بطاريه للانسر

**fara** · 13-05-2008 08:07 PM

السلام عليكم

معايا لانسر 2008 الشكل القديم عامله 8000كم وحصل من كام يوم ان البطاريه نامت ومبتدورش الا ببطاريه خارجيه
ممكن حد يفيدنى هل ممكن تغيير البطاريه في التوكيل تبع الضمان؟

**اسلام المصرى** · 13-05-2008 08:58 PM

بسم الله الرحمن الرحيم
الأخ العزيز fara ربنا يباركلك فى عربيتك و يعطيك خيرها و يبعد عنك شرها. عى ظهر شهادة الضمان مكتوب: بنود و أصناف لا يشملها الضمان: البطارية (مدة الضمان الخاص بها سنة و احدة أو 20 ألف كم أيهما ينقضى أولا. أعتقد كده من حقك أنك تغيرها فى الضمان. أنتظر برده رد الأخ العزيز المهندس مصراوى جدا "أستشارى منتدى ميتسوبيشى" و هو هيقول لحضرتك على الخلاصة.
قدر الله و ما شاء فعل.

**fara** · 14-05-2008 09:37 AM

شكرا لأهتما مك

**مصراوي جدا** · 14-05-2008 11:06 AM

أستاذ fara أهلا بيك ومبروك العربية

زي ما اخونا الاستاذ اسلام المصري وضح لحضرتك

ان شروط الضمان للبطارية :

1- ان العربية تكون مصري يعني ضمان مصرية

2- ان ضمانها 20 ألف او سنة ودي ينطبق على حالة حضرتك

3- انك تكون عملت صيانة الألف الأولى في مركز خدمة معتمد

باذن الله لو الشروط الثلاثة متحققة يبقى حضرتك تجيب العربية مركز الخدمة الرئيسي او مركز جسر السويس للكشف على العربية والتأكد من دايرة الكهرباء والتأكد ان مفيش مشكلة ممكن تأثر على البطارية الجديدة ، وسيتم تغيير البطارية بأخرى جديدة في الضمان

مع الشكر

**fara** · 18-05-2008 01:31 PM

شكرا لأهتمامكم فعلا تم تغير البطاريه في الضمان
ممكن اعرف حتي يتم الأحتفاظ بالضمان ما هو next service due بعد10000
هل تغير الزيت والفلتر خارج التوكيل يلغى الضمان
وشكرا علي الرد

**مصراوي جدا** · 18-05-2008 01:43 PM

هو الصيانات الدورية كل 10 آلاف كيلو متر يعني القادمة عند 20 ثم 30 وهكذا ولازم للمحافظة على الضمان عمل الصيانات الدورية دي في مركز خدمة معتمد

لو حضرتك حطيت زيت موبيل وان (وده اللي بننصح به) يبقى مش هتحتاج تغير زيت وفلتر الا مع كل صيانة لأنه بيقعد 10 آلاف كيلو

انما لو حطيت زيت XHP يبقى مفيش مشكلة لو غيرت زيت وفلتر في اي مكان انما يا ريت تكون حريص انك تجيب فلتر زيت اصلي من احد مراكز الخدمة او بيع قطع الغيار المعتمدة لأن المضروب في السوق كتير ، وفي الحالة دي يبقى الضمان ساري طالما الصيانة القادمة (صيانة العشرين) هتتعمل في مركز خدمة معتمد