لمن يهمه الأمر : ملاحظات عن جسم الفلوانس

**Col. Eng. Khaled** · 29-09-2011 01:19 AM

المشاركة الأصلية كتبت بواسطة surfer3098

أستاذ خالد أنا حطت فوق رابط لأمازون وفيه اسعار العدد كلها أتمنى حضرتك تديهم بَصة سريعة كده :)

شكرا جزيلا لحضرتك

فعلا الأسعار زي ما هي من سنة ، كلامي عن شركة كبيرة منتجها مضمون و عليه ضمان

بخلاف الكاوتشات و سائل اللصق و سائل فك الصق و باقي المستهلكات ذات الإستخدام الواحد

حضرتك شنطة عدة كاملة بالضمان = 2000 دولار أمريكي في بلدها ، عشان حد يلحق يلم تمنها على أسعار

مصنعيات السوق المصري و حسب العميل إللي مستعد يدفع ثمن شغل بعدة مماثلة

مبدأيا في سوائل حتبقى عدت فترة صلاحيتها قبل ما يتلم ثمن شراءها .

من ضمن المستهلكات إللي بتكلم عنها كاوتشة الشفط لإستخدام مرة واحدة = 18 دولار أمريكي تقريبا

تستخدم في شفط دائرة قطرها حوالي 5 سم .....

صدقني نادرا ما تصادف عميل يقبل تكلفة إصلاح بهذا الأسلوب

هي فعلا تلاقيها في توكيلات كبيرة و مراكز خدمة كبيرة مش ملاحقة على الشغل و العميل دخله كبير ..... فقلما تجدها في ورش .

فكرت فيها فعلا من سنة لقيت نفسي داخل على مقامرة غير مضمونة العواقب .

كلام في سرك :-

كتير بعد ما تتفق معاهم على الشغل و يكون فعلا دفع عربون ، تيجي تاخد باقي حساب بعد الشغل ما يخلص يرجع يفاصل ... مش كده و بس لأ ممكن جدا يعمل شوشرة عند الناس

للمكان .....

**M.Elwan** · 29-09-2011 02:38 AM

المشاركة الأصلية كتبت بواسطة surfer3098

يا باشا مفيش لزوم لحضرتك والكلام ده ووالله أنا كان نفسي اخدم مش أكتر بس سؤال بقى حضرتك تقترح إيه عند سمكرة العربية ده لا قدر الله ده سؤال تاني سؤال أنا شايف إن الحاجات المنتشرة الموجودة في للينك ده تؤدي الغرض للاستعمال الشخصي وأكيد هتبقى اوفر من لحاجة لتغير الباب مثلا والله أعلم ( اللهم اهدني سواء السبيل)

كلامك مظبوط بس الفكرة ان دايما بيكون فى واحد مبدع يبدء اى نجاح وبعد كده ناس كتير تقلده وتحقق جزء بسيط من نجاح الشخص المبدع ده وبيكونو قانعين بما حققوه

انا كنت حاطط فيديو عن نفس فكرة الجهاز ده فى السعودية ناس هناك خدو الفكرة من بره من اول ما نزلت واشتغلو عليها وصنعو جهاز محلى بنفس الامكانيات بس على كبير شوية وشكلة مش شيك زى بتاع بره ولقو فكرة لموضوع اللزق ده واشتغلو بيه بس موقفوش لحد هنا لأ عملو تطوير للمشروع لحاجة اكبر انهم بيجهزو مراكز الصيانة والورش بالاجهزة دى
لانهم فى النهاية مش حيخترعو العجلة يعنى لو عايز لزق ممكن يتفك هات سيليكون مثلا وفكرة الشفاط شكلها تتعمل هنا وعندنا ناس عفاريت بيعملو اى حاجة فى الدنيا ومفيش حاجة تقف فى سكتهم

**amigo_magdos** · 29-09-2011 09:10 PM

هوا ال vw فيها نفس التقفيل ؟ انا النهرده شوفت عربية vw معدية بس معرفتش نوعها ايه. تحس انها اصغر من الجيتا شوية. المهم العربية ديه كان صاج الباب من بره متشال !! الباب من جوه نفس منظر الفلوينس . و بعد سؤال بعض الاصدقاء قالولي ان عربيات كثيرة كده، بس الحاجات الجمده. ياريت لو العقيد خالد يوضح النقطة ديه لان انا لا اثق في كلام الهواه .