او عضو بيلين
MMamdouh
عرض للطباعة
رانكينجز ايه ؟ هوه انا اخدت حاجه ؟ :d
ايه ده .. انا اخدت فضي ... انا عاوز ذهبي او بلاتينيوم :d
ممكن العضو البلاستيكي طيب ؟ :wheelchair:
فضي يا بيشو :)
على فكرة انتوا محسسنى بالذنب بسبب موضوع 1+ ده
هى ليها استخدام مفيد لما مثلا واحد يكون سال سؤال و رد عليه عضو مش معروف بالنسبة للاعضاء و ممكن يكون الناس مش متاكدة من مدى صحة الاجابة (مش ذم فى الراجل اللى رد) لكن مجرد ان الاسم مش معروف و محدش عارف مدى خبرة و دراية الراجل اللى رد
و فى الحالة دى بيجى عضو مشهود له بالخبرة و المعرفة ياكد الكلام ببساطة بانة يعمل اقتباس للرد و يكتب 1+ و بالتالى ياكد صحة المعلومة السابق ذكرها
MMamdouh
طيب ممكن يقول "متفق معك" او يكتب "دة نفس وجهة نظري"
او يكتب "صح الكلام" ... اي حاجة!
احسن من +1 و+ 9864637 لان في ناس
اصلاً مش عارفة مدلولها + في ناس 90% من
مشاركاتهم من +1 لـ+ كام مليون!! لدرجة انك
تحس انهم مش بيعرفوا يكتبوا اصلاً!!
المهم يكتبوا اي حاجة .... قبل الكتابة ما تغلى!!
تصدقوا لسة واخد بالى منها دلوقتى - بس عجبانى أوى موضوع عضو خامل دة - يعنى غير قابل للأشتعال - بكدة أحنا عايزين كل عضو خامل يخوش على نتجى الصينى ويشارك هناك :)
كلامك تمام يانادر
بس والله اللى خايف منه الحزازيات
بص الله الاعلم انا باحب المنتدى ده اد ايه
وعارف ومقدر شغلك وشغل الناس المشرفين هنا وناس محترمه كلهم
بس الخوف مع الناس تشوف انها واخده تحذير تزعل وتشتكى وتقول ان المشرفين متحاملين زى الاخ اللى قال كده عليكم فى مواقع تانيه وخلانى ادخل هنا الموقع واكتشتف ان كلامه صح
وخللى اللى عايز يزيد يزيد بس لو زودها فى الموضوع ده يبقى فيه تحذير مش اول مره
يعنى لو سبعاوى بيه عملها مثلا تعمل كده معاه
وهو راجل ماشاء الله عليه زى الفل زى معظم الناس هنا
هو حد قال غير كدة؟؟
انا بقول في ناس 90% من مشاركاتهم بالطريقة دي.
بص كريم كان بيقول اية:
اقتباس:
أرسل أصلا بواسطة karim_monir http://www.nilemotors.net/Nile/image...s/viewpost.gif
ماهو لو عمل +1 هايخد تحذير وبعد كدة انذار
ما تقلقش كلة متظبط
انا فهمت يانادر انه من اول مره يعمل كده يتاخد انذار ويستحب رخصه وعلى البوكس يابنى :)
انما لو هو من عتاه ال +1000 دى يبقى ياخد انذر وطرد
يا جماعة الموضوع بسييييييط
اللي عايز يبأى عضو ماسي كل يوم يكتب "مظبوووط" أو "تماااام" و لو مكسل يبأه "100%" في 50 مشاركة يوميا
أمشي على الروشته دي حوالي شهرين و يبأى قولي على النتيجة
الحكاية دي هتضرب سوق الماس في مصر بس خير خير
تحياتي
عضو خامل جدا:yawn:
woooow أنا بأيت مبتدئ :biggrin2: شكرا شكرا يا جماعة
هانت كلها كام شهر و أكون عضو فضي زي سبعاوي :drool5:
من Senior Member امبارح لعضو مبتدأ النهارده.
سبحان من له الدوام .. !.
