| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 19

  1. #1

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي فتي الميكانيكا بوظلي العربية ! حسبي الله ونعم الوكيل - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    قبل اي حاجة هقول حسبي الله ونعم الوكيل في اي مكانيكي او صنايعي يشتغل في حاجة هو مش فاهمه ويفتي ويدفعك مبالغ ويخليك تغيير حجات سليمة وهو ماعندوش اي خلفية عن اي حاجة

    وياريت على التغيير وبس لا للاسف فيه بتبقى حاجة بسيطة وعشان حضرته ماينفعش يقولك مش عارف او مش بشتغل في العربية دي لازم يفتي وبدل ماكان عيب بسيط هيكلفك مبلغ بسيط تلاقي نفسك اتكلفت مبالغ كبيرة !

    هو ليه فاكرين ان عيب ان الواحد يقول مش عارف ؟ او ان عيب ان الواحد يقول ده مش تخصصي ؟ ؟

    لا حول ولا قوة الا بالله

    ------

    عشان ماطولش عليكم الموضوع بإختصار في اواخر شهر رمضان اشتريت شاشة GPS للعربية

    ركبتها واتبسطت منها جدا ,, الشحن بتاعها من خلال الولاعة

    فكنت دايما اشحنها من الولاعة واول ماتخلص شحن اشيل الشاحن عشان بحسه نار وهيرفقع من الحرارة

    فجاءة وبدون اي مقدمات الولاعة باظت والشاحن مابقاش يشحن (اتاكدت من ده بعد ماجربت اكتر من شاحن والولاعة نفسها)

    سألت زمايلي قالو حاجة بسيطة وروح لاي كهربائي هيعملهالك وانت واقف

    رحت لكهربائي في المنطقة عندي قالي الفيوز بتاع الولاعة ضرب انا معنديش الفيوز الاصلي بتاع تويوتا بس عندي واحد هيشتغل ممكن اشغلهولك لحد مانت تجيب الفيوز الاصلي

    قلتله مافيش مشكلة وفعلا ظبط الدنيا وكل حاجة بقت تمام الكلام ده كان من يومين تقريبا

    النهارده كنت في مدينة نصر ومروح على الساعة 1 تقريبا لقيت الشاشة البطارية هتفصل قلت احطها في الشاحن

    بمجرد حطيت الشاحن في الولاعة لقيت العربية طفت وبطلت ! استغربت

    دورت تاني العربية بدور بشكل عادي بس الكاسيت مش شغال ,, الفتيس مش بيتحرك (اتوماتيك) ,,, الدركسيون تقيل جدا جدا جدا اكنك فاصل الباور وبتحاول تحركه والعربية مطفية ,,, العداد مش شغال

    الى غير ان فيه لمض حمراء منورة في التبلو (لمبة فرامل الايد مع اني منزلها ,, لمبة ال ABS ودي صفراء ,, لمبة حمراء مكتوب عليها P\S)

    اول حاجة جت في دماغي ان الفيوز اللى هو حطه عشان يشغل الولاعة هو اللى عمل المشكلة لانه مش الاصلي ومش نفس اللى كان موجود

    رحت فاتح علبة الفيوزات وشلته

    دورت تاني نفس المشكلة

    مابقتش عارف اعمل ايه ,,, العربية بتدور بس مافيش كهرباء اي حاجة جوة العربية ليها علاقة بالكهرباء مش شغالة

    معدا الانوار هي بس اللى كانت شغالة

    حاولت يمين شمال مافيش فايدة حطيت الفيوز الاصلي اللى الراجل كان شاله (كنت مخليه معايا عشان اجيب زيه) برضوا مافيش فايدة

    الساعة كانت داخلة على 1.30 مافيش اي كهربائي فاتح وانا مش من مدينة نصر فمش عارف حاجة

    وقفت تاكسي كان سايقه راجل كبير باين عليه خبرة وسألته

    الراجل بصراحة ماقصرتش وفضل يحاول معايا في الفيوزات اكتر من ساعة ونص

    اللى اكتشفته ان الباشا الكهربائي شال فيوز 15 وحاطط مكانه فيوز 30 مش عارف اذا كانت فرقت وهي اللى عملت المشكلة ولا لاء

    واللى اكتشفته تاني ان كان فيه فيوزات احتياطية كان ممكن يستخدم منها الكهربائي بدل مايحط واحد من عنده او يقولي اشتري جديد ! ! برضوا مش متاكد من مدى صحة المعلومة دي

