ونسيت اني امرأة ... لا لا لا معرفة الرجال كنوز

**magyver** · 17-09-2011 06:44 AM

انا عايز اعرف اسم المنتدي دة ايييييييييييييييييييييية

**husseinsalah** · 17-09-2011 07:12 AM

المشاركة الأصلية كتبت بواسطة mostafa3000

بصراحة انا بعاني من المنتديات النسائية دي مع المدام
كل لما الاقيها عاملة اكلة شكلها غريب اعرف انها جابتها من المنتديات دي
وكان الحل الوحيد فصل النت عن كمبيوتر البيت

تمااااااااااااام ياما كنت (رجل تجارب ) فى الاكلات الغريبة والعجيبة من المنتدى دة وهو فعلا مشهوووور جدا واللى يفقع مرارتى بقى هى الحاجات اللى بتطلبها منى لزوم الاكلة الفلانية ، اسامى حاجات غريبة وعجيبة ببقى بقدم رجل واخر رجل وانا رايح اشتريها من العطار وخايف لايجرى ورايا بحاجة ليكون فاكرنى بشتمة او بستهزأ بية

**MOUSTAFA_SAAD** · 17-09-2011 07:29 AM

المشاركة الأصلية كتبت بواسطة icehearted girl

سلم فاك

مش فاهم
ممكن الترجمه

**A.Saad** · 17-09-2011 08:47 AM

على فكرة اللى يستاهل الغلق
الموضوع ده
ونقل الكلام اللى مكتوب هناك ما يصحش
منتدانا اكبر من كدة
مش هقول غير كدة

**shaddadfalcon1** · 17-09-2011 10:33 AM

المشاركة الأصلية كتبت بواسطة moustafa_saad

مش فاهم
ممكن الترجمه

يعني حاجه كويسه
زي كفيت ووفيت
زي يسلم بقك او حاجه كده

**shaddadfalcon1** · 17-09-2011 10:35 AM

المشاركة الأصلية كتبت بواسطة icehearted girl

ياه...من بصة واحدة قرأت كل دا؟؟

علي فكرة دي مشاكل حزء من مجتمعنا...مش جزء من المنتدي دا

لا هي بصات كتيير الصراحه لاني كنت بدخل علي قسم الموضه والحاجات دي عشان اشوف لو في لبس مناسب اعرف اجيبه لمراتي واتصدمت لما الاقي موضوع عن ملابس محجبات او منتقبال والاقي كله بناطيل وبديهات ولبس ضيق والمفروض انه خروج يعني

**nicegypt** · 17-09-2011 11:14 AM

المشاركة الأصلية كتبت بواسطة karim_monir

الحمد لله على نعمة العقل :-)
الشركة اللي بتعمل مونيتور وسيكورتي للمنتدي ودي تقريبا من اكبر الشركات في مصر العاملة في المجالة ده
بتعمل مونيتور ليهم
ولما بكون قاعد هناك بنناقش تطوير المنتدى عرفوني متوسط دخل الموقع ده
انا كان هايجلي اغماء تقريبا من الرقم اللي سمعته
دخل يومي مش شهري
حمدت ربنا اني بقيت اقدر الم مصاريف المنتدى وادخر شوية للتطوير وكفي بها نعمة :-)
نيييييييههههههههههههههههه ه
عايز اقولكم انا ببساطة ممكن اكسب زيهم بس مش هايبقي نايل موتورز
هايبقي سوق سيارات العاشر
تجار على بياعين سريحة على مضاربين على اجنسات عربيات على مندوبين مبيعات وتامين ومندوبين بنوك وتقسيط ومعارض مستعمل وجديد وتاجير
وخد عندك بقي حمادة كاربتير وعيد بنطة ومجدي خابور(بتاع كاوتش)
الخ الخ من اللي بنحذفهم ونوقفهم كل يوم
الا ان للحرية ثمن غالي :-)

بس ابيع برضه يا باشا دي الالالافات :-)

ههههههههه اجمل نظرية :)

**nonetta** · 17-09-2011 12:35 PM

المشاركة الأصلية كتبت بواسطة husseinsalah

تمااااااااااااام ياما كنت (رجل تجارب ) فى الاكلات الغريبة والعجيبة من المنتدى دة وهو فعلا مشهوووور جدا واللى يفقع مرارتى بقى هى الحاجات اللى بتطلبها منى لزوم الاكلة الفلانية ، اسامى حاجات غريبة وعجيبة ببقى بقدم رجل واخر رجل وانا رايح اشتريها من العطار وخايف لايجرى ورايا بحاجة ليكون فاكرنى بشتمة او بستهزأ بية

لا اسمحلي
الحاجات الغريبة دي بقت موجودة في كل برامج الاكل عالفضائيات وعلى فتافيت مش على المنتدى دة
الحق يتقال قسم الطبخ والتجارب المنزلية بيعجبني خاصة لما بيحطوا الحاجات بالصور
وكمان تجارب الشعر والبشرة والريجيم كل الحاجات دي كويس
المشكلة في بعض الموضوعات الهايفة وقسم النكت وفي بنات صغيرة في اعدادي بتشارك فتخيل ممكن تكون الموضوعات عاملة ازاي
دة ما يمنعش ان في بنات محترمة جدا واراءها بردو محترمة ما ينفعش التعميم زي ما في بنات شتمت عالمنتدى هنا في غيرهم قالوا عندهم حق انتم فعلا مبالغ فيكم والمفروض نقلل من تكتير الصفحات بدون داعي

**nicegypt** · 17-09-2011 12:45 PM

بلاش الكوبي يا جماعة .. علشان الامور متتفهمش بشكل عكسى وخطأ
وزى ما الاستاذة دونزي قالت فيما معناة بشكل مختصر

كل منتدي وفية اقسام جيدة مستفاد منها .. وفيها باردو اقسام للترفية قد تكون غير مفيدة
وكل منتدى ولة نظام ولة طابع ف اعضاءة ..
ولولا اختلاف الازواق ..... الخ
قد يعجبك موضوع يشد انتباهك .. قد لا يعجبنى انا .. رغم اعجابك الشديد بة .

تم حذف الموضوع بناء على طلب العضوة وتم إرجاعة أيضا بناء على طلبها
م ع 5