هل معقول فيه ناس حسودة كده ؟

**MaZaGAngeE** · 17-09-2011 04:35 AM

من ضمن العمال اللي عينتهم في المصنع عامل ابن السواق بتاعي و الواد طلعت عينه وحشة بجد , مرة عرف ان واحد من الفنيين عنده مزرعة فراخ صغيرة و قاله "و عندك كمان مزرعة فراخ و كل يوم تجيب العلف ده كله يا عم علي " و تاني يوم الفراخ مات منها 90% , صدفة ممكن ...
عشان احنا مغتربين في بني سويف فكان كل واحد من البلد بيعزمنا على الفطار و كان الدور على علي برضه و احنا بنفطر الراجل كان لابس جلبية جديدة و الواد حط ايده عليها و قاله " حلوة قوي يا عم علي " الراجل راح يصلي التراويح لقي صدر الجلبية منسل و لما روح مراته قالتله " الجلابية منسلة كده ليه " لقي الجلابية الجديدة من الظهر منسلة كلها بالعرض ... برضه صدفة ..
طارق اللحام كان بيشيل السقالات مع العمال و الواد بيقوله " ايوه يا عم طارق شغلانة زيادة و أوفرتايم و العملية هايصة معاك " الراجل بيرفع راسه راحت السقالة معوراه في ظهره بجرح طوله 6 سم .... الواد حظه وحش و مش عايزين نظلمه ....
سيد الكهربائي بيشتغل معايا بارت تايم و شغله الأصلي في صيانة أبراج اتصالات و عنده موتوسيكل ... الواد قاله "يا عم سيد و انت داخل علينا بالمكنة زي ما تكون أسد " و الراجل مروح خد ملف اتقلب يالمكنة و تاني يوم دخل يصلي في جامع في قريته جنب بيته المكنة اتسرقت ..... نقول ايه بقى ؟؟؟
أنا أخدت شغلانة تركيب جمالون في المصنع اللي جنبي البيه قاللي " يا هندسة هوه صحيح انت بتدي المساعد 100 جنيه يومية ؟" في نفس اليوم عربيتي اتقلبت و الخسارة أكبر من فلوس الشغلانة مرتين تلاتة ....
و كمان كام موقف كده مش فاكرهم دلوقتي ....

المصيبة بقى أنا بقيت بخاف جدا منه و بقلق جدا لما بشوفه بس الواد شغال معايا , كمان كل العمال و الفنيين اتعقدوا منه ...... مش عايز أمشيه لكون بفتري عليه و كمان عشان أبوه عشرة عمر , كمان هوه هيتجوز على العيد الكبير و انا عارف حالته المادية الضايعة ....
هوه فعلا فيه ناس كده تبص للواحد تجيب خبره ؟
انا عارف ان الحسد حقيقة بس معقول يكون للدرجة دي ؟؟؟!!!!!

**Dr_Mido** · 17-09-2011 04:44 AM

لا فى والله واكتر من كدة كمان وربنا يعينك عليه

**magyver** · 17-09-2011 04:49 AM

ياخرااااااااااااااابي
دة انا لسة وااااااخد عييين من وااد صاحبي واكتر من مرة
ومش عارف اعمل اية
اخرهم يوم الخميس كنت محضر نفسي اني مساافر الجمعة الصبح رايح مصر في مشوار مهم
واانا معايا عربية بي ام 82 عليها مكنة 2500 وكساحات وعفشة والشغل دة
الواد قابلني امباارح قاالي اية الروقاااان بتاعك دة
قمت قايل لصاحبي اللي كان معايا في العربية ربنا يسترها يااااااااااارب
مافيش 5 دقاايق ووقفت الكاوتشة بتاعت الرديااتير اتقطعت ومية العربية كلها نزلت علي الارض
اعمل اية في الواااااااااااااد انا مش عارف هاتجنن

**wesam_salom** · 17-09-2011 04:54 AM

ابعت لك واحد صاحبى بنى سويف لو شافك وقالك منور ممكن يقطع الكهربا عن الصعيد كله

**misoalex** · 17-09-2011 05:39 AM

شخص زى ده ممكن يجيبلك الفقر بس لو قطعت عيشه يبقى زنبه هو لان فيه شعره بين الحقد والحسد واخينا ده قطع الشعره دى

هو شخصيته كده ومينفعش تغيرها لكن لو سيبته ممكن يعملك مشاكل اكبر بكتير يعنى كويس انها جت على حاجات بسيطه ممكن مره تيجى فى حاجه كبيره

ممكن تستخير ربنا لو بتفكر تمشيه

او ممكن تجيبله شغلانه تانيه مع اى حد انت تعرفه (ولو ان الحد ده ممكن يدعى عليك بعد كده ) وكده متبقاش خسرت ابوه ولا قطعت عيشه

**pro_samir** · 17-09-2011 06:41 AM

**زهير فكري** · 17-09-2011 08:50 AM

داوم علي ذكر الله و قراءه المعوذتين , و تذكر ان ما من شيء يضرك الا ان يشاء الله .

**tarek_2005** · 17-09-2011 12:59 PM

يا اخي هذا ليس بحسد راجع حلقة خواطر الشيخ الشعراوي عن الحسد
كل هذا افتراءات من وحي خيالك اتقي الله في هذا الولد ولا تكن سبب في قطع عيش احد لاتدري لعله في يوم يكون سبب في رزقكك

-

الموضوع: هل معقول فيه ناس حسودة كده ؟

LinkBack

أدوات الموضوع

عرض

هل معقول فيه ناس حسودة كده ؟ - انشر الموضوع فى :

-

-

-

-

-

-

-

المواضيع المتشابهه

معقول دا صوت Bmw ?

هوا ده معقول؟

غير معقول

بجد مش معقول!!!!!

الكلمات الدلالية لهذا الموضوع

المفضلات

المفضلات

ضوابط المشاركة