    الساعة دخلت في 2.30 ومعرفناش نوصل لحاجة وحسيت اني ارهقت سواق التاكسي معايا

    وسعتها ماكنش قدامي الا اربع حلول

    1- اركن العربية عند اي حد معرفة في مدينة نصر وبكرة الصبح اجيب كهربائي يشوفها

    وده كان حل مرفوض بالنسبة لي لان اكيد مش هعرف انام والعربية مركونة في منطقة تانية خاصا في ظل الظروف اللى احنا فيها دي

    2- اقطر العربية على ونش ينقلها من مدينة نصر لحد الجراش عندي (شارع فيصل)

    وده كان هيكلف كتير الى غير الوقت اللى هستناه علما يوصلني الونش واضرار رفع العربية وغيره

    3- اركن العربية في اي حتة في مدينة نصر وابات فيها لحد الصبح

    4- العربية بتدور وكل حاجة طبيعي بس مافيش كهرباء فالفتيس مش بيتحرك والدركسيون مافيش باور بس لو حركت الفتيس من خلال زرار ال Lock وجبته على ال D العربية كانت بتمشي بشكل طبيعي (مع اعتبار ان فيه لمض حمراء منورة والعدادات اللى مش شغالة وبقيت المشاكل)

    ففكرت اني امشي براحة بالطريقة دي لحد ماوصل البيت بس كانت خايف يكون فيه ضرر على العربية اولا وثانيا الوقت متاخر والطريق صواريخ والدركسيون ثقيل جدا فاي غلطة صعب اتفاداها

    ثالثا لو العربية عملتها معايا على كبري اكتوبر ووقفت هيبقى موقفي وحش جدا

    كنت محتار مابين الحل التالت والرابع لحد مافي الاخر قلت همشي بالعربية على كدة براحة لحد ماوصل البيت وربنا يسترها

    اتحركت وطبعا ماشي قمة في الرعب وعلى سرعة 20 تقريبا ! مش عايز ازود عشان مايحصلش حاجة واساسا العداد ماكنش شغال بس اتوقع اني ماكنتش ماشي اسرع من كدة

    العربيات من جمبي طايرة

    خايف اي حاجة تحصل او اي مضاعفات او العربية تقف خاصا وانا على كبري اكتوبر

    الحمد لله وصلت بعد مشوار من العناء ولسه داخل البيت من اقل من نص ساعة

    لكن مش عارف ايه اللى حصل للعربية ومش عارف هل كدة الكهرباء بتاعة العربية كلها باظت والموضوع هيكلف كتير

    هل اودي العربية التوكيل ؟ ولا اوديها لكهربائي نضيف ؟ ولو وديتها التوكيل هوديها ازاي ؟ امشي بنفس الطريقة ولا ده فيه غلط ؟ ولا اقطرها على ونش احسن ؟

    هل اروح للكهربائي اللى بوظلي الدنيا ده واعمل معاه مشكلة وابهدله ؟

    هل اللى حصل ده مشكلة جامدة ومعناه ان الكهرباء ضربت والدنيا باظت ؟

    حجات كتير اوي بفكر فيها حاليا لدرجة اني حاسس اني بقيت ماشي في البيت بكلم نفسي

    ياريت يا جماعة اللى يقدر يفيدني باي حاجة هكون شاكر ليكم


  2. #2

    الصورة الرمزية شاهين - بنز

    رقم العضوية : 968

    تاريخ التسجيل : 15Jun2007

    المشاركات : 1,422

    النوع : ذكر

    الاقامة : مصر الجديدة

    السيارة: fiat dogan

    السيارة[2]: Fantazia 2013

    دراجة بخارية: معنديش والله

    الحالة : شاهين - بنز غير متواجد حالياً

    افتراضي -

    صاحبي مرة أجر كورلا 2009 وخدها عند كهربائي عشان يفصله العداد ففصلة حاجة في الكهربا عند المتور كده لقى الباور تقل جامد والفتيس كان بينقل حد التالت بس يعني تقريبا حصله زي عندك وصاحبي خدها وقضى بيها يومه بالحوارت إللي حكيتها فوق ومحصلش أي ماشكل أو أي مضاعفات وقبل مايرجعها وصل السلك إياه تاني العربية رجعت طبيعي زي الأول ومفيش أي مشكله
    فحوارك إن شاء الله بسيط جدا جدا أهم حاجة بس تروح عند واحد فاهم


