ايه افضل حل للابادة النهائية للصراصير ؟

**abou_sama** · 18-09-2011 04:09 PM

والماده دى بتستخدم ازاى

**أبومعاذ** · 18-09-2011 09:07 PM

متابع

**ahmedsamir5edr** · 18-09-2011 09:19 PM

منتظر النتيجه بشده

**Mahmode** · 19-09-2011 08:31 PM

هوا النتيجة لسا مظهرتش؟ متلعبوش بأعصبنا ياخونا.

**Mangog** · 20-09-2011 01:25 AM

مادة السليتون اوصى بيها الاخ alrabeh بعد طلبى لحاجة تبيد الصراصير نهائيا وانا كنت باستخدم الرش العادى "راجون" بس ضعيف قوى

روحت اشترى السليتون وهو مركب مخصص لعلاج دودة البطاطس وخلى بالك كويس ان الهدف مش مكافحة دودة البطاطس عشان متشتريش بديل ... لان البياعين بتوع المبيدات لما مبيكونش عندهم حاجة بيقترحوا عليك حاجة تانية ... لكن عرفه انك عايز سليتون عشان الصراصير .. وانا جيبت تركيز 72% فى عبوة ربع لتر وبسعر 30 جنيه

بعد ماتشترى الازازة وتفتح الغطا عشان الاستخدام متشيلش البرشام اللى عليها عشان المادة دى سامة واعمل ثقب فى البرشام بابرة و تخلص من الابرة بعدها

السليتون مادة سامة وضارة جدا بالانسان لذلك لازم تكون حريص جدا وانت بتستخدمها والحرص بيبدأ من بعد فتح العلبة وعمل ثقب صغير

استخدام المادة بعد كده سهل لكن المهم تبقى لابس حاجة فى ايدك و يفضل لو تلبس نظارة و كمامة

الشائع فى استخدام السليتون هو الرش وده اسوا طريقة لان المادة سامة وحتى لما بتخففها عشان الرش بتبقى سامة و تطايرها هيبقى مؤذى

الحل اللى انا توصلت له هو استخدام السليتون كاضافة بسيطة مباشرة للبلاعات على المصفة الحديد اللى على البلاعة بحيث انه مينزلش مع المجارى اهم حاجة تبعد وشك عن العلبة عشان متتعبش عينيك .. ده بالنسبة لتحصين اماكن الدخول وده هتعمله من وقت للتانى وهتضيف نسب بسيطة اما بالنسبة للباقى فالافضل اضافة بعض السليتون مع مية المسح لكن بكمية قليلة عشان ريحتة شديدة

اخيرا لو انت من المنصورة ممكن تجيب السليتون من ميدان الشيخ حسنين من عند ابو قورة وبلاش تشترى من عند المير لانه مشهور بالغش وكان متهم فى قضية مبيدات مسرطنة وطلع منها لانه كان تابع للنظام السابق

تمنياتى بالتوفيق :)

**alrabeh** · 20-09-2011 01:38 AM

الشكر لله سبحانه وتعالى
أرجو أن تكون النتيجة كما تتخيلوها وستكون أكثر مما تتخيلوا بإذن الله رب العالمين
الموضوع مجرب ولا يوجد أفضل منه نهائيا
المهم ان اللى حيرشها يلبس كمامة وممكن يرش بإستخدام بخاخة معدة لذلك وتترك البيت مغلق بإحكام يومين او ثلاثة
وبالتوفيق
والمادة دى حتقضى تماما على اى حشرات وستمحى محوا تاما

**al_qassam2003** · 20-09-2011 01:42 AM

من اى عيادة بيطرية اطلب منه بيوتوكس سائل بيتخفف عند الاستخدام بالماء
امن وفعال ورخيص

**aboamr** · 20-09-2011 02:11 AM

امر حاليا بهذه التجربه عندى المطبخ امتلاء فجأه بصراصير صغيرة الحجم وعددهم مذهل ويتكاثروا بسرعة الصاروخ وكانت حاجه تقرف وطبعا استخدمت راجون الاخضر كان بيموت على اد مايقدر ومافيش فايده المهم خليت المطبخ من الادوات المنزليه وجبت كيس بودره وتم رشه على ارضية المطبخ وتحت المطبخ ويكون باللليل وتقفل ابواب الحجرات عشان الريحه نافذه بعض الشيىء . الحمدلله تم القضاء عليه بنسبة 99 فى الميه لانى احيانا ممكن الاقى صرصار او اتنين بيتم التعامل معاهم بالراجون الاخضر بينشفهم مكانهم