مايلغوه احسن !!اقتباس:
نفسي يا اداره تخلوا المشاركات في المنتدي الجتماعي مابتدخلش من ضمن مجموع المشاركات للفرد
الف شكر للدعم الفنى
وعلى المجهود المبذول لتحسين المنتدى
+1
انا اعترض , انا بحتج , +1 مهمة جداً علشان تاكيد معلومة
ولو +1 مش عجباكم ممكن نغيرها تبقى +1000 + او +2000 على حسب عدد مشاركاته
:D:D:D
ممكن تبقى انذار لو عضو كرر +1 دي كتيير
او ممكن تعملوها كل واحد ليه خمسة +1 في اليوم
لو خلص الخمسة يشحن كارت ب بخمسة تانية
:D:D:D
يا جماعه أنا مش فاهم مكبريين الموضوع كده ليه ؟
مفيش أى حاجة تستدعى ده
و خامل غيرناها لمبتدئ عشان محدش يزعل
و بالنسبة ل +1
إللى عايز يستخدمها يكتبها بشرط إنه يضيف رد يعنى مش يكتبلى +1 و يمشى إستفدت أنا إيه كعضو بيقرأ الموضوع و نص المشاركات +1 / -1 ؟؟؟؟؟؟؟؟؟
المشاركات الهدف منها الإفادة بالمعلومات و الأفكار و الآراء غير كده بناقص المشاركة مش هاخد كاس مصر لو كان عندى مليون مشاركة و الله لكن لو عندى 200 مشاركة فعالة أفضل 1000 مره من 10000 مشاركة +1 و تمام و معاهم و عليهم
و الأمثله كثير لأعضاء مميزين جدا هنا و مشاركاتهم قليله تخت ال 1000 و تحت ال 2000 بس معروفين بتميز ردودهم و رجاحة عقولهم و الرد منهم ب 10 ردود من ناس تانيه
الهدف هو الكيف و ليس الكم
و الألقاب ده موضوع تشجيعى just for fun مش أى حاجة تانية
والله لو جبتلك زيادة عن 5 اعضاء كل مشاركتهم في الحياة ماخرجتش برة بلس واحد دي
وبلس 100 وبلس 1000 لما كرهنا شكل البلس
ممكن تقول كلمة شكر يكون ليها وقع احسن
ممكن تدعيلة
ممكن تقول كلام مظبوط
حاجات كتير قوي قوي
اكتر من الكلمةة المستفزة دي
المشرفين عندنا خلاص جابو جاز:dots:
اللي عايز يجيب جركن ويجي يعبي
تمام ياكريم الله ينور عليك
لو بس كل مشاركاتهم كده او هدفهم فى الحياه ان المشاركات تزيد يبقى تعمل الكلام ده
انما كنت خايف اى واحد عملها مره يبقى كده
كمان كنت عايز اعمل موضوع علشان ال +1000 ده
بس قولت مش مستاهله
موضوع ال + ده متاخد من منتديات اجنبيه بيبقى فيها زياده من نقط الكاتب
يعنى فرضأ ان كريم منير عمل موضوع هايل جدا ومفيد للناس
الناس بتدخل وتديله نقط لان بيبقى فى تحت الايكون بتاع اسم كريم + يعنى انت وقتها كل واحد يديلك نقطه هتزيد وهتبان فى مشاركاتك وتقييمك بعض النظر عن المشاركات
يعنى كريم عامل 150 مشاركه وواخد 600 نقطه من النقاط ال + دى من الناس اللى بتديهمله اعجابا بالموضوع بتاعه
فاهمنى كده ياكريم ؟ انا بقول للناس وممكن يكونوا عارفين المعلومه دى بس حبيت اوضحها
والصراحه ده نظام جميل علشان التقييم ميبقاش احمد زى الحاج احمد
اللى بيكتب كتير فى مواضيع عاديه زى اللى بيكتب فى الجول
لان موضوع مفيد كل الناس هتديله نقط ليه وطبعا بيبقى عليها حدود وقيود
يعنى بيبقى فى عدد كل يوم ليك تديهم للناس وتدى كل مره عدد معين
وبرضه ممكن فى اوقات تسحب نقط (-) من اللى كاتب بس ده مش موضوعنا
فالناس لما بتخش تديلك نقاط بتكتب كمان انها اديتك نقاط يعنى +1 وكده
وده مش معناه زى مانت بتقول ان كل مشاركاتهم فى الحياه تبقى بس كده
بس حبيت اوضح الخلفيه للموضوع ده ... بدل مافى ناس بتنقل وخلاص وهى مش عارفه :thinking:
=============================
وربنا معاكم فى شغلكم ... الصراحه الناس المشرفه قمه فى الاحترام وشغلها لازم يتقيم
مش بس الناس تشتكى لا لازم كمان تشكركم
وإلى الامام :thumbsup:
+1
انا موافق على الاقتراح بتاع الاستاذ محمد حافظ
نخلي الاعضاء بلبلاس
كل عضو ياخد بلاس اكتر كل ما ياخد نجوم وتبقى موجودة تحت اسمه
يعني انا اخدت مثلاً 100 واحدة من + تبقى نجمة وتتحط تحت اسمي
حتى على الاقل مايبقاش عضو قديم من بداية تشغيل المنتدى وليه مكانته
وفي الاخر تلاقيه عامل 500 مشاركة ومكتوب تحت اسمه عضو نشط
بس ببلاس دي يحفظ مكانه في المنتدى ووسط الاعضاء
:dots::dots::dots:
:chillpill:6
هو الاقتراح حلو....بس هل من السهل تنفيذه؟؟؟
صحيح
المهم المصلحه العامه
و ياجدعان متبصوش للالقاب
بس بصوا شوفو نايل موتورز بقي ازاي حاجه تفرح ماشاء الله
و ده كله بمجهودنا مع بعض كلنا من اقدم واحد لاجدد واحد
المهم منظومه العمل كلها و ليس ترتيب الدرجات داخل المنظومه
ياةةةةةةةة أنتم لسة بتتكلموا فى موضوع الرينكنج دة - هو أنا أسيبة فى المصنع إجى أشوفة هنا هو الرينكنج دة ورايا ورايا :)
ألف شكر للدعم الفني :3gears:
طيب ممكن نعرف كل كام posts يتغير المسمى
بس فعلا فكرة رائعة
الله يسامحكم .. بقى بعد ما الواحد اتسنير (أي صار "سينيور") يرجع تاني لمبتدئ !! :)
بس بصراحة أنا كان رأيي النظام ده يتعمل من زمان لأن الواحد من أول المشاركة 101 بيبقى سينيور زيه زي اللي عدى ال 5000 مشاركة !
وكمان المسميات الجديدة ألفاظ عربية ومتوافقة مع الدعوة المتميزة التي يتبناها زملاءنا بالمنتدى للحفاظ على اللغة العربية.
الله الموفق وللأمام دائماً