ممكن تساعدونى فى الأختيارانا محتاره فى الأختيار بين
113000 automatic Punto Evo
93000 automatic Gen 2
102250 first category automatic Accent RP
انا عجبانى ال RP بس حسها ماتستهلش ولما شوفت ال evo حسيتها حاجه تانيه خالص نيضيفه اوى وفيها options كيتيره بس هى غاليه شويه بس لو تستاه هاجيبها اما بالنسبه لل Gen2 هى عجبانى و سعرها حلو بس خايفه من ال service و resale
12 شافو الموضوع ومافيش حد عايز يقول رايه
الثلاث عربيات ممتازيناقتباس:
المشاركة الأصلية كتبت بواسطة pinksaso
من ناحية الصيانة و اعادة البيع
أعتقد أن الهيونداي هاتكون أفضلهم .......... و الفيات أسوءهم
الجين 2 هاتكون في النص علشان اعادة بيعها أفضل من الفيات و لكن الهيونداي عموما من أفضل العربيات اللي بتتباع بسرعة في السوق دلوقتي .
الثلاثة عربيات حلوة
بس عن نفسي
هاخرج الهيونداي من المقارنة علشان رغم جودة الهيونداي إلا أني مش بحب الأشكال الجديدة بتاعتهم (رغم جمالها )
مقارنتي هاتكون ما بين الأيفو و الجين 2
الأيفو شكل جميل و الجين 2 شكل جميل
الأثنين ثابتين في الجري
الجين 2 موتورها أقوى قليلا ( علشان أحنا مش في سباق يعني )
عيب الأيفو النقطتين اللي انت شرحتهم (اعادة البيع و الصيانة و عدم الأنتشار )
بُص شوف أنت مرتاح لأيه و هاته و أتكل على الله
الثلاثة حلوين و الثلاثة أختيارات ما تزعلش و لا تندمش بعد ما تشتريهم
و لما ترسى على واحد منهم
أدخل قسم العربية المختارة و أسأل على العيوب بالكامل و المميزات بالكامل و ربنا يوفقك
مع رأي توت بس هستثني هيونداي لسبب مفيش مواصفات أمان في الفئة دي خالص
أما الريسيل الجين والإيفو الإتنين زي الزفت الجين مش أحسن
الصيانه الجين والإيفو الإتنين زفت برده ومراكز الخدمة معقوله
فشوف هترتاح لأنهي فيهم
لو عاوز موتور جيب الجين لو عاوز كماليات وخامات أعلى جيب الإيفو
انا طبعا ححصر المقارنه بين الفيات ايفو والجين 2.....طبعا راييى الشخصى جين 2 +20 الف توفير احسن من الايفو والجين 2 صيانتها سهلة مش زى منتى متخيله يعنى مشتركة فى القطع الاستهلاكية مع عربيات تانية غير ان حاجتها وسط مش غالية -مش بتكلم عالتوكيل خالص-انا عن نفسى مستمتع بيها جداااااااااااا ومش بفكر ابيعها لانها مريحانى فى كل حاجة وقايمة بالواجب دا اللى اعرفة الفيات معرفش عنها حاجة اوى ولا جربتها قبل كدة بس انا راكب جين 2 ومش حقولك هى احسن من عربيات كتير ركبتها بلا كتابة اسماء وعربيات تفوقها جداا فالسعر ....ملحوظة.....انا مش بقولك كدا عشان هى عربيتى لانى ببساطة كنت معترض جدا على شراها لولا اخويا اللى قالى جربها وصاحب المعرض تبعنا قالى لو معجبتكش اخدها منك تانى وافتكر كلمته ساعتها -لانى كنت رايح على لانسر 1600 كلاسيك -وقالى انا حكسب فى دى وحكسب فى دى بس ليك انت نصيحة خد الجين 2 والله يشهد على كلامى انها كانت الاختيار الصح ومش حبيعها ولو بعتها حجيب جين 2 زيرو تانى...والاهم من كل دة الاستخارة وانك تركبى الاتنين وتشوفى حتستريحى فى اييه لان دة يفرق جدااا جدااا وبالتوفيق ان شاء الله
