المشاركة الأصلية كتبت بواسطة misoalex
انا مستغرب بصراحه من الردود اللى بتقول ان مينفعش ظابط شرطه يكلمه
ضابط الشرطة مش هيكلمه، ضابط الشرطة هيعلي صوته عليه و يخوفه، وده قمة الغلط.
امال لما الطفل ميسمعش كلام ابوه ويخاف منه وميسمعش كلام الظابط ويخاف منه او على الاقل يعمله حساب
امال الطفل حيخاف من مين ويعمل حساب مين ؟؟؟؟؟؟؟
مين قال مايسمعش كلام أبوه؟!!
ده طفل صغير ماكملش 3 سنين و هو شايف إن أبوه بيلعب بالعربية و هو كمان عايز يلعب، و ده -من وجهة نظر الطفل- مافيهوش حاجة غلط و عشان كده هو مصمم يسوق.
إنما لما يكبر أكيد هيغلط في الأول نبهه لغلطه و عرفه إن ده غلط و إنه لو كرره هيتعاقب و تعرفه هو هيتعاقب بإيه (بلاش ضرب، ممكن تحرمه من حاجة بتجيبها له أو تشيل لعبة بيحبها لمدة يومين تلاتة) و لما يكرر نفس الغلط نفذ العقاب، لو غلط نفس الغلط مرة تالتة استخدم القسوة معاه.
وعمالين بنعايب ونشتم على الجيل الجديد مهو اكيد اتربى بنفس الطريقه
لأ طبعًا، الجيل ده مش كله وحش، و الوحش فيهم مش متربي أصلاً لا في البيت و لا في المدرسة، و أنت عارف إللي حصل للمدارس أيام حسين كامل بهاء الدين.
هو لما يطلع مبيخافش من حد ويحترم كلامه حيخاف من مين ومين حيبقى كبيره بعد كده ؟؟؟؟؟؟؟؟؟
دي نتيجة عدم التربية.
إنما لو متربي صح هيبقى عارف حدوده فين و إيه إللي ليه و إيه إللي عليه و هيحترم الكبير و الصغير و ماحدش هيقدر يتعدى عليه، إنما لما تعوده من صغره إنه دايمًا بيتعاقب على حاجة هو شايفها صح (لأنك مافهمتوش بالعقل الفرق بين الصح و الغلط) لما يكبر هيطلع خواف.