الموضوع: لكل من يريد شراء byd f3 ملاكي سواء MT or AT

نسيت اقولكم حاجة مهمة لما رحت التوكيل شفت السيارة الجديدة موديل 2012 وهيا byd g3
سيارة روعة جدا ومن الامام تحس انها اوكتافيا الجديدة ومن والخلف تحس انها هيونداي سوناتا
وسألت عنها قالوا انها لسه جاية حالا من الجمارك وتقفيلها صيني على ما اعتقد لأن الاكسسوارت والأبواب والشكل العام ينطق بالتقفيل الصيني والله أعلم.
وإن شاء الله تسأل قريب عنها وينزل سعرها قريب في الأمل ويمكن دي مفاجأة الأمل لعملائها.

شوف يا سيدي انا تقريبا الوحيد عالمنتدى الي عنده العربية دي تاكسي........و ان شاء الله اجاوب و ارد عليك الرد النموذجي.......

المشاركة الأصلية كتبت بواسطة mostakbal5000

السلام عليكم أعضاء منتدى نايل موتورز
قسم السيارات الصيني

و عليكم السلام و رحمة الله و بركاته...............نورت و شرفت القسم

أحب أن أقول وبكل صراحة إني معجب بالسيارة جدا
ومفيش اعتراض عن جميع المميزات اللي شوفتها واللي سمعتها من سواقين التاكسي
وتقريبا مش بركب اي تاكسي غير تاكسي البي واي دي الجميل وبنبهر جدا بكل امكانيتها وصفاتها
رغم سعرها البسيط وقطع غيرها اللي على قد الايد وده مش كلامي ده كلام سواقين التاكسي
وعلى فكرة وبإجماع سواقين التاكسي العربية حلوة جدا ولكن
ينفع اشتريها ملاكي ولا علشان تاكسي تبقى حلوة

بالنسبة للنقطة دي فيها حاجتين ....اولا انتشار السيارة كتاكسي بيفيد ملاك العربية الملاكي جدا في الصيانات و قطع الغيار و سعر اعادة البيع ..............العربية المنتشرة كتاكسي عموما يا اما بترفع من قيمة العربية لو عربية كويسة يعني بيتقال ايه ... شغالة تاكسي و بتهلك مع السواقين و ماسكة نفسها تبقا عربية كويسة.....يا اما العكس يقولك العربية نزلت تاكسي و مجننة السواقين و مش بتستحمل معاهم و هكذا............الحاجة التانية هي ان الناس في مصر عايقة شوية ممكن واحد يقولك ايه لا انا مركبش عربية منتشرة تاكسي......فاهم النظرية؟؟؟
و على فاكرة عمي معاه العربية و برضه تاكسي و معدية ال 90 الف و الحمد لله لا يوجد عيوب

مش هتفرق طيب أيه المشكلة ؟
مفيش سواق تاكسي العداد بتاع عربيته عدى الخمسين الف كيلو إلا وقال بعض العيوب في السيارة
رغم إنه قال مميزات كتيرة عن العيوب
والعيوب المجمع عليها :
1- تيل الفرامل لاااااااااااااااازم يتغير كل فترة قصيرة (ويمكن علشان استهلاك التاكسي اعلى من الاستهلاك الشخصي في الملاكي) .

لا و انت الصادق عشان سواقة سواقين التاكسي زفت زفت زفت واخدين عالعربيات الكنب الي كانوا راكبينها قبل ما يسلموها في الاحلال و ياخدو عربيات زيرو و برضه اغلب العربيات صحابها بيشغلوا عليها سواقين معندهمش ضمير بيهلكوا العربية و مبيبقاش قلبهم عليها............بس ده طبعا مش الغالب انا والدي كان عنده بيجو 504 تاكسي و سلمها و جاب ال f3 وعشان سواقته هادية و كويسة العربية بتعيش معاه و اعطالها نادرة ..........يعني الموضوع في النهاية حسب الاستخدام...و بالنسبة لتيل الفرامل العربية داخلة معانا في ال 20 الف و لسا التيل كويس الى حد ما بس هو موجود العيب طبعا و ما نقدرش ننكره و لكن حله بسيط التغيير بتيل التويوتا ....