واضح من السؤال انك مش محدد انت عاوز تركب ايه ياباشا وكده هتتعب قوي
انا ماشترتشيولا عربية من دول بس ركبت جن2 و EVO
1- جين 2: مانصحكشي غير لو كنت هتعرف تجري ورها لو طلع فيها عيوب
لني قبلت كذا حد اشترها زيروا وكان فيها عيوب فتيس وماتور وداخ بالشهور لحد ما التوكيل عبره
ده غير ان كل إلي ركبنها بيحذروا من الأوتمتيك بتعها "وبصراحه الأتومتيك مش يتركب غير اروبي وياباني"
2- evo: عربية اوروبي لو ليك في الركوبة جبها وانت مغمض
هتحس طعم الأروبي المحترم وتعيش في سوقتها
مشاكل وكده ماسعتش عنها حاجه وحشه بس خالي بالك برضوا العملية نسبه وتناسب
انا معرفشي غير 2 ركبنها ومش اشتكوا... ممكن ماتسمعشي برضوا ان فيها مشاكل لإن عدد إلي ركبنها مش كتير
فنصيحة خش على قسم الفيات وأسأل... ورح اسأل على قطع الغيار والفتيس كويس قوي لو هتجبها اوتمتيك
3- ار بي: انا مش بحب هيونداي لإنها بتعمل قص ولزق
دلوقتي بتنسخ عربيات الفوليكس ودي حاجه حقيره طبعا
بس للأسف لإن السوق بتعنا سوق حقير ومعظم الناس بتركب كوري على اساس ان قطع الغيار رخيصه والعربية بتتاع وكلام الفاضي إلي شوية تجار جهلة ضحكوا علينا بيه وللأسف سمحنا لنفسنا نصدقوا ... العربية تعتبر كويسة للسوق المصري
بس ب 100 الف اركب عربية زي دي واله اركب اوربي إن شالله الماني مستعمل؟
المهم لو هتشتريها انصحك تستنى شوية لإنها لسه نزلت والأتومتيك بتعها فيه استب ترونك وده فتيس جديد من هيونداي
يعني ممكن خلال سنه يظهر عيوب واله حاجه
وتعويرت الفاتيس الأتومتيك لو ماتعرفشي اصع من الماتور نفسه
اتمنى اني اكون فدتك وربنا معاك ياباشا.. وبالتوفيق
توكيل عز العرب و شركة بروتون من أحسن الشركات اللي موجودة دلوقتي في موضوع الضمان .اقتباس:
المشاركة الأصلية كتبت بواسطة dreamaker
التغيير بيتم في الحال لو ثبت أن فيه عيب صناعة .
أنا ركبت عربيتين جين 2 و معنديش و لا مشكلة .
و بالنسبة للأوتوماتيك بتاع الجين 2 مفيش و لا شكوى واحدة أو وحيدة جت منه من سنة 2006
و ملحوظة تانية
فتيس الجين 2 الأوتوماتيك .......... صناعة ياباني و مع أن ده أنا مش شايفه عيب او ميزة
بما ان الفتيس محدش نهائيا أشتكى منه ................ يبقى فتيس حلو بغض النظر هو مصنوع فين .
مين بقى كل اللي ركبها و بيحذر من الأوتوماتيك بتاعها ؟؟؟؟؟؟؟؟؟؟؟؟
قسم بروتون مفيهوش شكوى واحدة من الأوتوماتيك !!!!
