انا عايز اساافر برة
ومش عارف اية النظاام واحد صحبي مشجعني وقلي علي حكااية العقوود
انتوا اية رايكوا او يعرف الشركاات دة وبيكونوا صاادقين ولا اي كلام
والعقد مثلا يكون بكااااااااااام
عرض للطباعة
انا عايز اساافر برة
ومش عارف اية النظاام واحد صحبي مشجعني وقلي علي حكااية العقوود
انتوا اية رايكوا او يعرف الشركاات دة وبيكونوا صاادقين ولا اي كلام
والعقد مثلا يكون بكااااااااااام
محدش عارف ولا اية
على عيني يا باشا ارد علييك والله بس انا مش خبير والله
بس انا قريبي كام صيدلي و مقدم في حاجه زي كده شركه و بتعمل انتيرفيوه ة كده و شغال
دلوقتي في الامرات و مرتب كويس ما شاء الله جرب مش هتخسر حاجه
في شركات بتاخد سمسرتها منك و فيه بياخده من الي عايز يشغل الناس
يعني مثلا الامرات عايزه ناس بتقول للشركه الي يتقدم متخديش منه فلوس
و هي بتدفع بس و خد بالك عشان بيبقى ساعات في شركات نصب
ماهو انا عايز اجمع معلومات عن الحوار دة علشان ماعرفش عنة حاااجة
وشكرا علي ردك ياباشا
انا بدور زيك بس مستعجل جدا لانى موظف وخدت اجازه من الشغل خلاص وخايف تتلغى
ياريت لو تعرف ايميلات او تليفونات تبعتهالى
وتابع كده موضوعى هنا
http://www.nilemotors.net/Nile/244919-a.html
انا سافرت كتير
السفر بيكون بكذا طريقه (للخليج)
بس الاول انت بتتكلم عن الفيزا ولا العقد
متابع جدا لاني بدور و مش عارف حوار المكاتب ايه نظامه و عايز مكتب يكون حد مجربه
السلام عليكم
شوف يا صاحبى انا هاحاول افيدك على اد مأقدر لخبرتى المتواضعه فى الموضوع ده انا تقريبا عملت انترفيوهات فى كل شركات السفريات فى مصر السىء منها والكويس وسافرت الامارات عن طريق شركة منهم ودلوقتى انا فى قطر بس انا جيت هنا بفيزا زيارة ودورت والحمد لله ربنا كرم ولقيت شغل
مبدئيا فيه شركات كتير فى كل المستويات منها التعبان ومنها النص نص ومنها المحترم جدا معظمهم يتركز فى مناطق جاردن سيتى شارع القصر العينى والمهندسين شارع احمد عرابى وفيه فى المعادى ومصر الجديدة جسر السويس والهرم ووسط البلد
فيه شركات محترمه جدا جدا والشركة لما تكون محترمه ده بينعكس على العقود بتاعتها وان الكفيل الى بيتعامل معاها بيكون تعاملهم محترم وادمى زى شركة بريمير وده موقعها Premier Services & Recruitment
فى المعادى ابراج سرايا المعادى بعد مستشفى النيل بدراوى وانت جاى من المعادى لوسط البلد على الكورنيش عند نزله الكوبرى فوق المصرية للسيارات وبنك باركليز فى الدور ال3 تقريبا شركة قمة الاحترام بتجيب عقود لبرة الخليج وشغل فى مصر برضه بتتعامل مع معظم الشركات الكبرى فى الخليج زى شركات البترول والمقاولات والبنوك انا سافرت معاهم على بنك راس الخيمة فى دبى على فكرة مش بياخدوا فلوس من الى بيسافر عن طريقهم بياخدوا فلوس من الكفيل بس وعقودهم بتكون محترمة غالبا بيكون الطيران وكل مصاريف الفيزا مش عليك ادخل على الموقع بتاعهم وسجل اعمل اكونت وقدم اونلاين فى الوظيفه الى تلاقيها متناسبة معاك وممكن تبعتلهم CV على الميل
باقى الشركات معظمها ان مكانش كلها بياخد فلوس غالبا بيكون راتب شهرين يعنى لو طالع على مثلا 2000 ريال راتب اساسى بياخد منك 4000 رال يعنى 6000 جنية ومعظمهم اى كلام وعقودهم تعبانة غالبا محاسبين او مندوبين مبيعات براتب من 1500 ريال ل 2500 بالتبر لو انت حديث او خبره سنتين تلاته غير توفير السكن والمواصلات وغالبا التذكره الطيران بتبقى عليك ومعظمهم للسعوديى شركات مقاولات او مؤسسات يعنى شركات تجارية صغيره بتعمل بالتجارة او محلات ومتاجر هما طبعا بيلعبوا على الاوضاع الاقتصادية السيئه فى مصر وبياخدوا عمالة مصرية برخص التراب
انا عندى قائمة فيها كل شركات السفريات بعناوينهم وتلفوناتهم وفاكساتهم وايميلاتهم هابعتهالك وقدم على الميل او الفاكس ولو عايز تاخد لفه على المكاتب دى ممكن اطبع CV وزبط ورقك وروح لف عليهم بس قسمهم لمناطق يعنى جاردن سيتى وشارع القصر العينى يوم شارع احمد عرابى والمهندسين يوم تانى وهكذا بس مش عارف ابعتلك الفايل ده ازاى
بس قولى انت خريج ايه واشتغلت فين عشان اعرف اوجهك لاماكن معينة
بالتوفيق ان شاء الله واى خدمة ياباشا