  3. #3

    الصورة الرمزية abdallah12345

    رقم العضوية : 60323

    تاريخ التسجيل : 28Jan2010

    المشاركات : 69

    النوع : ذكر

    الاقامة : SUEZ

    السيارة: octavia A4

    السيارة[2]: TOYOTA

    دراجة بخارية: NO

    الحالة : abdallah12345 غير متواجد حالياً

    افتراضي -

    والله يا باشا ربنا يكون في عونك.بس الواضح ان اللي حصل عندك مشكله بسبب الفيوز اللي ركب لانه عالي عن الاصلي اللي هو كان 15 وكل حاجه في الكهرباء ليها فيوز علي امبير معين لو بدلته باعلي ممكن لقدر الله يعمل مشكله في الضفيره كلها او زي ما تقول كده قفله بس ان شاء الله تكون الضفيره سليمه وعلي العموم مااظنش ان فيها مشكله انك تمشي بيها اغايه التوكيل لاني في الغالي اللي حصل ان كل الفيوزات اللي اقل من امبير معين واللي هيا بتشغل الكاسيت والباور وكده ممكن تكون اتحرقت وعايزه تتغير واظن انها كلها من 15 الي 30 امبير لكن النور حتلاقي الفيوز بتاعه اكيد اعلي من 30 امبير علشان كد فلت من المشكله.نصحيه وديها التوكيل علشان متروحش لواحد ويقولك ضفيره وان شاء الله الموضوع حيكون سهل وتقدر تمشي بيها لغايه التوكيل من غير مشاكل وابقي طمني


  4. #4

    الصورة الرمزية sayed911

    رقم العضوية : 69176

    تاريخ التسجيل : 29Apr2010

    المشاركات : 2,145

    النوع : ذكر

    الاقامة : cairo

    السيارة: .Lancer EX 2008 F\O A\T

    السيارة[2]: Proton Saga 2010 A\T

    الحالة : sayed911 غير متواجد حالياً

    افتراضي -

    هوة فعلا علبة الفيوزات بيبقى فيها احتياطي عشان يسعفك في وقت الزنقة !! ولكن انا نصيحتي التوكيل ثم التوكيل ثم التوكيل جنية التوكيل ولا نار الصنايعية !! على الأقل دول تطبق في زمارتهم لما العربية يجرالها حاجة !!

    [rmade]http://i94.photobucket.com/albums/l108/sayed911/alex-1.jpg[/rmade]
    To Follow me on Twitter "Sayed_K_H


  5. #5

    الصورة الرمزية M_Marwan

    رقم العضوية : 6395

    تاريخ التسجيل : 25Feb2008

    المشاركات : 1,432

    النوع : ذكر

    الاقامة : Maadi - Al Khobar

    السيارة: Lancer EX High line

    السيارة[2]: Pajero 2014 High Line

    دراجة بخارية: No Have

    الحالة : M_Marwan غير متواجد حالياً

    افتراضي -

    اقتباس المشاركة الأصلية كتبت بواسطة sayed911 مشاهدة المشاركة
    هوة فعلا علبة الفيوزات بيبقى فيها احتياطي عشان يسعفك في وقت الزنقة !! ولكن انا نصيحتي التوكيل ثم التوكيل ثم التوكيل جنية التوكيل ولا نار الصنايعية !! على الأقل دول تطبق في زمارتهم لما العربية يجرالها حاجة !!


  6. #6

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,019

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : A.Saad غير متواجد حالياً

    افتراضي -

    غالباً فيه فيوز عمومى ضرب
    من فيصل
    احنا جيران
    ممكن تروح لمحمد السيد الكهربائى فى الدقى
    ش الدقى على ناصية جابر بن حيان
    وخليه بنفسه يشوفها
    ولو هتبص على الفيوزات بنفسك
    متمسكهاش بايدك
    لييها مساكة فى العلبة او ببنسة
    وشوف العلبة اللى فى الحوض الاول وبعدين فى اغلب العربيات فيه علبه تانية فى الكابينة

    A.Saad


  7. #7

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي -

    اقتباس المشاركة الأصلية كتبت بواسطة شاهين - بنز مشاهدة المشاركة
    صاحبي مرة أجر كورلا 2009 وخدها عند كهربائي عشان يفصله العداد ففصلة حاجة في الكهربا عند المتور كده لقى الباور تقل جامد والفتيس كان بينقل حد التالت بس يعني تقريبا حصله زي عندك وصاحبي خدها وقضى بيها يومه بالحوارت إللي حكيتها فوق ومحصلش أي ماشكل أو أي مضاعفات وقبل مايرجعها وصل السلك إياه تاني العربية رجعت طبيعي زي الأول ومفيش أي مشكله
    فحوارك إن شاء الله بسيط جدا جدا أهم حاجة بس تروح عند واحد فاهم
    يارب تكون المشكلة بسيطة زي مابتقول