على فكرة الجين 2 كماليات كاملةاقتباس:
المشاركة الأصلية كتبت بواسطة yoko
هو الأيفو فيها أيه زيادة ؟
متفق معك ياا- توت قلبا وقالبا....كنت داخل اقول نفس الكلام بالظبط
انا بحكيلك من الواقع مش المنتدىاقتباس:
المشاركة الأصلية كتبت بواسطة tutankhamoun
على اي حال اقرى الموضوع ده وارجع بالصفحات لورا وانت هتلاقي خير ربنا مع جين2
http://www.nilemotors.net/Nile/45257-a-24.html
انا قولت ان العربية ده انت وحظك لو قلشت هتكره نفسك وواضح ان التوكيل معملته مش اتغيرت كتير
لازم الواحد يطول لسانه ويعمل حوارات علشان ياخد الحاجه إلي اصلا من حقه
وبالنسبة للأوتومتيك.. انا سألت على العبية دي ليا من سنة وشفت كذا وحده ستيب ترونك
وكان فيه مشاكل نتشه فتيس او ان الفاتيس مايغيرش العيوب الطبيعيه لفتيس اتومتيك مش قوي
ولو الفاتيس ياباني يبقى خلاص مش هيبوض... لإنه ممكن يكون فيه عيوب تصنيع وعيوب تركيب
ممكن يكون راكب على ماتور مش مضبوط عليه او يكون فيه عيوب شدادات او حتى موصفاته ااقل علشان يقللوا سعر العربية
ملقوش في الورد عيب ........... قالوله يا أحمر الخديناقتباس:
المشاركة الأصلية كتبت بواسطة dreamaker
هو حضرتك جاي تتطلع عيوب في العربية و خلاص !!!!
الفتيس حلو .......... و لكن الموتور هو اللي وحش
العربية الأوتوماتيك معايا بقالها سنة و نصف و الفتيس تصدق بالله مش بينتش و السحب بتاعه حلو و كويس يعني
بشد بها مع تكاتك
ياريت يا فندم لما بتقول آراء زي دي و طريقة في التأكد من الكلام
تكون مجرب الحاجة بنفسك بدل سمعت
لو حضرتك سمعت
قول المعلومة .......... و متأكدش عليها أدام مجربتش بنفسك
بالمناسبة بروتون جين بتتباع في أستراليا و نيوزيلاندا و أنجلترا
و أعتقد أن العربية لو فيها مشاكل في الفتيس كانت خرجت من الأسواق دي من زمان
و مكنتش عمرت في مصر
لأن الناس مش بترمي فلوسها في الأرض و مكنش حد هايشتريها
tutankhamoun انت محتاج تخلي بالك من أسلوبك.. انا بسهولة ممكن اتجهلك لإن دي مش طريقة حوار
انا قولت المعلومة إلي عندي وبكررها تاني من الواقع وانت بتحكي عن عربيتك وبس
عربية واحده كويسة عمرها ماكانت مقياس... وشوف فولكس dsg هتلاقي ناس كتير بتشتكي وقليلين مبسوطين
هو ده المقيس لمه نيجي نتكلم على عربية
والفاتيس فعلا الإستب ترونيك مشاكله كتير... وانا لمه كنت هشتريها وصلت انه لو هركب جين اركبها منيوال اضمن
حبيت تصدق صدق ماحبتشي الله معك
توت الصيانات أنا بقول زي بعض من الشكاوي الي بشوفها على المنتدى في بروتون
إعاده البيع البونتو معقوله غير البرافو واللينيا مثلا
الكماليات الإيفو فيها بلوتوث وشاشه معلومات وأوامر صوتيه وفيميه زياده في الفئة التانيه
اقتباس:
المشاركة الأصلية كتبت بواسطة dreamaker
ماشي مصدقك (انت اللي مش معاك العربية
و انا اللي معايا منها أثنين و أعرف ناس كتيرة ...... و ربنا معانا جميعا )
مش هاتختلف يا عم يوكواقتباس:
المشاركة الأصلية كتبت بواسطة yoko
موضوع الصيانات دي نسبي حسب تجربة كل واحد
و أنا عن نفسي معنديش أي مشكلة مع التوكيل نهائيا
انا عمري في حياتي مشفتش حد بيشتكي من موتور او فتيس البروتون عمتا
هو انت جبت الكلام ده منين؟؟ وازاي ان فيه مشاكل في الاوتوماتيك ؟؟ انا مش فاهم حاجة بصراحة
بص يا باشااقتباس:
