الموضوع: كل اسبوع تقريبا الفيوز يضرب

بدل الفيوزات بفيوزات اكبر وجرب وشوف

لا الموضوع ده اخاف منه بصراحة ، عارفين ليه ، علشان انا اصلا لما بيحصل الموضوع ده بيبقى فيوز المسئول عن طرمبة البنزين و ده بيبقى 15 امبير ـ و نظرا لانى اخدت الفيوز الاحتياطى اللى موجود فى الكبوت ، اضطريت اشترى من المحلات ، و طبعا المحلات بتبيع فيوزات اى كلام
و علشان انا شاكك فى الفيوزات بتاعتهم ، حطيت فيوز اقل يعنى 10 امبير ، علشان لما يتحرق بسرعة احسن من ان يكون فيوز مضروب و ميتحرقش خالص و يسببى مشاكل كبيرة اكبر من مشكلة فيوز نظرا الفيوز مضربش ، عارفين ايه اللى الحصل، الفيوز ال 10 امبير متحرقش و اللى اتحرق الفيوز ال 15 امبير بتاع حاجة اسمها انجن سينسور ، يعنى اسمها لوحده يقلق ان المشكلة ابتدت تصرح فى العربية ، ما بالك اذا كنت حطيت فيوز 15 زى اللى كان راكب كان ايه اللى حيحصل ، اما بقى النهاردة حطيت فيوز 15 امبير ، عارفين ايه اللى حصل ، الفيوز ساح تتماما و انا ماشى بالعربية و طلع شياط ، و تسبب فى تلف فيوز اخر فى علبة الفيوزات اللى بجوار الماتور ، وكان فيوز من الفيوزات الكبار اللى جمبت الريلهات بتاع الانجن برضه .

فيوزات سكة و مضروبة حتخلى الواحد يجنن والله ، تخيل لغاية ما اكتشف العيب ده فين حيكون الواحد اجنن من الفيوزات اللى فى الحقيقة غير المكتوب عليها تماما

المشاركة الأصلية كتبت بواسطة medo80

يعني اعتقد ان الموضوع نوع فيوز محترم و غالي و معتمد مش مضروب و شوف في المانيوال بتاع العربية انت محتاج فيوز كام
يا ريت حد من الاخوه المتخصصين في المنتدي يرد علية و يقولة يجيبة منين و يتاكد منة ازاي علشان تجنبا لفتة الصنايعية

فعلا يا ميدو ، اولا ما سبب تلف فيوزات طرمبة البنزين بالذات
ثانيا من اين الواحد يشترى طرمبة بنزين اصلية
ثالثا من اين الواحد يشترى فيوزات اصلية

اشكركم جميعا على تعاونكم

حاروح التوكيل بعون الله و اطلب الكشف عن هذا العيب قبل شراء الطلمبة
تحياتى لكم جميعا