2- العفشة لاااااااااااااازم تتربط كل فترة وممكن تشتري عفشة من التويوتا وتريح بالك .

كل 5000 كيلو زي كل العربيات و دي حاجة عادية و تركيب عفشة التويوتا احسن طبعا ....

3- لا يوجد عزل كافي للهواء الخارج من الموتور وبسبب كده فيه هواء ساخن من الدواسات وبيسبب قلة كفاءة التكييف وعدم تبريده بالشكل المرغوب فيه ولكن مش عيب قوي اوي علشان تقول عليه مستحيل اصلاحه لكن ممكن في التوكيل أو لو سألت ميكانيكي شاطر.

غير موجود بالمرة و محدش عمره اشتكى الشكوى دي من الملاكي او التاكسي

4- التقفيل المصري مش حلو علشان الشنطة والابواب وخامات الابواب نفسها من جوه سيئة في التركيب وبتحتاج تهبد الابواب ويمكن سمعت ان الكلام ده موجود في كل الصيني مثل الاسبرنزا.

طبعا التقفيل المصري سيء جدا جدا جدا مش في الصيني بس وة لكن في كل العربيات المتجمعة في مصر.....و لكن.........بالنسبة لان انت الآراء دي واخدها من سواقين التاكسي هقولك معلومة صغيرة......اغلب الديفوهات دي ظهرت فقط من العربيات المتجمعة في مصر انما الي استلم التجميع الصيني مفهوش غلطة و حاجة كمان ان العربيات الي نزلت تاكسي في مشروع الاحلال فيها ديفوهات كتير و طلصقة عشان هما عارفين انه الي رايح يستلم عربيته من الساحة لو لقا فيها عيب في التقفيل او الدهان او ما شبه مش هيقولهم مش مستلم مثلا و رجعولي فلوسي............انما الملاكي مفهوش كدة

5- إستهلاك البنزين عاااااااااالي مش معقول خالص ولذلك هتلاقي بعض التاكسيات اللي اشتروها ومشي بيها الخمسين الف كيلو او اقل حولها غااااااااااز وشوف الاستيكر على الزجاج الخلفي لشركة الغاز هتلاقي فيه تاكسيات كتيرة إلى حد ما.

اولا اغلب العربيات هما مش حولوها لغاز انما هي نازلة غاز اصلا من الاحلال.......استهلاك البنزين مش عالي ابدا ابدا ابدا بالعكس نموزجي جدا جدا بالنسبة لعربية 1600 cc و بيوصل ل 300 و 320 كيلو في الصفيحة ( 20 لتر ) في الطوالي و 270 او 280 داخل المدينة ......و لكن سواقين التاكسي مهملين في النقطة دي مع الصيانة ......... في توبيك هنا انا قريته لواحد صاحب عربية ملاكي كان زهقان من فرع القطامية و بيشتكي من ان الاستهلاك عالي و راح عمل الصيانة في فرع الاسكندرية و العربية اتظبط معاه و بقت بتعمل ال 320 و 300 في الصفيحة .........و بالمناسبة ليا تجربة مع الغاز في العربية دي لو حابب تسمعها قولي و انا احكيهالك و هي تجربة رائعة و بتبين اد ايه العربية جيدة جدا

6- إعادة البيع في التاكسي شغاااااااااال وبالسعر اللي تحبه ويكون معقول لمواصفات واستعمال السيارة ولكن الملاكي قليل الموجودين منه واللي عايزنه وإن كان مستعمل فسعر الجديد مش غالي علشان يشتري مستعمل إلا في حالات إستثنائية ولكن بوجه عام البيع في الملاكي قليل جدا يكاد يكون محدود.