المشاركة الأصلية كتبت بواسطة eng f3lix
انا من سنة قبل الثورة على طوال كنت بدور على حاجه في الحنين ... ولقيت ناس بتقول جيت تو عربيه حلوه
انا ركبت وحده كانت مع واحد صحبي 2006 اوتو كان كل شكوته منها العفشه والفرش الداخلي مش ه زي الياباني و الالماني غير كده قالي حلوه
بس نبهني انه شاف ناس متبهدله في التوكيل مع موتير فيها مشاكل او فاتيس
ده غير انه بيبان عيوب في التقفيل وانت ماشي بالعربية
المهم اني وانا في الحرفيين قبلت واحد معه 2007 ستيب ترونك وكان بيشتكيلي ان الفتيس فيه مشاكل وانه محتاس بيها ومش عارف يصلحه مع التوكيل
ولسه من شهريين اتعرفت على واحد معه وحده مش فاكر كام.. برضوا الماتور كان بيجيب زيت واتخانق في التوكيل علشان يغيره وقعد كذا شهر علشان يعبره
الخلاصه انا فلوس في جيبي ليه ازنق نفسي مع عربيه ناس بتشتكي منها؟؟؟ وخصوصا كلمة الفتيس دي العن من الماتور نفسه
وبرضوا ارجع لقسم البروتن وشوف الناس عملة موضوع بتشتكي فيه من عربيات بروتن و الوكيل ... رغم انه نسبه قليله من مالكي العربيات بيجوا هنا اصلا
يارب اكون وصلتلك صوره وضحه انا ليه قلت جين تو لاء وان الفاتيس بتعها مش تمام
هو انت متاكد انك بتتكلم عن الجين2 ؟؟اقتباس:
المشاركة الأصلية كتبت بواسطة dreamaker
اولا الجين2 مفيش منها تيبترونيك كلها يااما مانوال يااوتوماتيك
ثانيا اي موتور في الدنيا ممكن يجيب زيت مش بس بروتون اللي بيحصل فيها كدة
ثالثا برده ان مفيش حد ابدا ابدا وانا عضو هنا من سنة 2009 اشتكى من الفتيس خالص خالص وان كانت الشكوى من الموتور ده بيبقى زيت او ارتفاع حرارة مش اكتر من كدة وده طبيعي اوي وبيحصل في كل الانواع مش بس بروتون زي ماقولتلك
طيب يا أستاذي الفاضلاقتباس:
المشاركة الأصلية كتبت بواسطة dreamaker
هو مش فيه أحتمال أن الكلام اللي حضرتك سمعته يكون غلط
خصوصا أنك عرفت معلومة 100000000000 % غلط و هي أن فتيس الجين 2 موديل 2007 أستبترونيك !!
يبقى ليه متمسك برأيك ؟؟؟؟
كل عربيات بروتون مفيهاش استبترونيك و لا هنا و لا في ماليزيا و لا أنجلترا و لا أي سوق بتبيع فيه بروتون
ولا هي بتصنع عربيات أصلا فيها الفتيس ده
كل الفتيس اللي بينزل مانوال ......... و أوتوماتيك عادي و الأثنين بتوع الجين 2 أنتاج ميتسوبيشي .
مفيش ين 2 ستيب ترونك
افضل بونتو ايفو
هيا فئه الاكسنت فيها ايرباح او abs
safty first
Gen 2 is the best
والله ممكن ليه لاء... هو الولد قالي ستب ترونك وشورلي على دركسيون فيه + - زي الستب ترونكاقتباس:
المشاركة الأصلية كتبت بواسطة tutankhamoun
ممكن كانوا بتوع الصوت مثلا وكان بيفتي مش عارف وكمان مش اهتميت بيها صراحه علشان انا كان عندي فكرت ان الاتومتيك بتعها مش قد كده وكمان حوار صحبي ان فيه ناس في التوكيل جيبها زيروا بتتخاننق علشان الماتور فيه مشاكل والعفشه كل ده قفلني منها
بس انا شايف كذا واحد داخل يول انها حلوه؟ رخم اني ركبتها منيوال وحسسها مش بتجري وصوت الماتور عامل زي الديفيل صوت بس من غير جري.. يعني بتجيب 60 ك بالغيار الاول صحيح بس مش قوة 118 حصان يعني
ده غير انها وطيه قوي زي الدبانه بتعتي.. إلي هي اوطى من السيفيك
ولو اتكلمنا على العفشه وهي مضبوطه 100 100 عيبها انها نشفه جدا جدا ... انشف من العفشه اسبورت عندي في البي ام!!