    اقتباس المشاركة الأصلية كتبت بواسطة abdallah12345 مشاهدة المشاركة
    والله يا باشا ربنا يكون في عونك.بس الواضح ان اللي حصل عندك مشكله بسبب الفيوز اللي ركب لانه عالي عن الاصلي اللي هو كان 15 وكل حاجه في الكهرباء ليها فيوز علي امبير معين لو بدلته باعلي ممكن لقدر الله يعمل مشكله في الضفيره كلها او زي ما تقول كده قفله بس ان شاء الله تكون الضفيره سليمه وعلي العموم مااظنش ان فيها مشكله انك تمشي بيها اغايه التوكيل لاني في الغالي اللي حصل ان كل الفيوزات اللي اقل من امبير معين واللي هيا بتشغل الكاسيت والباور وكده ممكن تكون اتحرقت وعايزه تتغير واظن انها كلها من 15 الي 30 امبير لكن النور حتلاقي الفيوز بتاعه اكيد اعلي من 30 امبير علشان كد فلت من المشكله.نصحيه وديها التوكيل علشان متروحش لواحد ويقولك ضفيره وان شاء الله الموضوع حيكون سهل وتقدر تمشي بيها لغايه التوكيل من غير مشاكل وابقي طمني
    ماهو انا خايف اروح التوكيل الاقي نفسي هدفعلي مبلغ محترم ! واحد زميلي لسه رايح بعربيته عشان حاجة في الكهرباء قالوله جابت ضفيرة وكلفت 8 الاف جنيه ! !

    اقتباس المشاركة الأصلية كتبت بواسطة sayed911 مشاهدة المشاركة
    هوة فعلا علبة الفيوزات بيبقى فيها احتياطي عشان يسعفك في وقت الزنقة !! ولكن انا نصيحتي التوكيل ثم التوكيل ثم التوكيل جنية التوكيل ولا نار الصنايعية !! على الأقل دول تطبق في زمارتهم لما العربية يجرالها حاجة !!
    طيب ماتعرفش الفيوزات الاحتياطية دي بتبقى موجودة فين ؟ انا عارف انها في البوكس اللى جمب البطارية بس فيه فيوزات كتير الاحتياطية انهي واحدة فيهم ؟

    اقتباس المشاركة الأصلية كتبت بواسطة a.saad مشاهدة المشاركة
    غالباً فيه فيوز عمومى ضرب
    من فيصل
    احنا جيران
    ممكن تروح لمحمد السيد الكهربائى فى الدقى
    ش الدقى على ناصية جابر بن حيان
    وخليه بنفسه يشوفها
    ولو هتبص على الفيوزات بنفسك
    متمسكهاش بايدك
    لييها مساكة فى العلبة او ببنسة
    وشوف العلبة اللى فى الحوض الاول وبعدين فى اغلب العربيات فيه علبه تانية فى الكابينة
    انا حاسس ان المشكلة ان فيوز الكونتاكت acc هو اللى ضرب عشان هو الفيوز اللى جمب فيوز الولاعة اللى الراجل بدله بشكل مباشر فجايز يكون اتحرق

    بفكر ابدله اشيله واحط مكانه الفيوز الاحتياطي اللى بنفس القوة (7.5a) ولونه بني بس هي الفيوزات الاحتياطية فين بالظبط ؟


  8. #8

    الصورة الرمزية yoko

    رقم العضوية : 33656

    تاريخ التسجيل : 22Feb2009

    المشاركات : 20,472

    النوع : ذكر

    الاقامة : مصر الجديدة

    السيارة: Fiat 128

    السيارة[2]: Fiat Linea

    دراجة بخارية: no

    الحالة : yoko غير متواجد حالياً

    افتراضي -

    توقعي عندك قفله في ضفيرة الولاعة والبيه الي غيرلك الفيوز حطلك فيوز أكبر من المفروض وبالتالي تيار الولاعة وهو عليه قفله بقى يعدي من الفيوز عادي فالفيوز العمومي ضرب أو بسبب القفله كبل في الضفيره ساح فشوف الأول الفيوزات كلها واحد واحد الأول وبعد كده لو ملقيتش الفيوز وإتصلحت نبتدي نشوف الضفيرة وربنا يستر

