واحد بيقول اطحن قرصين اسبرين وحطهم على اي اكل وهم هيموتو !
مكدبتش خبر وعملت وحسيت ان صحتهم اتحسنت اكتر :tumb:
قلت والله مانا ساكت جبتلهم سم فران لونه اسود من بتاع المبيدات ورشيت على قطع طماطم وملليتلهم المنور
اكلو الطماطم بالسم وقلت بالسلامة
لكن اتفاجئت انهم لسه زي ماهما والظاهر كده انا بعلف فران
جبت سلك من عند بتاع حدايد ونزلت انهارده واتشعلقت ومسمرت السلك من بره في الشفاط وقلت هأو ابقو قابلوني !!
اتفاجئت دلوقتي ان في فار جوه الشفاط وحاسس انه بيقولي روح العب ياض:dontudear:
مش عارف ده بقى انا قفلت عليه ولا هوه دخل بس هيدخل منين ؟!! دانا ممسمر ولا 20 مسمار
مفيش حل يقضى على القرف ده