اقتباس:
المشاركة الأصلية كتبت بواسطة DReaMaKeR
انت متأكد انك بتتكلم على الجين2 ؟؟ اللي هيا دي
http://www.3lmny.com/cu/dm-QTSG.jpg
دي واطية على الارض؟؟
ياباشا انا بس عايز افهمك حاجة ان اللي قالك عن العربية دي بيفتي فتي السنين
العربية دي 110 حصان مش 118
بتجيب بالاول اخرها 50 مش 60
في فرق كبير بين المانوال والاوتو في السحب
انا عربيتي اوتو بتجيب ال100 في حوالي 12 ثانية مبالك المانوال هيبقى ايه
هيا فعلا موتورها صوته عالي زي الديفيل بس مش هيا دي المشكلة دلوقتي
على فكرة مش اي حد يقولك حاجة تصدقها
من راى الجين 2 افضل من حيث السعل مع الكماليات المعقولة وشكل راقى وثبات عالى
gen2
118 حصان دي من صاحبي إلي معه المنوال وبصراحه مش سألت وراهاقتباس:
المشاركة الأصلية كتبت بواسطة eng f3lix
بس ال 60 اول دي قدامي ال ار بي ام دخل في الأحمر وغير "فصل منه يعني" هي غالط اه بس احنا متعودين نحرق كده
بس انت متأكد انها بتجيب 100 في 12ث ؟؟ مجربها يعني واله مكتوب على النت؟
وبعدين هي فعلا وطيه وانا ركبتها وعمله زي عربيتي وانا راكب
ممكن تكون من تحت مش بتحك في الارض ماجربتهاش في المطبات بس انا قصدي انها وطيه وانت قاعد فيها
جين2
انا مش عارف حضرتك بتتكلم عن اى عربية بالضبط ، بجد مش بهزر !!اقتباس:
المشاركة الأصلية كتبت بواسطة dreamaker
أول حاجة كدة ال + ، - دة المالتي فانكشن اللى فى الدركسيون وملهوش علاقة غير بنظام الصوت فى العربية ، ولو كان شاور لك على حاجة ثانية هتبقي مثبت السرعة .
ثانياً الأوتو بتاعها ميتسوبيشي ، والمانول ميتسوبيشي ، وبغض النظر على انهم ياباني بس الأثنين ممتازين ، فمش عارف ازاي الأوتو بتاعها مش قد كدة ؟! ،
بالإضافة إن عمري ما سمعت ان فى حد اشتكي من فتيس العربية .
ثالثاً الماتور عليه ضمان خمس سنيين ، ايه المشاكل اللى ممكن تواجه واحد الماتور بتاع عربيته عليه ضمان 5 سنيين !!
رابعاً العفشة من لوتس الإنجليزية ، مشاكل ايه بقي اللى فى العفشة !! ، طبعاً لا تعليق !!!
خامساً صوت الماتور فعلا زي ما بتقول بس مش عالي بمعني انه مزعج ، اللى اقصده انه مسموع شوية ،
بالإضافة أن عزل العربية اتحسن جداً فى الموديلات الحديثة ومش هتسمعه تقريبا غير لما تيجي تعمل تسارع مفاجئ .