الكلام ده كان زمان انما حاليا في اربع شهور بس العربية نطت من 69 الف ل 72 الف جنيه سعرها بيعلى و الاقبال بيزيد و المعروض مستعمل قليل و سعر المستعمل بيعلى جدا جدا حاليا

طيب مفيش مميزات في السيارة خالص لاااااااااااااااااااا طبعا فيه ويمكن اكتر من العيوب:
1- الموتور ميتسوبيشي اربعة سلندر 1600 سي سي و 107 حصان.
2- الاوبشنز تقارن بالسيارات الاعلى منها في السعر والماركة والصناعة.
3- الثبات على الطريق السريع لو انت بتسافر كتير هتحس بالثبات الجذاب ليها.
4- إملا السيارة أشخاص و شنط ولو فيه شبكة املاها ولا يهمك سيارة بتتحمل وبشاهدة سواقين التاكسي في الصيف وتوصيل الناس للمصايف.

البندين 3 و 4 احلى حاجتين في العربية و بتفكرني فعلا بالاسد البيجو ال 504 ( العربية الدكر )

5- تسحب معاك ومتقولش لأ حتى لو مشغل التكييف ومحملها ناس.

طب اسمع دي .........العربية ماشية غاز و التكييف على 4 و في عز الحر و السرعة 160 و محملة 5 ركاب و الشنطة مليانة و في شنطة عالشبكة و ماشية زي الاسد و لو قرصت كانت هتجيب تاني يمكن لحد 180 ( الله اكبر الله اكبر اللهم لا حسد )

6- توكيل السيارة كويس وبشهادة سواقين التاكسي وكمان فرع اسكندرية ممتاز.

دي بيقا بالزات جلت منك عشان التوكيل ازفت من الزفت المزفت ( لا مؤاخذة ) و لازم تاخد حقك بالدراع و بالخناق و لكن ميزته الوحيدة رخص اسعار طقع الغيار الاصلية بصورة رائعة......و بتتغلب على مشكلة التوكيل انك تخطف رجلك لغاية اسكندرية تعمل الصيانة هناك و ترجع علطول فركة كعب كلهم 230 كيلو بس

7- الإضاءة للفوانيس فوق الممتاز ومش بتقل مع الوقت .
8- العربية فيها 2 وسادة هوائية لاقدر الله في حالة الحوادث وفرامل مانعة للإنغلاق.
9- فرش السيارة فاخر وشغاااااااال معاك حتى لو عندك عيااااااااااااال.
10- شكل السيارة روعة ويجذب الانظار إليه ويعطي فخر لصاحبها وتشبه الهوندا والكامري.
11- قطع الغيار متوفرة ومش غالية وممكن تبدلها بالياباني تويوتا كرولا 2004 إلى 2007.
12- السعر خارج المنافسة (سعر ممتاز 82000 اوتوماتيك موديل 2012 و 72000 مانيوال)

كلام مظبوط

يا جماعة انا عايز اقول كل الكلام اللي سابق ذكره مش كلامي ده يعتبر مثل تقرير عن السيارة مع سواقين التاكسي وتجاربهم وده لأني كنت مش بركب تاكسي غير بي واي دي مثلما ذكرت وعلشان كده حبيت اقول تجارب الناس معاها ورأيهم فيها وعلى فكرة أنا لا مع ولا ضد شركة الامل
لكن موضوع التوكيل والصيانة في القطامية أو اسكندرية دي مش قصة ده مجرد دورية الصيانة يعني سواء هنا او هناك مش فارقة كتير ولكن أتمنى أن تنتشر مراكز صيانة في عدة محافظات وشكرا

هنا من هناك تفرق فرق السما عن الارض على فكرة ......
منتظر الردود .......................

منتظر ردك ....

المشاركة الأصلية كتبت بواسطة darsh_

شوف يا سيدي انا تقريبا الوحيد عالمنتدى الي عنده العربية دي تاكسي........و ان شاء الله اجاوب و ارد عليك الرد النموذجي.......



منتظر ردك ....

