عرض للطباعة
ازيكم يا شباب
أخباركم ايه؟!
يارب تكونوا بخير جميعا
في الحقيقة معروض علينا من شركة اتصالات انها تعمل معانا عقد لمدة 5 سنوات عشان يحطوا محطة تقوية ارسال فوق البيت :36_1_37[1]:
بغض النظر ان المبلغ مغري لكن اولا واخيرا تهمني سلامة الناس !
قريت مقالات كتيرة عن ضررها ومن ناحية تانية برده قريت مقالات تانية من مرفق الاتصالات وحقوق الانسان وغيرها عن سلامتها التامة وفي الحقيقة انا متحير جدا
هل هي فعلا ضارة واللا هي مش ضارة وسليمة!
لو حد عنده معلومات اكيد يا ريت يفيدني !
وجزاكم الله خيرا
مفيش ضرر لو هيعملوها بالمواصفات القياسيه المظبوطه ... تضمن ده؟
تانى حاجه لو محطه موجهه هتتعب الناس اللى ساكنين ناحية التوجيه ... لو مش موجهه هتتعب اللى ساكن تحتها ... تتعبه يعنى ممكن تلاقى صداع و كده و ده بيختلف من شخص للتانى....
مفيش حاجة اسمها محطة موجهة و غير موجهة و تتعب الناس الموجهة عليهم او تحتها
اولا المحطة بيتفرش تحتها حصيرة خرسانية
ثانيا الستاندارد المصري في الامان اضعاف العالمي يعني ماتخافش خالص
ثالثا الجمعية الامريكية للسرطان نفسها قالت انها مش ضارة
سيبك من الابحاث بتاعة تخت بير السلم اللي بتتنشر في الاهرام و روز اليوسف من صحفيين غير مختصين اساسا
جزاكم الله خيرا يا شباب
يعني اتوكل على الله ونمضي معاهم العقد؟!
ولو كدة العقود دي المفروض اسعارها قد ايه تقريبا؟!
وممكن بعد ما يكبوها كمان يا فندم تطلب لجنة متخصصة من الجهاز مش عارف ايه القومي ده كده حاجة للإختبارات تطلب قياس المدى الإشعاعي للتاور ذات نفسه وتمضي الشركة على انه المعدل ده ها يفضل ثابت :d
فعلا مفيش منها اي ضرر
ولو فرضا ليها ضرر مش هيبقى اد ضرر الموبيل ال بيبقى لازق في ودنك
اهم حاجة تخلي بالك من الجيران عشان هتلاقيهم بصنلك فيها و هتلاقيهم جايين يتخانقو مع الناس ال جاية تركب و عاملين نفسهم خايفين على صحتهم و كل واحد فيهم بيسحب المهندس يقولو تعالى ركب عندي انا و محدش هيكلمك
طب هم بيختاروا على اي اساس
شبكة فودافون فوق راسي بقالها 11 سنة
انا اخر دور
اتركبت امر واقع بموافقة كل السكان
كتير قالوا ان مالهاش ضررلانها معمولة بالمواصفات
والشركة على طول بتيجي تعمل صيانة ومرتين غيروا كل القطع بتاعتها وجددوها
بس ربنا يستر
بالظبط كدا حاول على قد ما تقدر الحكاية دي تتم في هدوء عشان لو جيرانك مش خالصين ممكن يبوظوا الدنيااقتباس:
المشاركة الأصلية كتبت بواسطة aly_hosny
وبالنسبة للضرر فا اعرف ناس هنا فوق بيتهم برجين مش واحد و مفيش حد فيهم اشتكى من اي حاجة
نفس الكلام عند وااحد صاحبي فوق عماراتهم بقالها بتاع 5 سنين
ومافيش اي مشااكل
اقتباس:
المشاركة الأصلية كتبت بواسطة ashraf_ibrahim
ياريت اجابة علي السؤال ده من الناس المجربة
كلام جميل جدااقتباس:
المشاركة الأصلية كتبت بواسطة sayed911
ماشي يا حج علي كلامك سليم واللهاقتباس:
المشاركة الأصلية كتبت بواسطة aly_hosny
خلاص ان شاء الله اخلي الموضوع يمشي في سرية تامة لحد ما الناس تلاقي البرج اترفع فجأة !
تقريبا اعلى بيت في المنطقة !اقتباس:
المشاركة الأصلية كتبت بواسطة age
كلام جميلاقتباس:
المشاركة الأصلية كتبت بواسطة nonetta
شكرا يا أ/ أسامةاقتباس:
المشاركة الأصلية كتبت بواسطة osama.m
تمام تماماقتباس:
المشاركة الأصلية كتبت بواسطة magyver
في انتظار الاجابةاقتباس:
المشاركة الأصلية كتبت بواسطة ahmed88hassan
يعني هل العقود دي بأسعار ثابته واللا حسب ايه بيتم تحديدها بالظبط؟! :grin21:
خد منهم شروطهم وفكر
وحاول انت تتصل بالشركتين التانيين وشوف الشروط عندهم والاسعار
يعنى تعمل مقارنات والاحسن لك اتعامل معاه
ممكن الشركتين التانيين يكونوا مش محتاجين المكان
فهيكون قدامك اختيار واحد
وممكن يكونوا عايزينه وانت المستفيد
قيمة العقد بتتحدد حسب المنطقه
الله المستعان
يا مسهل هبعت اجيب الراجل ونشوف ايه النظام بالظبط !
