الموضوع: تقرير عن تعديل الفانوس وتركيب عدسات لنيسان صني ^_^

السلام عليكم ورحمة الله وبركاته

[gdwl]اولا وقبل اي حاجة انا احب اوجه شكر عام للكل الصقور اللي تعبوا عشان يطلعوا المقابله بالجمال و الروعه دي وبجد انا اتشرفت بمعرفه اشخاص ذوق زي حضراتكم [/gdwl]
[gdwl]

و شكر خاص للاستاذ احمد مصطفي اللي بقوله كلمة واحدة فقط : انت تستاهل كل خير

و كان نفسي الاهلي يكسب ويصعد عشان يبقى اليوم 100 100 بس حصل خير ومفيش حاجه كامله والكمال لله وحده

[/gdwl]

نخش في الموضوع

من اول ما ابتديت اسوق عربيات كانت دايما امنيتي اني اركب زينون
ولكن للظروف محصلش نصيب (127 و132 يبقى حرام عليا لو ركبتلهم زينون)

ولكن بعد ما ربنا رزقني الصني بدأ التفكير بشكل موضوعي ازاي احقق المطلوب

ومن بعض المعلومات المتاحه عن الزينون من المنتدى وبعض المواقع على الانترنت
عرقت ان الشركات اللي اخترعت الزينون (BMW) بتركب الزينون في عربياتها على عدسه
وده لعده اسباب
1- توجيه الضوء صح
2- عدم ايذاء الناس اللي في الطريق المقابل في وشك
3-الشكل وده مش سبب عملى بس حقيقي

وقولت مش هتنازل عن العدسات ل أُززه (دلع العربيه بتاعتي)

ازاي ازاي ازاي ......

ووصلت ان في كيت جاهز بيركب مكان اللمبة اتش 4 على طول
ودي صورته
الكيت ده كنت ناوي اجيبه من خارج مصر لغايه ما الصدفه البحته وصلتني للشخص اللي عدل الفوانيس
مامادو الجولفاوي (محمد بس اسمه كده على الفيس بوك)
وعرفت منه ان الكيت هو بيقدر يتحصل عليه بسكته هو وبضمانه لو حصل حاجه لا قدر الله
وشفت انه من الانسب والاسرع والاغلى انه اشتريه منه واعمل التعديل عنده
لانه ممكن الكيت اللي هاجيبه من بره ممكن يجيي مش زي مانا عايز
(اختلاف بعض المواصفات اللي اتفقت عليها او التساهل في الاختيار )
لكن ده انا شايفه قدامي يا ما اشيل او لأ (مع العلم انه هو هو بالظبط اللي كنت هاجيبه من بره )

وبالتالي تم التواصل والاتفاق

وشفت صور لبعض التعديلات لغايه ما رسيت انا هاعمل ايه بالضبط

وده الشكل اللي اتفقت عليه في البدايه

واتفقنا ان التعديل هيكلف 1200 جنيه شامل العدسه والتعديل

وبعد كده كانت اول خطوه ان انزل التوفيقيه اشتري فانوسين تايواني
عشان انا بحب احتفظ بالاصلي دايما
وقد تم وطلعوا الاتنين ب 650 ارخص سعر في التوفيقيه
وبعد كده رحتله وقابلته واتناقشنا في الشكل اللي هيتعمل
نظرا اني كنت عايز اسيب بعض الاماكن سيلفر زي ماهيه

ودي الفوانيس التايواني

وبعدها بيومين اتصل بيا وقالي
الشكل بتاعكطلع شكله ( ........) وش كدا وبعتلي صوره الشغل
والصراحه كان عنده حق ... كان في خطوط موجوده فوق انا طالبها ومعجبتنيش على الطبيعه
وقررت الغيها

وخلال 3 ايام من تسليم الفوانيس كان الشغل كله خلص والشكل النهائي كالتالي

وبعد كده اشتريت 2 موديول زينون 35 وات عشان العدسه والضفيره بتاعتها 35 وات وناقصه الموديولين فقط
ملحوظه :: وصلت الرينج بنور التابلوه والرينج مدمج في العدسه وليه كتاوت لوحده عشان التوصيل
اللي هيا الصورة اللي تحت على اليمين في صوره الكيت

ونزلت العربيه الجراج وابتديت فك الاكصدام (بمعنى اصح ريحته بس عشان في مسمار للفانوس من تحت يا دوب دخلت بيبا 10 وفكيت المسمار لكل فانوس )
والفانوس مثبت ب 3 مسامير 2 فوق وواحد تحت

وتم توصيل الضفيره كما في الشرح التالي بالظبط

وكانت النتيجه

ودي اضاءه النور الواطي

ودي اناره الضوء العالي

وبصراحه الموضوع والنتيجه مرضيه جدا
والحاجه الوحيده اللي مش عاجباني (لون المبه 8000 )ودي طبعا اذواق
ولكن مستوى الاضاءه والرؤيه لا غبار عليها ما شاء الله

وانا تحت امر اي حد من الصقور في اي استفسار عن الموضوع

واحب اوضح التكلفه النهائيه بالنسبه لي

1- 650 فوانيس تايواني


2- 1200 تعديل وكيت


3- 200 2 موديول زينون hid من التوفيقيه 35 وات


4- ؟؟؟؟ التركيب بالنسبالي انا صنايعي حراق حبتين وقولت احط في الميزانيه مبلغ وقدره واديت لنفسي 2 كانز بيبسي مع اني كنت مستكترهم على نفسي بس يلا انا مسامح نفسي فيهم //(^_^)\\

واتمنى ان اكون قدرت افيد الصقور .. وبالتوفيق للكل

-----------

موضوع ومجهود هائل من العضو
موضوع يستحق التثبيت
مشرف القسم
1ب