حاحجة غريبه في تجديد الرخصه الخاصه بتاعتي

**mahfouz1983** · 16-09-2011 06:51 PM

الرخصه الخاصه بتاعتي بتاع القياده انتهت المهم انا اول مطلعتها كان الكلام سنه 2001 تقريبا وكانت اتسحبت مني مخالفه حزام علي طريق دمياط وبالتحديد في كمين كان مشهور قوي في شربين المهم الرخصه قعدت اياميها حوالي شهرين او ازيد لحد مجت ولكن وانا بطلع شهاده المخالفات بتاعتي ملقيتش المخالفه دي موجوده هل سهو من الداخليه ولا ضاعت ولا سقطت حد يفهمني هو الحمد لله انها مجتش بس ممكن حد يفهمني

**aboomar22** · 16-09-2011 07:01 PM

هو حضرتك استلمتها من غير ماتدفع المخالفه المفروض انك بتدفع المخالفة وبتستلم الرخص

**إبراهيم المصرى** · 16-09-2011 07:20 PM

ممكن يكون اللى سحب الرخصه نسى يحرر مخالفه ومشيت وهكذا مدققش كويس اللى جت على اد كده الحمد لله

**mohammedabdallh** · 16-09-2011 07:38 PM

فكرتنى بعربيتى كانت واخده مخالفه علشان دوست على الخط الابيض وانا اصلا مكنتش دايس عليه المهم وانا برخص روحت علشان اطلع شهادة المخالفات ملقتشى عليها مخالفات قعد اقول لهم انى عليا مخالفه اخويا كان معايا سعتها قام شدنى وقالى هو انت عاوز تدفع فلوس وخلاص

**Dr_Mido** · 16-09-2011 07:48 PM

بيبقى سهوا انا مرة قطعت اشارة الرمايه بسرعه وهى منورة احمر للاتجاة المخالف وطبعا ده خطاء منى بنسبه 600% وكنت هعمل سلسله كوارث لانى كنت هتعجن فى وسط الطريق بس طبعا الكلام فى التليفون اول معديت لقت لواء وقفنى بص على الرخص وقلى انزل لف حوالين العربيه و ادانى الرخصه و طلع الدفتر و كتب بيانات العربيه وقلى امشى لحد النهاردة ملقتهاش فى الملف

**mahfouz1983** · 17-09-2011 12:50 AM

يومها الظابط رخم عليا ومرضاش يخليني ادفع فوري عشان الرخصه تتسحب واتعزب علي ماتيجي وبعدين انا مكنتش سايق عربيتي يومها كان واحد صاحبي شاري عربيه اوبل جديده وكان فرحان بيها قوي المهم قالي انا الي هسوق وهو مش معاه رخصه وفرحان بقي انه رايح راس البر ونا كنت قاعد جنبه بس عشان انقز الموقف اتضريت يومها اقدم رخصتي الي كنت لسا مطلعها يومها وكانت والله لسا بشوكها يعني الموضوع كله عشان انا فديت صحبي من عشر سنين ومش معقول اني اروح اقولو دلوقتي هات المخالفه ابقي انسان تيت هههههه