أرجوا الافادة الافادة الافادة

**ata7daki** · 16-09-2011 01:52 PM

السلام عليكم يا شباب

مش عايز اطول عليكم بس بصراحة انا محتار عندي جولف 2 /1989 كاملة اتوماتك بقالها معايا 3 سنين ، بصراحة العربية زى الفل و عمرها ما عملت معايا اي حركة نص كم ابدا مهما حصل .
بس بصراحة زهقت منها بقالها 3 سنين في وشي ففكرت ابعها و اشتري bmw موديل 1996/1997 الدبانة بس بصراحة قلقان لاني لابعرف اشتري و لا ابيع .

افيدوني اعمل اية ؟ اخليني بعربيتي ؟ و لا اتوكل علي الله و ابيع ؟ طيب يعني هحس بفرق جامد بينها و بين bm؟ مع العلم ان عربيتي 1800 و الحمد لله زى الفل ماتورها شديد و بتجرى و تكيفها ممتاز.

و لا لو بعتها ههندم و هلاقي نفسي فتحت علي نفسي فتحه ؟

متشكر ليكم جميعا.

**elpasha1** · 16-09-2011 02:01 PM

طالما العربية عجباك ومريحاك خليها ومتبعهاش
العربيات المستعملة بتبقى عاملة زى البطيخة ( اانت وحظك) خصوصا انك ملكش خبرة ف العربياات
وبالنسبة لموضوع الزهق فحاول تغير فيها بمعنى انك تغير جنوط او تركب فرش جديد او كاست جديد ..... الخ
علشان تحس بفرق
دى وجهه نظرى

**mohammedabdallh** · 16-09-2011 03:28 PM

ال بى لم حاجه تانية خالص هتحس بفرق شاسع وبرستيج تانى خالص بس ده كله على حساب الفلوس
يعنى لو جيت تغير اى حاجه فيها ادفع يا معلم لو روحت لميكنيكى فى عربيتك القديمه لو اديته مثلا 10ج بيبوس ايده شعر ودقن ولو نفس امشكه فى ابى ام ونفس الميكانيكى اقل شى 50ج واحسب كل حاجه على الاساس ده

**ata7daki** · 17-09-2011 09:33 AM

المشاركة الأصلية كتبت بواسطة mohammedabdallh

ال بى لم حاجه تانية خالص هتحس بفرق شاسع وبرستيج تانى خالص بس ده كله على حساب الفلوس
يعنى لو جيت تغير اى حاجه فيها ادفع يا معلم لو روحت لميكنيكى فى عربيتك القديمه لو اديته مثلا 10ج بيبوس ايده شعر ودقن ولو نفس امشكه فى ابى ام ونفس الميكانيكى اقل شى 50ج واحسب كل حاجه على الاساس ده

انا الحقيقة مركبتهاش غير مرة واحدة كانت دبانة 2500 سي سي كوبية ، فظيعة بس لما سمعت استهلاك البنزين جالي صدمة !!! علي فكرة الجولف برضوا قطع غيارها غاليييييية مقارنة مع العربيات الجديدة زى الفيرنا و الاوبترا ، مش عارف اعمل اية بصراحة :-(