مش عارف أقول لحضرتك أيه غير إن حضرتك تفاعلت مع كل نقاط الموضوع بخبرتك وتفاعلك مع من يملكون السيارة الجميلة byd f3
وعلى فكرة أنا ذكرت إني مبهور بيها اوي لكن هقول أيه
الناس مش سايبة غلطة ولو صغيرة للصيني
رغم إن فيه عربيات اسمع بعيوب خطيرة فيها مثل الكيا سيراتو و الكارينز و الفيرنا والنيسان وغيرها .
ورغم ذلك إذا شاهدت المقارنات بين هذه السيارات وبين byd f3 تلاقي الناس بترد بإسم السيارة اليابانية أولا لأنها معروفة ببلدها ومش بأدائها وجودتها

وعلشان كده قررت إني أشتري byd g3 مش f3 علشان أكيد هيكون فيها مواصفات جديدة وسعر أفضل ويمكن يكون منها تاكسي وسعتها لو مقدرتش اشتريها مش هبطل اركبها تاكسي

بس لو شفت كل مواضيع القسم هتلاقي الناس مهتمة بالمميزات والعيوب للسيارة
رغم إنهم من جواهم تلاقي قبول من غير ما يسمعوا لكن علشان سمع كلمة صيني قال لازم أتأكد أحسن يضحك عليا

نفسي بقى القسم يتحول من مميزات وعيوب إلى إزاي تهتم أفضل بسيارتك byd f3 وتجعلها مثل السيارات الالمانية في جمالها وثباتها ونجعلها تستهلك بنزين أو غاز بأقل ما يمكن عن السيارات التي من فئتها..........

منتظر ردود محبي byd f3.......................

اللون الاحمر مخصص فقط للمداخلات الادارية
مشرف 7ب

المشاركة الأصلية كتبت بواسطة mostakbal5000

السلام عليكم أعضاء منتدى نايل موتورز قسم السيارات الصيني
أحب أن أقول وبكل صراحة إني معجب بالسيارة جدا
ومفيش اعتراض عن جميع المميزات اللي شوفتها واللي سمعتها من سواقين التاكسي
وتقريبا مش بركب اي تاكسي غير تاكسي البي واي دي الجميل وبنبهر جدا بكل امكانيتها وصفاتها
رغم سعرها البسيط وقطع غيرها اللي على قد الايد وده مش كلامي ده كلام سواقين التاكسي
وعلى فكرة وبإجماع سواقين التاكسي العربية حلوة جدا ولكن
ينفع اشتريها ملاكي ولا علشان تاكسي تبقى حلوة
مش هتفرق طيب أيه المشكلة ؟
مفيش سواق تاكسي العداد بتاع عربيته عدى الخمسين الف كيلو إلا وقال بعض العيوب في السيارة
رغم إنه قال مميزات كتيرة عن العيوب
والعيوب المجمع عليها :
1- تيل الفرامل لاااااااااااااااازم يتغير كل فترة قصيرة (ويمكن علشان استهلاك التاكسي اعلى من الاستهلاك الشخصي في الملاكي) .
انا معايا ملاكي مش ظاهر العيب ده حتى الان ولو ظهر مش مشكلة اديها تيل تويوتا ياباني