هو قلي في حدود 2000 شهريا كدة كويس يا شباب ؟!
المكان في شبرا الخيمة ؟!
خلي بالك من الجيران لان بيت ناس قرايبي في الريف اتكسر حتت واتحرق منه جزء بسبب الجيران اللي فاكرين ان البرج ده هيحولهم لمستذأبين ويخلي عيالهم ميدخلوش كلية طب !!
وكان في حادثة فتل في الجرايد بسبب برج اتصالات
الموضوع صعب انك تقنع الناس بيه
الكوميديا ان كل الناس بتسب و تلعن في شركات الاتصالات لما تبقى الشبكة ضعيفة و لا بتقطع و لا النت مش سريع
و كل واحد عايز النت يبقى خمستلاف ميجا في الثانية و المكالمات تجمع من اول مرة و يتكلم ساعتين ما يقطعش و هو في البدروم ........ بس في نفس الوقت مش عايزين محطات خالص لا فوق البيوت و لا فوق بيوت جيرانهم و لا حاجة
الكوميديا السوداء بقى ان علميا كتر المحطات صحي اكتر من قلتها
ليه؟
لان ببساطة شديدة جدا ...... لما المحطات تبقى كتير يبقى متوسط المسافة بينك و بين المحطة بيقل ...... و الاحتمالية ان المحطة تبقى بعيدة عنك بتبقى اقل .......
اما المحطة بتبقى بعيدة الموبايل بيضطر يعلي طاقة الارسال و لما بتبقى بعيدة اوي بيضطر يعليها للماكسيمام
واخد بالك؟ الموبايل اللي لازق في راسك ...... بيضطر يرفع طاقة الارسال
انما اما بتبقى المحطة قريبة الموبايل بيقلل طاقة الارسال
جرب تحط موبايل في منطقة الشبكة فيها ضعيفة و تسيبه من غير ما تتكلم منه و شوف بطاريته هتقعد قد ايه من الشحن الكامل للتفريغ الكامل
خد نفس الموبايل و حطه في حتة قريبة من محطة ..... و سيبه برضه من الشحن الكامل للتفريغ الكامل
هتلاقي فرق رهيب في المدة
صدقوتي المحطة لو بعيدة 6 متر عن البني ادم خلاص مفيش منها اي ضرر
و على فكرة يعني ...... المحطة بتغطي ارسال في دايرة نص قطرها كيلومترات معدودة على اصابع اليد الواحدة
انما مثلا محطة الارسال التليفزيوني او محطة الراديو (زي اللي في المقطم) او لاسلكي الداخلية بيغطي مدينة بالكامل (القاهرة الكبرى) ...... تخيل بقى دي قوة ارسالها ايه؟ على كده كان زمان سكان المقطم تحولوا الى ديك رومي مشوي بالفرن .......
lolاقتباس:
انما مثلا محطة الارسال التليفزيوني او محطة الراديو (زي اللي في المقطم) او لاسلكي الداخلية بيغطي مدينة بالكامل (القاهرة الكبرى) ...... تخيل بقى دي قوة ارسالها ايه؟ على كده كان زمان سكان المقطم تحولوا الى ديك رومي مشوي بالفرن .......
واحد قريبي من كام سنة جيرانه برضه عمله مشكلة و جابوا مأمور القسم و باتوا تحت البيت عشان مش عايزينو يركب البرج عالبيت .... قمة التخلف و الجهل
و في الآخر مركبوش و ركب في ارض فاضية جمبهم برضه !!!
انا بسمع ارقام اكتر من كدا بكتير من ال اعرفهم شغالين في شركات الاتصالاتاقتباس:
المشاركة الأصلية كتبت بواسطة ashraf_ibrahim
بس لو في حد قريب منك راكب عنده اساله
و في الاخر ركبت المحطة جنبهم برضه بس ما اخدوش فلوس !!!اقتباس:
المشاركة الأصلية كتبت بواسطة autotycoon
حصلت مع ناس اعرفها قلبوا الدنيا و رفضوا و بتاع
و في الاخر ركبت عالعمارة اللي لازقة فيهم ....... و الف مبروك ...... "الاوشعاعات" برضه موجودة بس من غير فلوس
حته انه بيتعمل فى اعلى بيت دى معلومه غلط
والفرشه الخرصانيه اللى بتتعمل لحمايه الناس دى برضه غلط دى بتتعمل لتثبيت القواعد ولو حديد مش هتتعمل اصلا
الاخ صاحب الموضوع
ارضى وخلص معاهم لانها لو متعملتش عندك هتتعمل جنبك وانت اللى ممكن تنضر ده لو لها ضرر اصلا
وياريت يركب عندك برج مش بولات و كابينه اريكسون 6000 اوت دور هيوفروا معاك فى السطح جامد
واعمل حسابك ان هيجيلك ناس كتير اول شهر من تسليم واستلام وتصوير وسرقه بطاريات وايرثات وشويه هجص كده
وربنا يوفقكم