سادساً ، عربية ايه اللى واطية !! ، نوعها ايه دي اللى اوطي من السيفيك ؟
العربية أصلا تكاد تكون مش بتلمس مطب من المطبات البهيمية اللى موجودة فى مصر مع التحميل كمان !! ،
انا شاكك انك ركبت عربية عاملة حادثة كل حاجة بايظة ، يا اما صحابها لاعب فيها ! .
سابعاً العفشة مش ناشفة جداً جداً زي ما بتقول ، هي عفشة رياضية يعني مش زي الهيونداي ، لكن هي مش ناشفة زي الرانجلر مثلا !! ، هى متوسطة .
1-سيبك من حوار ستيب ترونيك لإن واضح ان الولد كام بيقول اي كلام .. وانا كان عندي انطباع مسبق ان الاتومتيك بتعها وحش ومش ركزت معه اصلااقتباس:
المشاركة الأصلية كتبت بواسطة mount
2-إلي اعرفه ان الماتور لوتس مش ماتسوبيشي!!! بس صاحبي موجود وهو قعد 3 شهور يتخانق مع التوكيل والمكنة بتعته بتجيب زيت
ومش غيروها غير لمه جيه ناس من بره شافوا العربية بعد ما اشتكاهم في جهاز حماية المستهلك
اما الفتيس صحبي ده "وهو على فكره بيشكر في العربية ك منيوال" نصحني مافكرشي في الاوتو خالص علشان سحبها مش تمام خالص
3- مشاكل العفشة خش قسم بروتون وانت تشوف الناس كتبه ايه
و انا عن نفسي ركبت العربية دي وشايف ان عفشتها نشفه جدا جدا وبجد انا جربت اقعد وره مره كانت زي الرانجلر بالضبط .. وكمان وطيه كا ركوبة "يعني وانا سايق حاسسني سايق حاجه وطيه مش عالية" وزي ما قولت ماجربتهاش في مطبات
انا ماركبتهاش غير 2006 و 2007 ومش اهتميت بيها صراحه علشان اركز قوي كده.. بس انتوا بتدفعوا عنها زي ماتكون عربية ماحصلتش؟ هي تستاهل قوي كده يعني؟
بجد لو تستاهل انا مستعد انزال الف عليها وشفها انا كده كده بغير عربيتي اصلا.. بس هروح التوكيل واشوف معملتهم إزي مع الناس الأول كمان
اقتباس:
المشاركة الأصلية كتبت بواسطة dreamaker
باشا من غير تريقة الله يخليك احنا مش بنقارن بين البي ام اللي معاك بالجين2
احنا بس بنصحح معلومة مش اكتر ومش بندافع عنها ولا حاجة دي في الاول وفي الاخير حتى حديدة
بس انا برده عايز افهم منك انت تقصد العربية اللي انا رافع صورتها دي ولا مش هيا
وحاجة كمان .. اتحداك تجيب موضوع هنا بيقول ان فيه عيب في الفتيس سواء اوتو او مانوال لان مفيش حد ابدا اشتكى منه زي ماقولتلك ولعلمك انا معايا واجا بتجيب ال 100 في 12 ثانية زي ماقولتلك اوتو ومجربها كتير ودايما بحرق وكيك داون والحمد لله مفيش اي مشاكل
يمكن صحبك ده هاين العربية شوية او مش مهتم بيها علشان كدة تلاقي الموتور مفوت ولا حاجة والسحب مش حلو
بس زي ماقولتلك انك شكلك بتتكلم عن عربية تانية خالص غير اللي احنا نعرفها
ياريت تركز معايا شوية الله يكرمكاقتباس:
المشاركة الأصلية كتبت بواسطة DReaMaKeR
ماتور ايه اللى لوتس ، انا قولت العفشة اللى لوتس ،و الفتيس قولت انه ميتسوبيشي ، الماتور مجبتش سيرة عن نوعة وهو على العموم اسمه كامبرو صناعة ماليزي 100%
، ولو فعلا حصل حاجة فى الماتور وتبع الضمان اكيد حضرتك عارف ان الجزء المعطوب بيتغير بالكامل يا إما الماتور كله بيتغير ، مش محتاج انه يجيب حد إلا لو كان فى حاجة ناجمة عن سوء استخدامه ،
بالنسبة لسحب الأوتو ، انا اوتو وموضوع السحب دة مش ملاحظ فيه حاجة العربية من 0 : 100 فى 12 ثانية تقريبا وأستاذ توت كان عامل موضوع عن إختبار قيادة للعربية سجلت فيه 11 ثانية فى "آخر موديل" فتيس اوتو ، http://www.nilemotors.net/Nile/135150-a.html
أما موضوع أننا ادخل قسم بروتون ، يعني حضرتك متخيل أننا بدخل الموقع دة كله ليه اصلاً ؟! ، أنا معرفش حد عند مشاكل فى العفشة فى القسم ،
اما صحبك اللى انت قولت انه عمال يقول اي كلام ، فتوقع ان كل كلامه اى كلام ، و عمال يقولك حاجات ملهاش اى اساس من الصحة و انا شايف انك يا تغيره يا تغير عربيته مع الإعتذار له .
