زيت الفتبس وكثافتة

**smousalim** · 16-09-2011 04:45 AM

السلام عليكم
عندى مشكلة حصلت فى اىلعربية من حوالى اسبوع لقيت تسريب زيت بسيط داخل العربية عند الفتيس وروحت لواحد اللة يسامحة قالى دة فايظ زيت الفتيس ماتقلقش روحت البيت مسافة 70 كم لقيت العربية بتججيب زيت بشكل بشع ومنشعة من تحت جامد روحت لواحد تانى قالى عقربة الفتيس مبوشة وعاوزة تتغير ونزلت جبتها استيراد من الحرفيين ب 150 جنية وركبت وتمام التمام وزود زيت الفتيس 3 لتر كثافة 140 بس لاحظت ان العربية سحبها قل شوية خصوصا لما اشغل المكيف هل للزيت وكثافتة تأثير واية هو زيت الفتيس بتاع الانوس نوع وكثافة وجزاكم اللة خير

**smousalim** · 16-09-2011 04:46 AM

اة نسيت قول العربية لانوس 2001

**MMamdouh** · 16-09-2011 03:01 PM

3 لتر 140؟؟؟؟؟؟؟؟؟؟؟؟؟؟؟؟؟؟؟؟؟؟

اسمحلى اقولك انك روحت لواحد اقل ما يقال عنة انه حمار... فتيس اللانوس بياخد 1.8 لتر زيت فقط و بياخد زيت 90

كدة الزيت زيادة جدا و حيضرب من اويل سيل العقربة و من ناحية حساس السرعة... و كمان النقلات هتبقى تقيلة جدا خصوصا و العربية باردة... و لو دخلت على الشتا بالوضع دة مش هتعرف تنقل اساسا الا لما الموتور يسخن جامد

روح نزل الزيت دة و حط 1.8 لتر زيت 90

MMamdouh

**smousalim** · 18-09-2011 02:32 AM

[QUOTE=MMamdouh;3873802294]3 لتر 140؟؟؟؟؟؟؟؟؟؟؟؟؟؟؟؟؟؟؟؟؟؟

اسمحلى اقولك انك روحت لواحد اقل ما يقال عنة انه حمار... فتيس اللانوس بياخد 1.8 لتر زيت فقط و بياخد زيت 90

كدة الزيت زيادة جدا و حيضرب من اويل سيل العقربة و من ناحية حساس السرعة... و كمان النقلات هتبقى تقيلة جدا خصوصا و العربية باردة... و لو دخلت على الشتا بالوضع دة مش هتعرف تنقل اساسا الا لما الموتور يسخن جامد

روح نزل الزيت دة و حط 1.8 لتر زيت 90

ياباشا كل اللى انت بتقولة حصل وزيادة علية كمان المشكلة الكبيرة ياسيدى الفاضل اناحنا بنتعامل مع شوية ناس اقل مايقال عنهم انهم بهايم انا اتعاملت مع اتنين والأثنين المفروض انهم بيفهموا الأول خلانى اشترى عقربة ب 150 جنية مع انه كان يقدر يغير الأولسية بتاعت الأولى ب 5 ج وطبعا اكتشفت دة بعدين وبعديتن مش كفاية كدة لا حط لى زيت 140 بدل 90 وطبعا العربية كانت تقيلة والسحب ضعيف وقلت اتدارك الموقف وروحت للأخ التانى اللة يسامحة وطلب منى اجيب زيت 4 لتر زيت 90 قلت لة كتير العربية بتاخد 1.8 لتر فقط لايمكن اقدر اقنعة لدرجة انى انا ذات نفسي اقتنعت المهم جبت لة 4 لتر غسل مكان الزيت القديم بواحد وحط ثلاثة اخدت العربية منة ووقفت فى البنزينة واذا بى افاجأالزيت ورا العربية عامل خط وفتحت الكبوت لقيت الدنيا غرقانة زيت من المكان اللى بتزود منة فى فايظ بيطرد الزيادة اتصلت بية قالى هاتها يعمل اية سد الكان دة بسيلكون جربت العربية جابت زيت من صباع الكيلومتر اشتريت واحد وغير جاب من اولسيىة العقربة المهم انة مش راضى يقتنع مش عارف اعمل اية طبعا انت هاتقولى انى غلطان هاقولك المفروض انى رايح لواحد بيفهم ماهو انا مش ميكانيكى واول مرة احتك احتكاك مباشر مع العالم دية واللى اكتشفتة ان معظمهم بيجرب انا مش عارف اعمل اية انصحنى علشان انا دمى محروق بشكل لا تتخيلة

**MMamdouh** · 18-09-2011 03:34 AM

طبعا اول حاجة تعلم على الجوز دول و متروحش عندهم تانى... و يفضل تكتب بياناتهم عشان محدش منا يروح عندهم

تانى حاجة توضح انت ساكن فين عشان الزملاء يدلوك على ميكانيكى دايو محترم و فاهم و امين

تالت حاجة تعمل الحاجات اللى قولتلك عليها فى المداخلة السابقة بالذات موضوع مستوى الزيت

MMamdouh