    [img3]http://img21.imageshack.us/img21/3957/28138510150332809507433.jpg[/img3]


  9. #9

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي -

    اقتباس المشاركة الأصلية كتبت بواسطة yoko مشاهدة المشاركة
    توقعي عندك قفله في ضفيرة الولاعة والبيه الي غيرلك الفيوز حطلك فيوز أكبر من المفروض وبالتالي تيار الولاعة وهو عليه قفله بقى يعدي من الفيوز عادي فالفيوز العمومي ضرب أو بسبب القفله كبل في الضفيره ساح فشوف الأول الفيوزات كلها واحد واحد الأول وبعد كده لو ملقيتش الفيوز وإتصلحت نبتدي نشوف الضفيرة وربنا يستر
    انا لسه نازل دلوقتي بصيت على الفيوزات ولقيت ان فيه تلاتة احتياطي 10 و 15 و 20 دول موجودين في البوكس اللى في الكبوت ومكتوب عليهم Spare

    انا اتوقع المشكلة من فيوز ال ACC لانه جمب فيوز الولاعة اللى الراجل غيره فيمكن عمل قفلة فحرقه ولا حاجة وللاسف مالقتش فيوز احتياطي 7.5

    جربت اخد فيوز 7.5 من اخر بوكس الفيوزات واحطه مكان الموجود في ال ACC بس برضوا نفس المشكلة

    ازاي طيب اقدر اشيك على كل الفيوزات دي ؟ انا مش عارف هما بتوع ايه اساسا

    وحسبي الله ونعم الوكيل في الكهربائي يعني شال فيوز 15 وحط واحد 30 وغير كدة فيه فيوزات احتياطية ويقولي روح اشتري واحد

    ربنا ينتقم منه


  10. #10

    الصورة الرمزية asemx1

    رقم العضوية : 28488

    تاريخ التسجيل : 26Dec2008

    المشاركات : 1,128

    النوع : ذكر

    الاقامة : Mansoura

    السيارة: None

    السيارة[2]: Yaris

    دراجة بخارية: لايوجد

    الحالة : asemx1 غير متواجد حالياً

    افتراضي -

    hasad">

    الموضوع سهل على فكره هوا يا اما فيوزات او فيوز عمومى ضرب ( ودا المحتمل )
    يا اما الضفيره حصلها حاجه ( ودا مستبعد ) طالما انتا ماشمتش ريحه دخان او شياط

    وعاما انتا الى عملته صح وماتقلقش ما حصلش اى حاجه للعربيه انا فصلت فيوز زى دا ( كان فى علبه الفيوزات بتاعت المحرك )

    وكان ليه اسم مش فاكره بس كان امبيره عالى علشان يحمى العربيه كلها |
    ودارت وكان كل حاجه مطفيه فى العربيه من عدادات وabs و وباور استيرنج الكهرباء

    وبالمناسبه

    لمبه ال abs الصفراء معناها الاى بى اس عطلان
    ولمبه فرامل اليد معناها ال ebd عطلان ودا طبيعى مع ال abs يعطل
    لمبه p/s معناها الباور استيرنج الكهرباء عطلان

    ولو لقيت لمبه a/t يعنى الاوتوماتيك عطلان

    ودا بسبب الفيوز العمومى يا ريس روق كدا محصلش اى حاجه العربيه مصممه انها تمشى وكل الحاجات دى عطلانه عادى مافيش حاجه هتبوظ

    انزل انتا بنفسك وخد معاك بنسه وراجع على كل الفيوزات بالزات الى عند المحرك

    تحياتى لك

    مهندس / عاصم جاد



 
صفحة 1 من 2 1 2 الأخيرةالأخيرة

المواضيع المتشابهه

  1. حسبي الله ونعم الوكيل....العربية اتسرقت
    بواسطة Ahmed1987 في المنتدى المنتــــــدى العـــــــــــام للسيــارات
    مشاركات: 21
    آخر مشاركة: 06-11-2012, 10:50 PM
  2. حسبي الله ونعم الوكيل
    بواسطة hamadaghfar في المنتدى المنتــــــدى الاجتمــاعى
    مشاركات: 1
    آخر مشاركة: 14-07-2011, 11:38 AM
  3. البوية بهدلت العربية...حسبي الله ونعم الوكيل
    بواسطة Karim_Mohy في المنتدى المنتــــــدى العـــــــــــام للسيــارات
    مشاركات: 49
    آخر مشاركة: 08-06-2010, 10:53 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2