وواطية ك ركوب ، دة بيختلف من شخص للآخر ، يعني دى أذواق ، والمرة الجاية تبقي أعدل ارتفاع الكرسي وانت قاعد عليه يمكن الأحساس دة يروح ، لو كنت ركبت تشارجر مثلا بالكابوت بتاعها اللى بيجيب لآخر الشارع مكنتش هتلمح حاجة منه اساساً .
وموضوع إحنا بندافع عنها ، أحب اوضح لحضرتك أن كل اللى فات دة بنصحح لك معلوماتك مش بندافع عن العربية ، و العربية مش محتاجة حد يدافع عنها أصلا ،
إما موضوع هي تستاهل قوي كدة فأنا شايف " يعني رأي شخصي غير ملزم لك ولا لأي عضو " انها احسن من عربيات كثير ملهاش لازمة ثمنها أعلي 150 الف فى مصر حالياً ، وهي انسب سيارة فى نفس الفئة بموصفات أمان ممتازة .
شباب.. مش عيب انكوا تدفعوا عن العربية
بالعكس.. انتوا كلمكم رجع شجعني ابص عليها تاني وافكر فيها
انا اتعرض عليا 2008 مشيه 50 الف اوتو فيها كل حاجه انا محتجها معدى طبعا فتحه السقف وهي مش موجده في جين 2
كل ده ب 60000 من كام شهر
ورفضتها علشان وانا بسأل اتقلي إلي قولته هنا
عموما جزاكم الله كل خير.. انا هرجع تاني واشوف وسأل عليها لإن سعرها مغري جدا زيماقولت
بالنسبه لقسم البروتن.. انا شايف موضوع فيه بتاع الاعطال اناس بتشتكي من عفشة الجين 2 بس صراحه مش هعرف اقراه تاني
بس بص على اخر صفحه موجوده دلوقتي
--------------------------------------------
مساء الخير
انا معايا جين 2 2009 و عندى مشاكل كتير فى العربيه
1- الزجاج الامامى بيعلق مبيفتحش اكتر من النص
2- المالتى فنكشن بيعلق من ساعة ما استلمت العربيه و كل مره فى الصيانه يتقالى مش موجود
3- اصوات تزييق من التابلوه و فتحات التكيف
4-صوت خبط فى المساعد الامامى يمين فى الحفر و المطبات
5- صوت تزيق فى المساعدين الخلفيين لو حد ركب ورا مع المطبات
6-خبط جامد فى الدركسيون فى الاماكن المكسره
7- الكاسيت ما بيخرجش الاسطوانات
العربيه موديل 2009 مانيوال 32000 كم
شاسيه :183211
موتور:4308
محمد عبد الشافى
0109751150
---------------------------------------------------------
واحد زي لو بيفكر يشتري ويلاقي كذا واحد بيقول كده اكيد مش هيشتري ويقول العربية مش تمام
والله كنت بحترمها خلتنى اعيد النظر فيها