الأخوة الأفاضل/ عندي نوبيرا 2005 كل أما آجي أدورها الصبح ألاقي صوتها عالي وبعدين الصوت وطا أنا عارف إن دا طبيعي لكن مع ذلك بسمع صوت زي النقر بسيط ومع المشي بحس إن صوت الموتور عالي...أرجو الإفادة.
عرض للطباعة
الأخوة الأفاضل/ عندي نوبيرا 2005 كل أما آجي أدورها الصبح ألاقي صوتها عالي وبعدين الصوت وطا أنا عارف إن دا طبيعي لكن مع ذلك بسمع صوت زي النقر بسيط ومع المشي بحس إن صوت الموتور عالي...أرجو الإفادة.
بس من امتى بتسمع الصوت ده؟؟؟
إكشف على التاكيهات ولو اديلك 4000 كيلو مغيرتش الزيت غيره
العربية عاملة كام الف و بتستعمل زيت ايه و بتغيرة كل اد ايه؟؟
MMamdouh
أنا أشتريتها في شهر يناير اللي فات وبغير زيت موبيل Xhp ولسه ما كملتش 2000 كيلو من آخر غيار وهي عاملة 51000 كيلو دلوقتي.
معتقدش ان النقر ده نقر صبابات ليه بدري عليها ولا ايه؟؟اعتقد انك محتاج ظبط تاكيهات
في ناس كتير نصحوني إني أغير الزيت موبيل وأستعمل زيت شيل أو مصر للبترول بيقوللي إنو أتقل وبيوطي صوت الموتور أيه رأيكم؟
غير لشيل... و استعمل فلاش و انت بتغير الزيت عشان لو فيه اى رواسب فى الكستبانات تشيلها
MMamdouh
فلاش سعره كام؟؟؟
وينفع لأي عربية ولا إيه؟؟؟
انا شاهين 1600 سي سي 2006
هو كان ب 20 و لقيتة امبارح ب 25... معرفش غلى فى كل المحطات ولا لا... دا فى on the run
ينفع لاى عربية... بس متكنش عاملة 150 الف مثلا و تكون دى اول مرة تحط فلاش
MMamdouh
فلاش ده عبارة عن أيه؟ أعذرني أنا ما أعرفش!
هو عبارة عن مادة بتروليه (اساسها جاز) بتتضاف على الزيت عشان تدوب الرواسب اللى سببها زيت الموتور و تنضف مجارى الزيت و الكستبانات
http://www.cyclo.com/additives_oil_trans.asp
http://www.cyclo.com/images/new_images/c19c20.jpg
MMamdouh
انا لاحظت ان مافيش اى تحذير من استخدامه فى حاله العربيه عمله اكتر من 150000 طب ايه الى ممكن يعمله فى الماتور اللى مشى 150000اقتباس:
المشاركة الأصلية كتبت بواسطة MMamdouh
حتنزل كمية رواسب محترمة ممكن تسد مجارى الزيت
و فيه ناس قالت ان المواتير لما بتبقدم بتبقى الرواسب دى هى اللى حاكمة الكبس و استعمال الفلاش ممكن يعجل بانها تفوت
MMamdouh
بس هو متكوب انه بيدوب الرواسب مش بيحركها من مكان الى مكان يعى كلام ده فعلا مكتوب على العلبه او على الموقع الخاص بيهماقتباس:
المشاركة الأصلية كتبت بواسطة MMamdouh
و لو الرواسب مدابتش تماما؟؟؟
MMamdouh
بصراحه انا كنت بفكر استعمله على اساس انى مالقتيش عليه اى تحذير لاكن بعد كلامك هغير زيت من غير ماحط فلاش لانى كنت فاهم انه بيعمل دوره نضافه للماتور بدون اى مشاكل او خسايراقتباس:
المشاركة الأصلية كتبت بواسطة MMamdouh
استاذ ممدوح انا كنت كتبت مشكله حصلتى فى قسم الدايو تحت عنوان كيفيه اختبار طلمبه المياه ياريت تبص عليه وشكراً
بمناسبة الحديث عن الفلاش انا عربيتى عمله 20000 وزيت الماتور بينزل وسخ واسود المهم فى محطة موبيل على طريق صلاح سالم عامل هناك اقترح موضوع الفلاش قبل تغير الزيت القديم المهم بعديها بكام شهر واحد من نفس المحطة قال لا غلط عشان الفلاش بياكل مش فاكر جلد اوشنابر ..... هو قال فى حل ممكن تحط زيت جديد عادى خالص ولكن تغير بدرى يعنى بعد الف ايه رايكم ؟؟؟؟
أنا آسف نسيت أقولك على حاجة تانية لما آجي أنقل من الأول للتاني ألاقي صوت العربية يعلى شوية بردو...يكون أيه السبب كده؟
وخصوصا عند الضغط على الدبرياج!!
انا اول مرة احط فلاش لكن حطيت قبل كده كذا مرة نوع تاني كان من كارفور ب9 وشوية رابيدو تقريبا عادي احط تاني ولا ايه؟؟؟