طيب انا لسه حديث التخرج دفعه السنه ديه و خدت تأجيل من الجيش و متخرج من هندسه عين شمس
ممكن الاقيلي سفر و لا متعبش نفسي ف التدوير ؟؟
و ثانيا شكرا ليك ع مساعدتك ليا و باين ان حضرك خبره ف المواضيع ديه
شوف ياباشا نصيحة منى عن تجربة بلاش تسافر وانت لسه fresh graduate حاول تشتغل فى مصر الاول على على الاقل سنتين او سنه لو جالك بعدها عرض كويس المهندسين ماشاء الله سوقهم فى الخليج دلوقتى ماشى تمام خصوصا مدنى وعمارة للطفرة العقارية والانشائية الى بيمر بيها الخليج دلوقتى بدلماتروح على عرض قليل على اساس انك تتعلم هناك اتعلم فى مصر الاول وبعدين سافر وربنا يكرمك ان شاء اللة
هو اية الفرق بين العقد والفيزاااااااااااا
انا خاريج اكاديمية النيل للعلوم شعبة محاااسبة
والواحد يعرف الشركات الكويسة من الاي كلام ازااي
وعلي فكرة انا مشتغلتش في مجالي قبل كدة يعني مش معايا خبرة
محدش رد عليااااااااااااااااااا لييييية
انا و الله لو كان عندي خبره كنت رديت بس انا زيي زيك ابيض خالص عشان كده متابع
ربنا يوفقك يا محمد ويهديك للصالح
ياباشا انا بس مش عايزك تستعجل كل حاجه بالصبر وان شاء الله هيبقى كلة تمام لازم تاخد خطواتك وتدى كل خطوة حقها انت خريج محاسبة الاول حاول تطور نفسك فى حاجتين مفيش غيرهم
اولا : الانجليزى ثم الانجليزى ثم الانجليزى صدقنى الاولوية والى اهم من اى حاجة انك تحسن مستواك فى الانجليزى ده مش معناه انك تاخدلك دورتين وخلاص ويبقى معاك شهادة مش هتنفع بحاجة لو كنت انت ماستفدتش منها يعنى تشوف مركز كويس مستواه عالى وتشوف مستواك ايه وتبدا معاه و حاول مع نفسك برضه شوف برنامج عليم الانجليزية الى على موقع bbc arabic لان بجد هتحتاجة جدا لو حبيت تسافر محدش فى الخليج دلوقتى بيكلم عربى خصوصا الامارات وقطر هتتعامل مع كل الجنسيات الهنود والفبينيين والانجليز كل الجنسيات بتتعامل مع بعض بالانجلش ولو عايز تبقى جامد الانجلش هو الى هيرفعك ويفتحلك ابواب كتير طبعا لما تعمل اساس من وانت فى مصر وفى بدايه حياتك العملية هيفرق معاك بعد كده فى ممارسة اللغة
ثانيا : لازم تطور نفسك فى مجالك لان طبعا معروف ان التعليم فى مصر مش موجه للشغل وسوق العمل يعنى حاول تشوف برامج محاسبية وتطبيقاتها اكيد هتفيدك عن الى درستة فى الكلية
اخر حاجه ودى اهم حاجى استعين باللة واتوكل علية واعمل الى عليك وتأكد ان ربنا هيكرمك ان شاء الله طول مانت بتتعب بجد وتسعى واوعى الياس والاحباط بيدمر اى طموح من مهدة
وبالتوفيق يا باشا ان شاء الله
ربنا يخليك يابو ايااااااااااااااااااااااا ااد
اولا شكرا اوي علي المتاابعة ورينا يخليك ياارب
انا عايز اقلك حااجة وحاسس اني متناقض فيها
انا مش بحب المحااسبة خاااااااااااااااااااااااا االص وعديت فيها ببركة دعاء الوالدين
فعايز اساافر واشتغل في اي مجال غير المحاسبة
مش عارف حاسس اني كدة بهبل صح :36_2_49[1]:
العفو ياباشا اى خدمة
مين قال انك بتهبل دى حاجة بتتحب او تتكرة تعرف بقى انك عامل زيى انا كمان مش بحب المحاسبة ولا بطيقها لا كدراسة ولا كشغل عشان كده اتخصصت ادارة اعمال بس مش التخصص الى بيفرق فى الشغل ومجالات الشغل كتير غير المحاسبة وانت لسه متخرج وطازه يعنى قدامك كل الطرق وانت تشوف الى بتحبة او هترتاحلة وربنا يكرمك فية عندك مثلا مجال زى التسويق والمبيعات مجال جامد جدا تقريبا بيكون اعلى رواتب بس مش فى اوله اوله بيبقى صعب جدا ومتعب وفيه كمية ضغط شغل غير عادى ومعايير النجاح فية مش محددة مش لازم مثلا الى درس تسويق يبقى احسن واحد ممكن يكون واحد خريج خدمة اجتماعية او اداب علم نفس حتى بس بيعرف يبيع ويعمل علاقات ومرتباتهم بتبقى عاليه عشان الكوميشن العمولات سواء فى بنوك او شركات المحمول او توكيلات السيارات او اى مجال فيه سيلز
معلش يا بوب هاكلمك بعدين مضطر اقوم دلوقتى
انا قلت كدة بردة هههههههههه
والله انا مش عارف اعمل اية ولا ابدء منين انا محتاااااااااااااااار حيرة السنيين
انا عايز حااجة تكون في مجال السيارات لان د=ة الحاجة الوحيدة اللي بفهم فيهااااااااااااااااااااا
حاول تتابع الاعلانات في الاهرام او على النت ودول غالبا بيبقى العقد من الشركة نفسها بدون وسيط بتبقى افضل