-
عندى مشكله فى الرخصه
انا عندى مشكله فى الرخصه
المشكله ان انا من مواليد الشرقيه و غيرت محل اقامه على عنوان خالتى
فى القليوبيه و رحت اعمل الرخصه و امتحنت و نجحت و دفعت الفلوس و خلصت كل حاجه و كان
المفروض اتصور و استلم الرخصه لكن كانت المفاجأه
طلبوا منى وصل كهرباء بالعنوان اللى فى البطاقه يكون باسمى او اسم والدى
دخلت للمقدم و شرحتله الموضوع و ان انا مينفعش اجيب وصل كهرباء
علشان انا مغير الاقامه على عنوان خالتى قالى دى مش مشكلتى
و لحد دلوقتى مش عارف استلم الرخصه
اعمل ايييييييييييييييييييييييي ه ؟؟؟؟؟؟
و فى سؤال تانى لما الحكومه مش مقتنعه بالعنوان اللى فى البطاقه بتعمل للناس بطاقات ليه ؟
-
مفيش اى حد يعرف ايه الحل no comment
-
بما ان مفيش ردود يبقى المشكله ملهاش حل
علشان كده ياريت الاداره تحذف الموضوع
-
هو انت معاك بطاقة رقم قومى و لا لأ
والعنوان فيها ايه
لومعاك رقم قومى يبقى مالوش لزوم وصل النور
-
اولا شكرا جدا لردك
ثانيا معايا بطاقه رقم قومى
و العنوان اللى فيها تابع للمرور اللى انا روحتها
و رغم كده برده عاوز وصل كهرباء
-
شوفلك واسطه بقى , لان الضابط كده بيتلكك
انا آسف انى بقول لك كدة بس هو ده الوضع
-
و اللى معندوش واسطه يعمل ايه ؟؟؟؟؟؟
للاسف كنت اقدر امشى الموضوع بالفلوس من الاول
لكن حبيت احترم مصر و طلعت مش محترمه
-
يا باشا معنى أنى محدش رد دة معناة أننا مش عارفين لكن محدش مطنشك ولا حاجة وأصبر شوية ممكن تلاقى حد يفيدك
-
واضح ان حضرتك مش فاهم كلامى كويس
انا قولت بما ان مفيش حد رد يبقى مفيش حل للمشكله
انا اقصد ان لو كان فى حل للمشكله كان اكيد فى حد هيرد
علشان انا متاكد ان لو فى حد يعرف حل مش هيبخل بالرد
انا عضو قدييييم فى المنتدى لكن بقالى فتره مش بشارك
لكن بتابع بس و عارف يعنى ايه اعضاء منتدى نايل موتورز
و عارف ان اى حد فيهم يقدر يحل المشكله هيحلها بنفسه مش
هيكتفى بكتابه رد
-
على فكرة مفيش حاجة اسمها عايز وصل نور دا بيتلكك......و لو كان الموضوع كدا يبقى اللى عايز يطلع رخصة لازم يكون عندو شقة باسمه او باسم والده؟؟؟ طب لو باسم والدته يعمل ايه دا اى كلام...روح اشتكى عند مديره او ادفع فلوس للموظفين وريح دماغك
-
انا بعت شكوى للاداره العامه للمرور من على النت
انا عارف انها ممكن متحلش المشكله
لكن يمكن يكون حصل معجزه فى مصر و يكون فى جهات
بتنظر فى الشكاوى
Content Relevant URLs by
vBSEO 3.6.0 PL2