الموضوع: تقسيط السيارة بدون تأمين

مفيش بنك بيقسط بدون تأمين
لأنه ده بيعتبر بيضمن له ان لو حصل حاجة التأمين هيديله و طبعا الحظر
فالحل حاجة من الاتنين
يا اما تحط وديعة في البنك اللي هتقسط فيه بمبلغ اللي الباقي يعني لو هتقسط 15 الف تحط وديعة بــ15 الف
ويبقي فيه حظر ع الوديعة بحيث تعتبر ضمان ليهم و بعد ما تخلص بيشيلوا الحظر و بتستردها تاني

يا اما المبلغ اللي متأمن عليه في شركة التأمين يكون قليل و ده في قانون التأمين اسمه التأمين البخس
يعني مثلا عندك عربية بمبلغ 100 الف جنيه فانت هتأمن ع قيمة 20 الف جنيه فلو لا قدر الله حصل اي حاجة شركة التأمين مش مطالبة بدفع اكتر من القيمة اللي أمنت عليها و هي الــ20 الف جنيه حتي لو الخساير اكتر
و طبعا احنا عارفين ان التأمين و لا بيدفع و لا بيعمل اي حاجة و لو فكر يصلح بيوديها تتصلح اي كلام
لكن بتبقي ورقة للبنك

و طبعا كل سنة مبلغ التأمين اللي بيدفع بيقل حوالي 20 في االمية عن السنة اللي قبله

و احب اقولك حاجة كمان لما بتبقي بتقسط و تأمين و حظر بيع مش بتقدر ترخص العربية اكتر من سنة يعني لازم كل سنة ترروح تاخد جواب من البنك عشان ترخص العربية غير طبعا بيبقي مكتوب في الرخصة حظر بيع بالقلم الاحمر بطول الرخصة :)
و بالتوفيق ان شاء الله