2- العفشة لاااااااااااااازم تتربط كل فترة وممكن تشتري عفشة من التويوتا وتريح بالك .
المشكلة مش فى العفشة العيب عيب طرق فى بلدنا وعموما هي بتختلف حسب المشي و اسلوب اللى بيسوق والله لو راكب مرسيدس و بي ام ممكن يهلكها بس هي الناس مركزة بس مع الصيني حبتين.
3- لا يوجد عزل كافي للهواء الخارج من الموتور وبسبب كده فيه هواء ساخن من الدواسات وبيسبب قلة كفاءة التكييف وعدم تبريده بالشكل المرغوب فيه ولكن مش عيب قوي اوي علشان تقول عليه مستحيل اصلاحه لكن ممكن في التوكيل أو لو سألت ميكانيكي شاطر.
موجود العزل
4- التقفيل المصري مش حلو علشان الشنطة والابواب وخامات الابواب نفسها من جوه سيئة في التركيب وبتحتاج تهبد الابواب ويمكن سمعت ان الكلام ده موجود في كل الصيني مثل الاسبرنزا.
الفتح والقفل بيتظبط فى التوكيل ومش كل العربيات فيها مشكلة ابواب المشكلة اللى موجودة على طول هي الشنطة بس ودي بتتظبط فى التوكيل و بيكون الكالون مرحل حاجات بسيطة بيظبطوا وبيرجع سهل جدا فى قفله.
5- إستهلاك البنزين عاااااااااالي مش معقول خالص ولذلك هتلاقي بعض التاكسيات اللي اشتروها ومشي بيها الخمسين الف كيلو او اقل حولها غااااااااااز وشوف الاستيكر على الزجاج الخلفي لشركة الغاز هتلاقي فيه تاكسيات كتيرة إلى حد ما.
اهي دي بقة قلشت منك خالص لانها الوحيدة 1600 واقتصادية جدا فى البننزين زي ما قال اخونا درش لو الدنيا بيظة معاك الصفيحة هتعملك 250ك ولو سفر حلال عليك 340ك وعموما انا اعرف سواقين تاكسي العربية نازللهم غاز وقالو هيمشو بالبنزين لانها موفرة وهيأجلو الغاز شوية وهو كله من عمر الماتور.
6- إعادة البيع في التاكسي شغاااااااااال وبالسعر اللي تحبه ويكون معقول لمواصفات واستعمال السيارة ولكن الملاكي قليل الموجودين منه واللي عايزنه وإن كان مستعمل فسعر الجديد مش غالي علشان يشتري مستعمل إلا في حالات إستثنائية ولكن بوجه عام البيع في الملاكي قليل جدا يكاد يكون محدود.
محدش ملاكي يذكر يعني حب يفرط فيها ولو حد عمل كده هيكون بيفكر في g3 وانا واحد منهم لاني ببساطة وثقت فى byd وده لسبب انهم بيعملو عربية كويسة فيها اوبشنز محترمة ومفيدة بسعر منافس فى السوق.
طيب مفيش مميزات في السيارة خالص لاااااااااااااااااااا طبعا فيه ويمكن اكتر من العيوب:
1- الموتور ميتسوبيشي اربعة سلندر 1600 سي سي و 107 حصان.
2- الاوبشنز تقارن بالسيارات الاعلى منها في السعر والماركة والصناعة.
3- الثبات على الطريق السريع لو انت بتسافر كتير هتحس بالثبات الجذاب ليها.
فعلا بحس انها خليفة 504 الدكر
4- إملا السيارة أشخاص و شنط ولو فيه شبكة املاها ولا يهمك سيارة بتتحمل وبشاهدة سواقين التاكسي في الصيف وتوصيل الناس للمصايف.
5- تسحب معاك ومتقولش لأ حتى لو مشغل التكييف ومحملها ناس.
6- توكيل السيارة كويس وبشهادة سواقين التاكسي وكمان فرع اسكندرية ممتاز.
7- الإضاءة للفوانيس فوق الممتاز ومش بتقل مع الوقت .
8- العربية فيها 2 وسادة هوائية لاقدر الله في حالة الحوادث وفرامل مانعة للإنغلاق.
9- فرش السيارة فاخر وشغاااااااال معاك حتى لو عندك عيااااااااااااال.
10- شكل السيارة روعة ويجذب الانظار إليه ويعطي فخر لصاحبها وتشبه الهوندا والكامري.
11- قطع الغيار متوفرة ومش غالية وممكن تبدلها بالياباني تويوتا كرولا 2004 إلى 2007.
12- السعر خارج المنافسة (سعر ممتاز 82000 اوتوماتيك موديل 2012 و 72000 مانيوال)

يا جماعة انا عايز اقول كل الكلام اللي سابق ذكره مش كلامي ده يعتبر مثل تقرير عن السيارة مع سواقين التاكسي وتجاربهم وده لأني كنت مش بركب تاكسي غير بي واي دي مثلما ذكرت وعلشان كده حبيت اقول تجارب الناس معاها ورأيهم فيها وعلى فكرة أنا لا مع ولا ضد شركة الامل
لكن موضوع التوكيل والصيانة في القطامية أو اسكندرية دي مش قصة ده مجرد دورية الصيانة يعني سواء هنا او هناك مش فارقة كتير ولكن أتمنى أن تنتشر مراكز صيانة في عدة محافظات وشكرا
منتظر الردود .......................

فى النهاية مفيش عربية مفيش فى عيوب ومميزات ولكن فى عربية فيها عيب تصنيع وده شفناه فى عربيات كتييير و ماركات وبتتسحب من السوق علشان تتظبط طيب احنا معندناش الكلام ده فى f3 بس فعلا الناس مركزة و مسلطة الضوء كتير على الصيني و بتتلككله ومش قاردة تفهم ان للاسف الوقت فات على كده ليه لان خلاص القطار غادر المحطة من سنيين فى الصين فى كل المجالات والتكنولوجيا تحديدا وعربياتهم وصلت اوربا وامريكا قبل ما تجلنا هنا ونجحت و عملو عربيات خضراء دلوقتي و اكتسحو بها الاسواق العالمية واحنا هنا لسة يدوبك بنفكر اركب صيني ولا لاء طب البنزين طب نظرة الناس طب الشنطة طب لما اجي ابيع طب...................طب.............طب هو الواحد منا مغسل وضامن جنة سبحان الله بنفكر فى بيع العربية قبل ما نشتريها سبحان الله بقينا بنستخسر فى نفسنا نستمتع بالحاجة الاول يا جماعة من الاخر العربيات الصيني فيها حاجات محترمة جدا ونجحت جدا في مصر ومنها البي واي دي فمن الاخر علشان منتعبش بعض الله يباركلكم وكل واحد فينا الفترة اللى جاية يفكر فى شغلوة ويركز فيه لان البلد محتجانة اللى معاه فلوس يتوكل على الله لو عجباه البي واي دي ويشتريها واللى نفسو فيها ومعهوش بندعي له ربنا يوسع علية ويجبها امنو وريا اللهم يامالك الملك وسع على كل عبد نفسه فى السيارة وارزقه من حيث لايحتسب يا مجيب الدعوات ........ امين

انا احب اشكر كل الناس اللى شاركت برايها فى الموضوع ده لانهم افادوا ناس كتير وانا من ضمنهم طبعا
لانى حاليا حاجز byd f3 manual موديل 2012 وده طبعا بعد اخذ اراء ناس كتير سواء من النت او من ناس معاهم العربية فعلا او من سائقين تاكسى وفعلا اللى سمعته عن عيوبها لا يذكر بالمرة بالنسبة لمميزاتها اللى سمعتها

المشاركة الأصلية كتبت بواسطة memos

انا معارض الاخ الكريم اللي بيقول ان العربيه بتوصل لغايه 250 جوه البلد الصراحه ودي شكوي عامه العربيه من 175 في الصفيحه وحتي 200 ودي اقصي حاجه وعملت صيانه في مصر واسكندريه وبرضه الموضوع ما بيتغيرش وكان الاخ باسم قالي علي موضوع بعمله وانا سايق اني بقرص علي الغيار لحد ما يجي rpm لحد 4 وان الموضوع ده بياكل بنزين وعدلت من طريقه سواقتي وبقيت اخر الغيار يوصل rpm لحد 3 وبرضه مافيش فايده برضه العربيه اخرها 185 في الصفيحه لدرجه ان فيه واحد صاحبي معاه لانسر بومه خليجي وبضحك عليه وبقوله ان العربيه بتعمل 200 في الصفيحه قالي ليه هي 2000 سي سي وان عربيته بتعمل 280 جوه البلد والغريب ان الموتور بتاعنا هوهو البومه بس مش عارف ايه الفرق

انت مش مصدق و ده حقك بس ده الواقع و عن تجربة شخصية...........عربيتك فيها مشكلة جامدة لازم تعرف فيها ايه و انصحك تابع تاني مع المهندس اسامة مبروك في الاسكندرية